احببتكِ ❤

بارت 2 🤘

اليوم اول يوم دوام جامعي كل طالب بهذا اليوم يتحمس ويفتخر بنفسه وشويه اكو خوف لان مكان جديد وميعرف ناس هوايه، اكيد لان عاش فتره من الانعزال من وره ضيم السادس 😅 المهم نجي للقصه ...

-نرجس : ياالله هسه شسوي يعني اول يوم ومااعرف احد والمشكله قسمي مااندله راح ابجي والله😭

-ياد : (شفت نرجس وحدهه تمشي وكأنهه ضايعه كلت عيب بنت منطقتي خل اسألهه شمحتاجه) هلو نرجس شلونج؟
-نرجس : (اوف ماريد اوكف وياه والناس من اول يوم تاخذ نظره عليه وخصوصا اني غريبه عن هالمنطقه) اهلاً اهلاً ومشيت🚶‍♀️
-ياد : والله العظيم مو صوجهه صوج الاثول اني صوجي انقهر ع هيج شكولات 🚶‍♂️
-نرجس : (واخيرا لكيت بنيه اسألهه) عفواً بله زحمه قسم البايلوجي وين ؟؟
-الابنيه : مرحله اولى انتي ؟!
-نرجس : اي واول يوم اداوم
-الابنيه : حلو اني هم مرحله اولى امشي نروح سوه
-نرجس: الحمدلله لكيت وحده ويايه اني اسمي نرجس
-الابنيه : اهلا وسهلا بيج واني اسمي رغد..

--دخلنه للمحاضره وطلعنه للكافتريا سوه واتعرفنه اني ورغد وصرنه صديقات خلص الدوام ورحت للباص حتى ارجع للقسم الداخلي وشفت ياد يم الباص ..
.
-ياد : ( هم شفت نرجس ابتسمت حتى اسلم عليهه وشفتهه ندارت وغلست) لا هاي ابد مو صاحيه شسالفه اني صديق اخوهه واسلم شمسوي الهه قابل

نرجس : (بقه ياد جم يوم يحاول يسلم او يحجي ويايه واني ماانطيه مجال لحد ما مل وكام يشوفني هو ميعبرني  .. اني من النوع الي مااختلط ويه الولد ومااعترف بصداقة الولد بالابنيه لان اخواني حاجين الي بلاوي من وره الولد ف مااحجي حتى مااوكع بمشكله)(وهاي وجهة نظري )
..
بالقسم الداخلي كعدت ويه بنات اثنين(آيات ورؤى)  هم من بغداد والاهم آيات طلعت ويايه بالشعبه واتعرفنه وصرنه ناكل سوه ونكعد سوه وفد يوم حجيت الهم على ياد ..
رؤى : كوليلي  شلون شكله حلو لو لا ها؟؟
نرجس : زين شكله وطويل و...
ايات : هسه عوفونه من شكله .. انتي ميصير كبل تاخذين نظره محلوه عالولد لازم تشوفين شلون يتصرف وشلون طبعه واخلاقه وثاني شي هو شمسوي بس يسلم اي جاوبيه عدل شكو بيهه...
.
نرجس : ( اتفقنه اني والبنات اشوفه الهم وكلنه نراقبه بدون ما يعرف ويحس بينه حتى نعرف طبعه)
(وماشفنه منه شي مو زين .. هو مؤدب كلش وميحجي ويه بنات ومرات يوكف ويه بنيه بس يبين عليه الخجل ف شويه نظرتي تغيرت عنه )
ايات : شفتي كبل ظلمتيه للولد وهو طلع نيته صافيه
نرجس : لا بعد خل اتأكد من كرم اكيد هو يعرف طبعه
ايات : عزه شتكولين لاخوج 😱
نرجس : معليج اني اعرف شلون ادبرهه😉
رؤى : والله انتو صدك فارغات كل هاذا علمود تقررين تسلمين عليه عبالك رايحه تتزوجيه هلكد ماتسألين 😄
نرجس : سكتي رؤى خوما اروح احجي وياه ويطلع ساقط
رؤى : لا لا سألي براحتج وبالمرحله الرابعه قرري تسلمين او خليهه وره التخرج
ايات : هسه عوفونه اني مشتاقه للبيت اريد ارجع منو ترجع ويايه ؟
نرجس : اكيد اني 🤩
رؤى : وانييي🤩
ايات :يلا هسه اخابر السايق ...