نرجس : ياد شكو ليش تجرني شصاير
ياد(بعصبية) : امشي وسكتي
نرجس :امك عفناهه غير ترجع ويانه !
ياد (يصيح) : كلتلج سكتي ، يلا صعدي بالسيارة
نرجس : (صعدت واني مامفتهمه السالفه شنو مااعرف ياد ليش تعصب هيج ..اخاف اسأله ويتعصب احسن شي ابقه ساكته )
ياد : (يسوق بسرعه ومتعصب ميحجي شي )
نرجس : (وصلنه للبيت ونزل ياد ويجر ايدي وراه) ياد ع كيفك راح اوكع
ياد :...
وصلنه للغرفه ..
ياد :ممكن تكوليلي هاي شنو الي لابستيه !!
نرجس : مابيهه شي ، مو خواتك هم لابسين قصير لو بس الي ممنوع
ياد : شعليه بيهن اني عليه بيج وبس 😠
نرجس : شمعنى بس اني !
ياد : لان ياثوله انتي مرتي
نرجس (وكفت بوجهه) : هههه مرتك!! ليش ماجنت مرتك لمن جنت تخوني وتحجي ويه غيري؟مو مرتك لمن تحضن غيري كدامي ؟هسه صرت مرتك هه
ياد : انتي بأسمي ومااسمح لاحد يباوع ع شي مالتي
نرجس : اني مال نفسي ومو مال احد وثانياً لبسي مو فاضح علمود احد يباوعلي (بس الركبتين طالعات😁)
ياد :انتي الضاهر سكتت الج هواية ولسانج طول ينرادلج تربيه من جديد
نرجس (بتحدي): لتبيع شرف عليه مو انت الي تعلمني الصح من الغلط وانت قطعة اغلاط
ياد: راح اعلمج قطعة الاغلاط هذا شيسوي ...
نرجس : (تقدم عليه وشك الفستان وذبني على السرير واني لا حول ولا قوة اضرب بيه وابعده عني ماكو فايده لحد ما كمل شغلته وطلع وعافني )
كعدت ابجي ع نفسي يوم وره يوم مشاكلي تزداد ويه ياد وانصدم من تصرفاته الوحشانيه ،ماكفاه كل القهر الي سببه الي واخر شي اخذ مني الشي الجنت استقوي بيه ،اخذ مني املي الوحيد للحياة .هسه اني بعد ع شنو عايشه اني صرت ضعيفه لو اموت احسنلي😔
_ياد: ياد هاي شسويت😐 (كلشي جنت مخطط اله جاي يصير عكسه مااعرف ليش،اني من شفت نرجس حبيتهه وردتهه ومن رفضتني كلت اخذهه غصب وبعدين اعودهه ع نفسي واخليهه تحبني بس بسبب تصرفاتي الغبيه كلشي صار عكس اني من سويت علاقه ويه مروه جان نيتي اغيضهه واشوفهه تغار عليه بس هي بعدتني عنهه وصارت متهتملي ،و هسه اكيد ماتباوع بوجهي بعد ،،لا هسه اكيد تطلب طلاق اصلا. شسوي والله مااعرف شسوي😫)
ياد :رجعت للبيت شفتهه نايمه واني رحت للغرفة الثانية ونمت
*__صار الصبح اهل ياد رجعوا للبيت وام ياد دخلت لغرفة نرجس..
ام ياد :نرجس حبيبتي هاي بعدج نايمه ؟البارحه مارجعت كلت اعوف العرسان وحدهم اي طمنيني شلون جان يومج البارحه؟
ام ياد:بنتي شبيج ليش متجاوبيني ؟نرجس!! يارب سترك شبيهه نرجس ليش متتحرك ولكم لحكوني منو هنا؟ ياد الحك ع مرتك راح تموت
ياد :(جنت نايم وسمعت امي تصيح ياد الحك مرتك راح تموت ركضت كبل ع غرفتهه وشفتهه مغمضه وكل.هالصياح وماتحركت كعدت يمهه ورشيت ماي ع وجهه ولزمت وجهه بأيديني وكلت) : نرجس باوعيلي شبيج بشنو تحسين ؟؟
_نرجس :(شفت ياد وتذكرت ليلة البارحه لا لا مااريد اتذكر غمضت عيوني واصيح :وخررر مااريد اشوفك
_ام ياد : (عرفت صاير مشكله بيناتهم)ياد اطلع بره اني يمهه راح اهديهه روح انت
_ياد : زين طالع اني
_ام ياد : (حضنت نرجس وهي تبجي بحركه واني مخليه ايدي ع راسهه واهديهه ،هاي الابنيه كلش غالية عليه ماعدهه شي وفقيره واحسهه ضعيفه ف كلش اتعاطف وياهه من بداية زواجهه اعرف اكو شي كاسرهه بس مااحب اسألهه واحرجهه )
ام ياد : بنتي لتنسين اني بمثابة امج احجيلي شبيج وياد شمسويلج اطيح حظه والله
نرجس (وهي تزيد بالبجي) :عمه اني تدمرت 😭
ام ياد :ماعاش الي يدمرج انتي قويه واني وراج احجيلي وانطيني الثقه
_نرجس : (حجيت الهه كلشي من البداية لهاي اللحظه وحرصت عليهه متحجي لأهلي )
_ام ياد : (انقهرت عليهه عايشه بالظيم وجابره نفسهه ع الضحك فعلا حسيتهه قويه ومحد يكدر يسوي الي هي سوته )
ام ياد :بنتي مثلما وعدتج من البدايه اني وياج ومااعوفج بس ياد ابني واعرفه هو صح مسوي علاقات هوايه بس ممعاند ع احد وهو عاند عليج اكيد يحبج يعني
نرجس :عمه ياحب هذا اتزوجني حتى يكسر خشمي هو بتفكيره انو ماكو وحده ترفضهه لازم الكل توافق عليه واني رفضته علمود هذا هيج سوه 😭
ام ياد :ع العموم هذا بيتج وحسبيني اني امج وابو ياد ابوج ومعليج من ياد اني اخليه يتأدب ومايتقرب منج
_نرجس :الله يخليج الي عمتي
(عمتي ام ياد خوش مره وهي مو جبيره كلش وعدهه روح شبابيه مرات احسهه بنفس عمري وتفهمني وكلش ارتاح الهه ومرت شهرين واني استقوي بأم ياد هي صارتلي سند ومتخلي ياد يتقربلي او يأذيني وياد باقي ع نفس الطيش يرجع يوميه سكران ويصيح بالبيت ويكول اني ليش متزوج بعد ليش متخلوني اروح يمهه . يمااا لتحرموني من مرتي ...)
ام ياد :نرجس بدت الدوام شنو انتي ماتجيبين طاريهه ماناويه تداومين ؟
نرجس : والله عمه مالي خلك ابد راح أجل هالسنه
ام ياد : لا شتأجلين ليش تروح منج سنة عالفاضي
نرجس : ان شاء الله افكر
ام ياد : بيت اختي بكركوك راح احجي وياهه وتكعدين يمهه وتخلصين من قسم الداخلي
نرجس : لاعمه بالقسم ارتاح اكثر لان صديقاتي ويايه وحتى ياد ميكدر يتقربلي هناك
ام ياد :بكيفج الي يريحج
أنت تقرأ
احببتكِ ❤
Romanceماذا افعل احببتكِ قصة حقيقيه باللهجه العراقيه تدور احداثها بين نرجس و ياد
