احببتكِ ❤

بارت 5

مرت سنه وبدت الدوام وصرت مرحله الثالثه وتقريبا كلنه نسينه موظوع ياد وهو حسيته نساني وميهتم وميصادفني ابد ارتاحيت كلش وبقيت اداوم عادي وكثرن صديقاتي وتعودت عالاجواء هناك والاهم صرت اعرف اطبخ😂😂
وبيوم اجتي ايات تحجي ويايه : نرجس تعرفين احمد الي ويانه بالشعبه؟

_نرجس : اي شبيه ؟

_ايات : هو اجه وحجه ويايه وكال هو معجب بيج

_نرجس : اوهوو اني ليش هيج حظي🤦‍♀️ يعني ارتاحيت اله وكلت ولد فقير ويساعدني بالدراسة استفاد منه ليش الا يخربه ويكول معجب! هسه بعد لازم مااحجي وياه

_ايات : يابه صبري خل اكمل .. الولد يعرف بيج انتي متحجين ويه ولد ومتسوين علاقات ومخليه فكرة الزواج وره التخرج ،لذلك كال نبقه اصدقاء نفس قبل لحد مانتخرج ويتقدم الج .. بس حب يوضح الج

_نرجس : اي هذا هو واني اسوي نفسي مااعرف بشي ☺️
________
*_راجعه من الدوام كرم خابرني
_نرجس : هله بالخاين صاير متسأل

_كرم : ولسانج طويل هم لج مو كل مره اني اخابرج

_نرجس : اي واذا مو انت اخويه الجبير😊

_كرم :اي عادي حوليلي رصيد واظل اخابرج كل مره😅

_نرجس : مصلحجي ولي ماريدك تخابر😂

_كرم : خابرت حتى اكولج خبر وافرحج ولو متستاهلين بس شسوي متعود احجيلج

_نرجس : اي ياالله محتاجه للفرحه شنو الخبر كولّي

_كرم : مو متخرج صار جم سنه وممتعين ؟ اليوم راح اتعين لا وراح اصير مدير الشركه هم☺️

_نرجس :كلللويش اطير اطير من الفرحه فديتك تستاهل الف الف مبروك ياعمري

_كرم : الله يبارك بيج حياتي 🥰

_نرجس : بس تعال كولي منو هذا الطايح الحظ الي رضه يعينك ومدير جماله😂

_كرم : والله ماكو غيرج طايحة حظ .. هذا ياد صديقي ابوه عنده شركه وهو جبير بالعمر ف انطاه بيد ياد وياد يكول اني ماافتهم بهالسوالف ومالي خلك وكال الي نسوي شراكه ،،راح ابيع بيتنا الثاني وبابا ينطيني جم فلس واشتري نص الاسهم منه

_نرجس (تذكرت ياد) : هاا😨 كرم شو احس ممطمنه لهالسالفه

_كرم : لا يابه اطمني اني مصدكت لكيت شغل واذا قصدج ياد يسوي شي ف اطمني ياد ١٠٠ مره سوه علاقه وره ماتقدم الج وال ١٠١ بالطريق 😂 يعني مو اباله انتي😅

_نرجس : انجب مو قصدي هيج بس ماادري خفت

_كرم : اطمني عمري مايصير الا الخير واخوج سبع 😘

_نرجس : ان شاء الله حياتي 😘

___مرت شهر وصرنه اني واحمد وايات نكعد سوه بالكافتريا وعلاقتنا صارت اطوخ من قبل بس بحدود الصداقة يعني نبين كدام العالم صداقة بس بداخلنه غير 😄 حبيت احمد كلش وعجبني تصرفه وهو خلاني احبه بأسلوبه وابد مافاتح الموضوع ويايه واذا يريد يوصل الي حجي بخصوص هالموضوع يكول لآيات وايات تحجيلي 😅

_ايات: نرجس اليوم احمد يكولّي انتي حجيتي لنرجس كلشي كلتله اي ،وهو فرح كال مادام هي تدري وبعدهه ويايه يعني تقبل بيه

_نرجس: ههههه اي بقيه هيجي احسن 😜

_ايات: والله انكسر كَلبي عليه وكلتله اي تقبل تقبل بس تحب تدلل عليك 😉

_نرجس: ان شاء الله ينكسر كَلبج ومايتصلح ابد لج ليش فضحتيني كدام الولد

_ايات: اي خطيه انتي متحجين اله واني حجيت بدالج .. وليش هو كلامي مو صحيح 😉

_نرجس : لا موصحيح 😊

_ايات: كاشفتج عمري .. عيونج تحجي ماكو داعي انتي تحجين

_نرجس : ولي من وجهي لا بال👡
_ايات :😆🏃‍♀️🏃‍♀️🏃‍♀️

*___ وكملت امتحانات نصف السنه ورجعت لبيتنه

_نرجس: لك هله بالمدير شلونك شلون شغلك؟

_كرم : هله بيج هله الحمد لله اني زين وشغلي احسن مني جاي اصرف كل طاقتي ع الشغل وان شاء الله الشركة تصير احسن شركة

_نرجس : ان شاء الله

_كرم : وهسه اروح عندي اجتماع ويه شركة نعقد وياهم وراح اتأخر بالرجعه يلا بااي

_نرجس : الله وياك بالموفقيه ❤❤

_ماما : صار شهر وهذا حالته ومنلحك نشوفه اصلا مينطي لنفسه استراحه

_نرجس : اي عوفيه ماما هو جم سنه كاعد بلا تعين هسه اجاله هالشغل بلكي يتزوج ويستقر من وراهه

_ماما : ان شاء الله بيهه خير

_نرجس : (صار الليل والكل ناموا وبقيت اني بغرفتي اعدل بيهه واشوف صوري القديمه مشتاقه كلش لغرفتي 😍.. وسمعت صوت الباب هذا اكيد كرم رجع..
نزلت شفت كرم ) : اكعد اصبلك عشه

_كرم : اي والله ميت جوع

_نرجس : شلون جان يومك ؟

_كرم : الحمد لله عقدت ويه شركة راقية كلش صح انطيت فلوس هوايه ورهنت جم شغله بس وراهه ارباح خطيره هالشركة

_نرجس : شو اسمعك تكول عقدت وانطيت شنو ياد مو وياك؟؟

_كرم : بلي ويايه بس هسه هو مسافر والصراحه ميدري بهالشركة كلت من يطلع الارباح افاجأه 😊

_نرجس :اهاا .. يلا اكل عشاك واني رايحه انام تصبح ع خير

_كرم : وانتي بخير ...