احببتكِ ❤

البارت 9

نرجس : (كعدت انتظر مروه تجي واني مستغربه يعني بوكت الدوام احنه بس سلام بيناتنه هسه تجي لبيتنه ليش!! المهم اندك الباب ورحت فتحت...

_مروه : هلا عمري شلونج مشتاقتلج

_نرجس : هلا حياتي الحمد لله تفضلي جوه

_نرجس : (دخلنه وكعدتهه بالاستقبال وجبت الهه عصير وكيك ):اي شنو هالزياره الحلوه صراحه اتفاجأت بجيتج

_مروه : والله بابا جان عنده شغل ابغداد كلت الا اجي وياك عندي صديقه ابغداد ومشتاقه لشوفتهه

_نرجس :حياتي تسلمين اني الأشوق

_مروه : اي اريد اشوف غرفة نومج والطخم مالج

_نرجس:  اعذريني والله زوجي بالغرفه نايم

_مروه : امشي امشي شكو بيهه قابل غريبه اني

_نرجس : (لحكتهه واني مصدومه منهه ،، وصلنه للغرفه وطبعاً هي قبلي دفعت الباب ودخلت)

_مروه :واوو غرفتج تجنن،كلش احب غرفة نوم ابيض
_ياد (بصدمه) :مرووه!! شنو هالمفاجأه 😃

_مروه : اي شسوي حبيبي اشتاقيتلك وانت متجي كلت اني اجي

_ياد : ياعمري (وتحاضنوا)

_نرجس (بعصبيه) : ياد شديصير هنااا

_ياد (بكل برود) : اعرفج هاي حبيبتي

_نرجس : يعني لحكَتني اني وماعفتني لحد ماتزوجتني غصب وبعدهه تخوني ويه وحده ويايه بالشعبه ليش قحط بنات! لا وهمينه بغرفتي تتحاضنون شنوو هالوقاحه ..اطلعوا بره ،كملوا قذارتكم بره غرفتي

_ياد :هاي بيتي متكدرين تطرديني

_نرجس (بصياح) : ياااد اطلع بره وبعد ماتدخل لهاي الغرفه ولا تحجي ويايه

_ياد : مروه عمري انتي طلعي هسه من البيت واني الحكج بعد شويه حتى امي متشك

_مروه : اوك عمري ...

_نرجس : ( همه طلعوا واني كعدت ابجي ع حظي مااعرف شسوي كلشي مااكدر اسوي ومااكدر اطلك لان اصلاً اهلي ميقبلون،،يمنه اذا الابنيه تتطلك بعد محد يحترمهه ويحجون عنهه ف مجبوره اكعد واتحمل بس لشوكت ياربي وجم مصيبه اتحمل 😫
...........
مرت الايام بشكل عادي واني انام بالغرفه وحدي ومااقبل ياد يدخل للغرفه طلعت كل ملابسه واغراضه لغرفه ثانيه  وكلت اله بس تحاول تتقرب من غرفتي احجي كلشي لأهلك وانت اكيد متريد هالشي ف هو هم ماحجه وماتقرب،   وبيوم ..
_ام ياد : نرجس يمه اليوم ولد اختي يرجعون من الخارج ف باجر راح نسوي الهم حفلة بيناتنه بالمزرعه وهمه كالو الحفله هاي مو بس لجيتنه خلي نسويهه بمناسبة زواج نرجس وياد لان ماحضرنه عرسهم

_نرجس: اي خاله ماعندي مشكله بس لازم اروح للسوك اشتري شي البسه

_ام ياد : اي يلا  العصر اني اجي وياج للسوك

_نرجس : تمام 😊
(الشي الي مصبرني على ياد وتصرفاته هو امه ، امه كلش حبابه وتعاملني مثل بناته واني متحمله علمودهه مااريد اكسر كلبهه وهي فرحانه بيه )
......
رحنه للسوك واشتريت فستان قصير وبينصل لونه احمر (هو ردت اسود بس ام ياد مقبلت كالت بعدج بشبابج شنو تلبسين اسود اتفرفحي بالالوان 😂) ورجعنه للبيت تعشينه وكبل نمت لان ماعندي شي اسويه....
وصار الصبح بدلت ولبست بنطرون وتيشيرت ابيض وخليت مكياج خفيف ورحنه للمزرعه وهناك بقيت اتعرف ع خالات ياد وخواله وجهالهم  (من يوم العرس لهسه يعرفوني عليهم وانسه لان ماشاء الله عشيره كامله همه😂)
_ياد (يمشي ووياه ولد خالته الي راجعين من خارج ) : وهاي مرتي الحلوه نرجس (وحضنهه)

_احمد :مرحبا اني احمد ابن خالة ياد الجبير عمري 30
_محمد : اني محمد واني الوسط😊عمري 27
_ابراهيم : واني ابراهيم بس يصيحولي بيكو وتكدرين تكولين اني الصغير 😌 عمري 22

_نرجس : اهلاً وسهلاً بيكم ...
_بيكو : بس تدرين طلعتي احلى من الصور الي دزوه النه
_احمد :بيكو عيب😒
_نرجس : ههه تسلم يلا اني اروح للمطبخ اساعدهم عن أذنكم
.....
_احمد (اني واخواني سافرنه لخارج من قبل 5 سنوات صارت فرصة ورحنه ،واحنه نحب الغناء ف طورنه نفسنه هناك.. وبين فتره وفتره نرجع للعراق لأهلنه وهالمره طولنه سنه يلا رجعنا وجانو مشتاقين النه ف الكل قرر نجتمع ونحتفل ) 
.....
نرجس :(صار الاكل واجه وكت الغده وفرشنه سفره جبيره بالحديقه وصبينه الاكل وكعدنه ناكل ونسولف . كلش استمتعت وياهم وخصوصا ولد خالته الي جايين من خارج .. خلصنه اكل وكعدنه كعده شبابيه ونلعب ونضحك ..
_احمد : نرجس تدرين جنت متخيلج مغروره ومتتحاجين بس طلعتي مو هيج
_نرجس : هههه الكل بالبدايه ياخذ هالنظره عليه .. بس والله اني مو هيج😅
_احمد : يمكن لان هادئه عبالهم مغروره
_نرجس : اي يمكن .. صدك انتو مو مطربين ليش متسمعونه شي اغنيه
_احمد : هههه لا موهسه بقيهه لليل من نسوي الحفله حتى تتشوقون
......
صار الليل وكلمن صار يبدل ويجهز نفسه واني لبست الفستان الاحمر القصير وخليت مكياج خفيف بس الحمره حمره وطووخ وطلعنه كلنه للحديقه الشباب جانو معلكين ضوه وزينه ومشغلين دي جي يعني اجواء مال حفله اول ما طلعت ..
_الكل : هاي شطالعه عروستنه تخبلين
_نرجس :ههه شكرا الكم بس مخلصت العروسه صار شهرين متزوجه؟
_ام ياد : لا انتي طول العمر تبقين عروسه واحلى عروسه😘
_نرجس : فدوه اروح الج
.....
اشتغلت الاغاني وضلينه نركص (عائلة ياد متفتحين يعني عادي يمهم البنات والولد كلهم يركصون سوه ويكعدون سوه )...

_بيكو : ياد مرتك صارووخ 😍
_ياد : اسكت بيكو خليني محترمك
_بيكو :جديات ياد شنو رأيك تخليني وياهه ليله وانطيك الي تريده
_ياد : لاا انت زودته حييل ،ضربته بوكس قوي والكل انتبه ورحت جريت ايد نرجس .. يلاا نرجع...