_ياد : يلا نرجس كومي دنلحك نوصل لكركوك ونكمل تسجيل راح نتأخر ترة
_نرجس (بنعاس) : يااد بس 5 دقايق عوفني
_ياد : ماكو ولا دقيقة تكومين لو اشيلج؟؟
_نرجس : لا لا والله كمت ...
_نرجس : (العام ماداومت وأجلت سنة بسبب حملي ومزاجي مجان زين ولحسن حظي ياد هم معافني وأجل وياية . وبدت سنه دراسية جديدة وقررنة نأجر شقة بكركوك نكعد بيهه اني وياد وابنا أيهم لحد مانكمل هالسنة ونتخرج ونرجع لبغداد )
.......
_نرجس : (بعد غياب سنة ، اليوم اول يوم الي بالجامعة، دفعتي كلهم تخرجوا وداشوف وجوه غريبة ، اني بطبعي جنت بس ويه طلاب دفعتي اختلط وهسه مااعرف احد بالجامعة ، اجالي شعور غريب .
_ياد : (دخلنة للجامعة وأيهم بحضني ونرجس تمشي كدامي وتباوع بصدمة للجامعة حسيتهه انقهرت وتحس بوحدة وعدم انتماء ، خليت ايدي ع جتفهه وكلت : انتي مو وحدج احنه وياج ، وراح نكمل وياج
_نرجس (اندارت ومبتسمه) : الله لا يحرمني منكم ،ماريد من الدنيا شي غير سلامتكم
وصلني ياد لشعبتي وانطاني ايهم وراح هو لشعبته ، طبيت للشعبة والانظار عليه لان محد يعرفني ، كعدت عالرحله بصف بنية ، الابنيه شافت ايهم بحضني وكامت تسوي اله حركات وايهم يضحك ، ابتسمت الهه
_الابنية : هذا ابنج ؟
_نرجس : أي ابني
_الابنية : شسمه ؟
_نرجس :اسمه أيهم
_الابنية : قورباني الله يحفظه ، يخبل
_نرجس : تسلمين ، وتعرفت عالابنية وصارت صديقتي،
ودخل الدكتور وسوينه محاضرة والحمد لله أيهم جان عاقل وماطلع صوت ، تصورته راح يكلبه مناحه بس الله ستر 😂
.......
_ياد : ( اني جنت اختلط هوايه وطلاب الجامعه كلهه جانو اصدقائي ف اول مادخلت لقسمي اجو الولد
_صديقي : لك ها بذات متسأل
_ياد : اعذروني والله جنت حيل مشغول
_صديقي : شعندك قابل ! هو انت شخص تافه ومو كد المسؤلية
_ياد : لا مااسمحلك ، تره صرت اب 😌
_صديقي : دتحجي صدك ؟ امشي امشي لكافتريا سولفلي شصاير وياك وشغيرك
_ياد : لا عدنه محاضرة هسه ، لازم ندخل للشعبه هسه يجي الدكتور
_صديقي : لاا معرفتك ، بله انت ياد😯
_ياد : لعد شعبالك🚶♂️
دخلنه للمحاضرة واني بالي يم نرجس شراح تسوي ، اعرف بيهه خجوله ومتختلط الا احد يحاجيهه ، خاف الطفل يزعجهه ومتفتهم شي .
المهم كملت محاضرة وطلعت ويه اصدقائي للكافتريا شفتهه كاعده ويه ابنيه اطمنت ورحت كعدت ويه اصدقائي وسولفت الهم الاحداث
أنت تقرأ
احببتكِ ❤
Romanceماذا افعل احببتكِ قصة حقيقيه باللهجه العراقيه تدور احداثها بين نرجس و ياد
