***
Pagtiktilaok ng manok sa umaga
Obserbahan mo't ikaw ay magtataka
Bakit manok ang unang nakakaalam
Sa pagsikat ng araw ay siyang ramdam
-
Boses nila sa tenga ko'y sobrang lakas
Para bang tunog nito ay gumagasgas
Ng isip kong tulog sa pagkakahimbing
Na pag narinig ay biglang gumigising
-
Kung ang panginoo'y nilikha ang manok
Na gumising sa ati't tumiktilaok
Patunay lang na dapat tayong lumuhod
Sa kanyang kadakilaan at sumunod
-
Dahil ang mga gumising ng maaga
Ganda't preskong araw ay sumasakanya
Na nagbibigay ng panibagong lakas
Sa katawang enerhiya'y kumakalas
***
