احببتكِ ❤

بارت 3 🤩

_كرم : ( صار اسبوعين ونرجس بعيده علينه واحنه بالبيت كلنه متعودين عليهه لان هي الابنيه الوحيده ومنطيه نكهه خاصه للبيت واخيرا خابرت وكالت باجر ترجع😍)
_ابو نرجس (يخابر نرجس) : ها بنتي وين صرتي
_نرجس :هلا بابا بعدنه مطالعين من كركوك
___*وره ساعه ...
_ام نرجس تخابر : بنيتي وينج هسه
_نرجس : ماما احنه بالدوز
___*وره ساعتين ...
_كرم : نرجس شو ماوصلتي وين انتي بالظبط
_نرجس : تره والله خبلتوني كل شويه متصلين واني مااندل واستحي بعد اسأل السايق
_كرم : عوبه غير مشتاقين الج .. وبعد باقي امجد هم يخابرج 😅
_نرجس : وليي بعد مااجاوبكم اشوفكم بالبيت ❤

__ وصلت للبيت وحسيت راجعه من الحج 😅 كلهم واكفين ماما وبابا واخواني وحضنتهم من صدك مشتاقه الهم وبابا جايب طلي ويذبحه وامي دمعت عيونه .. مقطع مؤثر جان وتبقه هاللقطه ببالي 😍
فعلا حسيت العائله شكد مهمه والوحده صعبه ..
بابا واخواني يسوون الكباب واني وماما نجهز السفره ونسولف فعلا اجواء حلوه الله يديمهه يارب .

__وكعدنه عالسفره ...
_بابا : اي احجيلنه شسويتي بهالاسبوعين
_نرجس : والله كلشي ماكو عادي اداوم وصادقت ابنيه ويايه وبالقسم الحمد لله مرتاحه
_كرم : كثري صداقات انتي بعدج بدايه وبعدين الي تشوفينهه زين ثبتي عليهه
_نرجس : هههه والله اني ماعندي هيج افكار الي تجي كبالي او تحجي ويايه اصادقهه والي متجي مااحاجيهه
_كرم : صدك هم تشوفين ياد ؟؟
_نرجس : هاا ياد !! اي اي اشوفه مرات بس تدري مبين عليه فقير وخوش ولد
_كرم : هه لاتنغرين بشكله تره وراه مصايب . صح صديقي هو بس احجي الحق اني حتى كدامه اكول اله وانصحه وميفيد
_نرجس (هاي فرصتي خل اسأله): مصايب مثل شنو ؟
_كرم : يعني يشرب ويصادق بنات وبعد شغلات ميصير تعرفيهه
_نرجس : هاا😨
_كرم : ليش مسويلج شي ؟
_نرجس : لا بس هيج اسأل عنه
كملت عشه وصعدت لغرفتي ارتاح شويه وخابرت ايات و رؤى : هاا كلتولي مااظلم الولد واجربه شوفوا اخويه شيكول عنه، وحجيت الهم كلشي...
_نرجس : بعد اسمه لاتجيبوه كدامي وولاتسولفون بيه
_رؤى : زين نرجس انتي ليش هيج متأثره ؟
_نرجس : شبيج رؤى لاممتأثره وهو منو اصلا حتى اتأثر
_رؤى : زين زين لاتصيحين
_نرجس : يلا باي انام اني
_رؤى وايات : باي

نرجس : ( بليلتهه بقيت كاعده وافكر بالموظوع ومااعرف ليش جنت ضايجه واخر شي كلت اني شعليه بيه ونمت ) ....
_ماما : بنتي نرجس كعدي صارت الساعه ١١ هسه يصير الضهر كعدي ويانه حتى نتغده سوه شنو جايه تنامين انتي !
_نرجس : اي ماما كعدت
حضرنه السفره وماما مسويه سمج وتمن احمر (اكلتي المفضله 😍) وكعدنه ناكل ...
_نرجس : ماما خلي العصر نروح للسوك اريد اشتري جم شغله وباجر بعد ارجع لكركوك
_امجد : ها شنو ترجعين هو انتي البارحه جيتي
نرجس : اي شسوي خميس وجمعه يمكم وسبت ارجع علمود الاحد اداوم
_كرم : هاي شنو مشبعنه منج والله
_نرجس : ولا اني 😭

__رجعت لكركوك ويه البنات سبحت وتغدينه وكبل نمت باليل كعدت بس اكلت ورجعت نمت من التعب محسيت ع روحي
_رؤى : اهل الكهف كومي يوم كامل نايمه كعدي بدلي نروح لدوام
_نرجس : روحوووو اني مااجي (صراحه مجنت حابه اروح واشوف ياد بعد الي سمعته عنه)
_رؤى :باع الثوله خو جنتي تبقين يم اهلج اذا مداومين ماكو هيج حجي كومي كومي
_نرجس : اووي منج هسه شعليج عوفيني
_رؤى : لا والله مو بكيفج (جريتهه ووكعتهه من الجربايه)
_نرجس :تف عليج حقيره اني الج ...
كعدت غسلت وخليت مكياج وبدلت ولحكنه عالباص ووصلنه للكليه ..
_نرجس (شفت ياد) : هذا العلم مال الكليه لازم اصبح بوجهّ 😒
_ايات ورؤى : (بنظرات مُكر) لا ابد ممهتمه
_نرجس : اي شسويله هو يجي بوجهي
_رؤى : وانتي متحبين 😉
_نرجس : منو حاجي وياج اصلا لتحاجيني انتي ابد😡
_رؤى : ههه امشي ايات نروح احنه احسن لاتكتلنه

__بقيت اداوم اسبوعين واحداث عاديه محاضرات وكافتريا وياد مرات اشوفه يباوع او يسوي حركه ومرات يغلس...
نرجس : بنات صار اسبوعين خل نرجع بعد
رؤى : اي والله انصهرت اني هنا 🤪
ايات : تمام هسه اخابر السايق ...

__صار الضهر ورجعنه من الدوام واجه السايق وصعدنه وهناا صارت صدمه الي !!!!