احببتكِ ❤

بارت 12

_نرجس : ( بعد ما فقدت وعيي كعدت لكيت نفسي بالمستشفى ، دخلوا ياد وايات للغرفة وياد لزم ايدي وكال حبيبي انتي حامل !!! هنا جانت صدمة عمري ومعرفت شسوي وشلون اتصرف ياالله ليش كلما اريد ابتعد عن ياد تقربني اكثر منه !😭 ليش بكل مره اكول خلص راح ابدي حياتي وانسه كل الي صار ويايه وتصير شي اقوى ! اني ضعفت خلاااص مااكدر اكمل وبجيت بهسترية )

_ياد : (شفتهه تبجي حضنتهه وكلت : نرجس لا تبجين ادري انتي مطايقتني ومرايده هالطفل مني بس والله اوعدج راح اتغير علمودج وعلمود طفلنه ،وكلشي تريدين يجرالج انتي بس أمري

_نرجس : طلكني

_ياد : (نصدمت من طلبهه بس ماردت احاجيهه وتكعد تبجي او تأذي نفسهه) اروح اشوف الدكتوره اذا يسمحولج حتى نطلع

........
_ياد : (طلعت من الغرفه وحاير شسوي هاي اكيد خلت الطلاق ابالهه وتبقى مصّره احسن شي اخابر امي )...

_ام ياد : الو ،ابني شلونك مرتك شلونهه
_ياد : زينين احنه يمه انتي شلونج
_ام ياد : الحمد لله ، خير يمه شصاير
_ياد : يمه نرجس طلعت حامل
_ام ياد : كلللللوش الف الحمد لله احلى خبر سمعته وان شاء الله هالحمل يكون سبب حتى تتصلح علاقتكم وانت ياابني داري مرتك
_ياد : اي بس المشكله نرجس متريدني وتريد تتطلك
_ام ياد : ياد انت تريدهه ؟
_ياد : اي يمه لعد علويش تزوجتهه
_ام ياد : هذا هو لعد اني راح اجي لكركوك وللعصر اكون واصله واني اكعد احجي وياهه وان شاء الله تقتنع
_ياد : رايدهه منج يمه ،مع السلامه
_ام ياد :الله وياك ابني
.......
ياد : (كملت اوراق المستشفى وطلعنه وكلت لنرجس نروح لبيت خالتي عندي جم شغلة اكملهه وباجر نرجع لبغداد،ماريدهه تعرف امي تجي حتى ماتكعد تفكر وتطلع اعذار لأمي وهي تحب امي ف جنت متأمل تقتنع وتبطل من سالفة الطلاق )...

_نرجس : (طلعنه من المستشفى ووصلنه ايات للقسم وياد ماقبل انزل بالقسم وكال نروح لبيت خالته وباجر نرجع لبغداد ،نزلنه ابيت خالته واستقبلتنه وسوت النه غده وفرشت النه ونمنه شويه وكعدنه العصر ع صوت الباب ...

_خالة ياد : هله هله ام ياد تفضلي جوه
_ام ياد : هله خيتي شلونج
_خالة ياد :بخير مادامج طيبه ...

_نرجس : خاله !! (استغربت من جية خالتي ،الي اعرفه هو باجر نرجع لبغداد ونطلك،لعد خالتي ليش جايه هسه!)

_ام ياد :كعدي بنيتي لاتكومين
_نرجس :لا خاله عادي (كمت وحضنتهه وكعدنه )
_ام ياد :والله ماتصدكين شكد فرحت من سمعت بحملج
_نرجس : (مبتسمه)🙂
_ام ياد :ان شاء الله يطلع حلو ويشبهج
_نرجس : تسلمين خاله
_ام ياد : اي شقررتي تسمينه؟ (وهي تحاول تجر لسانهه حتى تفتح موضوع طلاكهه)
_نرجس :بكيفكم ،ابنكم هذا
_ام ياد :بنتي تره ياد حجالي كلشي انتي ليش كبل اتخذتي هالقرار فكري بعقل ولتتسرعين
_نرجس :لاخاله ممتسرعه وهذا قراري من زمان
_ام ياد : مو ميصير هسه يختلف عن قبل هسه انتي حامل يعني لازم تفكرين بمستقبل الطفل خوما يعيش متشرد بين امه وابوه ،انتي ترضيهه لأبنج؟
_نرجس : لا خاله بس ...
_ام ياد : بدون بس ،انطي لياد فرصة وهو انطه وعد يتغير واذا ماتغير ذاك الوكت سوي الي ترديه
_نرجس : اوك بس عندي طلب
_ام ياد : اي كولي
_نرجس : مااريد اداوم هالسنه أأجل ، هو من البداية مالي خلك ونوب اداوم واني حامل !مادبرهه
_ام ياد : هذا هو مثل ماتردين أجلي هالسنه وسنة الجاية تكملين ماكو اشكال
_نرجس: (حضنتهه،،من اكعد وياهه ونسولف انسه انو هي ام ياد ومن حنيتهه احسهه امي واحجي الهه كل الحجي الي اريد احجيهه لأمي بس مااكدر .. امي متتحمل اذا تعرف اني هيج جاي اتأذه هي تنقهر اكثر مني ويصير بيهه شي لاسامح الله )
.........

_ياد (امي جتي وقنعت نرجس واني اسمعهم بس مسوي نفسي مشغول وبالي مويمهم لحد ماكملوا حجي وتحاضنو .... اجه وكت العشه واتعشينه كلنه وبعدهه كعدنه كعده شبابيه اني ونرجس وولد خالتي وبنات خالتي ..
_سرى (بنت خالة ياد ) : ياد احجي النه شلون تعرفت على نرجس وردتهه

(طبعاً همه مايدرون بالسالفه )
_ياد (يحجي ويباوع ع نرجس ) :شفتهه بالكليه ودخلت بكلبي وحبيتهه ورحت طلبت ايدهه من اهلهه

_نرجس :(مبتسمه ومنزله راسهه)

_سرى : يااا حلو . وانتي نرجس شنو جان شعورج وتوقعتي يجي يخطبج ؟؟

_نرجس : هههه لامجان ابالي اصلا ،عبالي بس هيج نظرات

_طه (ابن خالة ياد ) : كافي سرى جاي تسوين تحقيق وياهم !! يلا خل نلعب محيبس

_الكل : ههههه اي يلا نلعب
......

*___نرجس : (بقينه يومين بكركوك ابيت خالة ياد وراهه رجعنه لبغداد كلت لياد ينزلني ابيت اهلي مشتاقه الهم وصلني لبيتنه واهلي مايعرفوني راجعه ودخلت عليهم واصيييح : هلاااو شلونكم

_كرم (بفزه) : نرجس 😯
(وركض عليهه وشالهه ويفرهه من الفرحه ممصدك😅)
_نرجس : هههه ولك كرم نزلني ،كرم اني حامل راح يتأذى الطفل😅
_كرم (بصدمه) :اوكفي شويه شويه احجيلنه مو تصدمينا ووره بعض
_ماما : دسويلهه مجال تجي تكعد حتى تحجي
_بابا : هله بنيتي نورتي البيت
_نرجس :والله مشتاقتلكم كلكم
_امجد : هسه عوفينه منج احجيلنه من شوكت حامل وولد لو بنيه ،،انتي صرتي قديمه متهمينه😅
_نرجس : امجد اكرهك 😒
..كعدت ويه اهلي وكلت الهم وكعت وياد وداني للمستشفى وطلعت حامل بالشهر الثاني وبعدهه جنس الطفل ميبين وكلت الهم اجلت دوام هالسنه

_امجد :لا لتكوليهه
_نرجس :شكوو
_امجد : يعني بعد مترحين لكركوك وتبقين ابغداد واكيد يوميه تجين وتدوخينه🤦‍♂️
_نرجس (تضرب رجلهه بالكاع ) : بابا دكول لأمجد 😫
_بابا : امجد كافي اسكت
_امجد : زين بابا😅

*__ نرجس عدهه اخوان اثنين وشخصياتهم تختلف عن بعض كلش .. كرم يحب نرجس وعلاقته حلوه وياهه ويحب يكعد وياهه وهو اول واحد يفرح لجيتهه
اما امجد يحب يعاند نرجس ويطلع روحهه دائماً يشككهه بنفسهه او يحجي عليهه ومن نرجس تتعصب هو يكعد يضحك عليهه ونرجس من متعرف شتجاوبه كبل تصيح ابوهه يدافع الهه🤣