نرجس : ( ساعه ٣ ونص العصر وكاعده ويه ام ياد بالاستقبال صراحة مليت من الغرفة لان ياد محسسني اني وحدي بالغرفة ومن احجي وياه احس جاي احجي ويه الحايط لان هو مصّر ميجاوبني ،قاطعت افكاري صوت جرس الباب ... فتحت الباب وشفت امي وخالتي
جايين .
_نرجس : ماما مشتاقتلج (وحضنتهه)
_ماما : واني اكثر بنيتي
_نرجس : هله خالة حمدية شلونج؟
_خالة حمدية : هله بيج حبيبتي
_نرجس :تفضلو جوه هله بيكم
(كعدو بالاستقبال وخالتي ام ياد كعدت وياهم واني رحت اجهز الكيك والعصير وجيت قدمته الهم وكعدت
_نرجس : اي ماما شلونكم بابا شلونه واخواني ؟؟
_ماما :الحمد لله كلهم زينين ومشتاقين الج
_خالة حمدية : بنيتي شفت سيارة رجلج بره بس شو هو ماكو ! وينه ليش مااجه يسلم علينه؟
_نرجس (بأرتباك) :هاا رجلي .. اي فوك يجوز مايعرف انتو جايين هسه اروح اصيحه 😊
.....
_نرجس : (خرب بحظي هسه وكتهه تسأل ع زوجي 🤦♀️ صعدت فوك ولكيته نايم ) ياد ،ياد اكعد
_ياد :شتريدين
_نرجس : ياد اكعد امي وخالتي جايين انزل سلم عليهم
_ياد (بنعس) :انتي كلتيهه ،امج وخالتج بعد انه شكو انزل!
_نرجس : ياااد هسه مو وكتك ،خالتي حمدية تسوي من الحبة كبة ،هسه تطلعلي مية سالفة كوم يلا
_ياد : شنو هسه احتاجيتيلي وجيتيلي؟ مو كلتيلي عوفني وماريدك .. معليه بيج (ودرت وجهي كملت نومتي)
_نرجس : اوووف منك ...(هسه شكول الهم والله راح تكشفني خالتي ،شيخلصني منهه 🚶♀️)
.....
_نرجس : (نزلت للاستقبال واحاول اغير الموظوع ) : ههه هله بيكم يلا شربو العصير طيبة ترة😊
_نرجس : (كاعدة وافرك ايدي ،،ياد يخليني بمواقف زبالة واني مااعرف شتصرف وفجأة.. شفت الباب انفتح وياد مكشخ ومتعطر واجه باس راس امي وسلم ع خالتي واني فاكه حلكي عليه😯 باوعلي بنظرة صفح انتبهت ع نفسي وسديت حلكي اجه يمي وكال ...
_ياد :حبيبي انه طالع ماتريدين شي ؟
_نرجس : (وكفت) لا حياتي سلامتك 😊
_ياد : (بستهه بشوكَ) لاتسوين عشة انه اجيب مشويات
_نرجس :تمام ..
....
طلع ياد واخذ تفكيري وياه بقيت افكر بشكله وبعطره وابتسامته حتى بوسته جان تخبل .. وصحتني صوت خالتي وهي تصيحلي ..
_نرجس : ءء ها خالة
_خالة حمدية : دااكول بيا شهر صرتي
_نرجس :(شنو ياشهر اني لاحمل بقة ابالي ولا الشهر ،اصلا عبالي تسألني ع المدرسه😅) شششهر الخامس
_خالة حمدية : ها زين مباقيلج هوايه
_نرجس : اي خالة
....
ياد : (نرجس جتي تكعدني علمود اسلم ع امهه وخالتهه وانه بقيت اعاندهه وكلت ماسلم شفتهه شلون تضرب رجلهه بالكاع وماتعرف شتتصرف انقهرت عليهه كمت بدلت ورحت سلمت ومنه اخذتلي بوسه من زمان مماخذ وطلعت ...
*___ نرجس: (صار المغرب وكاعده اسوي زلاطه وياد وابوه رجعوا وياد خله العلاكات عالميز وكال لاخته تفرش بالصاله وهو يساعد امه بالترتيب ويودي الاكل للصالة شفتهم شلون عائلتهم كلهم سوه ويعاونون بعض اشتاقيت لأهلي رحت يم امي ...
_نرجس : ماما فدوة خابري بابا واخواني خل يجون يتعشون ويانه
_ماما : بنتي يعني متعرفين ابوج ميرتاح الا ابيته وميحب يطلع
_نرجس : اووف شكد حلو لو يجي ونكعد كلنه سوه😥
_ياد : (سمعتهه منقهره وتريد ابوهه رحت حضنتهه من وره وكلت : من العصر خابرت ابوج واخوانج وهمه بالطريق راح يجون
_نرجس (انداريت بصدمه) : صدك تحجي؟؟ شلون قنعت بابا
_ياد : هذا عمي ميرد كلامي😌
_نرجس : (حضنته بفرحه )
_ماما : الله لا يحرمكم من بعض
_ياد : تسلمين خالة .. انطيني السجينه انه اكمل الزلاطه
_نرجس : (من ياد كال هيج انتبهت ع نفسي جايبه السجينه ويايه 😂 ياد اخذه مني وراح للمطبخ وكعدت اني يم ماما )
.....
*___اجه بابا وكرم وامجد والسفرة كاملة كعدنة كلنة نتعشة ونسولف وصوت ضحكاتنة عالية تمنيت هالليلة متخلص لان كل الأحبهم يمي وكلش فرحانة 🥰😍
*__صار 12 بالليل والكل تعبوا واهلي رجعوا وبقيت وية خالتي ام ياد واخته نرتب البيت ونغسل مواعين اخر شي ام ياد كالتلي : روحي انتي حامل ميصير تتعبين واصلا مباقي هواي احنه نكمل
_نرجس : ماشي .. يلا تصبحون ع خير
_الكل : وانتي بخير
__صعدت للغرفة وشفت ياد مبدل وواكف يمشط ..
_نرجس : شكراً ياد
_ياد : ع شنو ؟
_نرجس : ع كلشي سويته اليوم .. ماتتصور شكد فرحت اليوم من زمان مفرحانه هيج
_ياد (تقربت منهه) : ممسوي شي اني، وانتي مرتي وبس لو تنطيني مجال اعيشج احلى حياة .. صار جم يوم اتصرف بجمود وياج بس علمود اعيشج باللي انتي معيشتني بيه وتعرفين شلون احس من تعامليني ببرود بس بجمودي وياج انه هم اتعب لان مااكدر ابتعد عنج وبالكوه لازم نفسي
_نرجس : (ماعرفت شحجي ف حضنته )
_ياد (انفاسه يضرب ركبتهه وبصوت مخدور : مشتاقلج ، حييييل مشتاقلج
....
أنت تقرأ
احببتكِ ❤
Romanceماذا افعل احببتكِ قصة حقيقيه باللهجه العراقيه تدور احداثها بين نرجس و ياد
