احببتكِ ❤

بارت 6

مرت الايام بشكل عادي وخلصت عطلة النصف السنه ورجعت لدوامي ومشغوله بدراستي لان معروفه انو المرحله الثالثه هي اصعب مرحله وخصوصاً بدت الكورس الثاني وصار كل اكلي سفري وبالكافتريا حتى ماالتهي بالطبخ بالقسم ..
فد ليله كاعده بصالة القسم الداخلي كلت خل اخابر على ماما من زمان محاجين 📞
نرجس : هلو ماما شلونج متسألين متكولين نرجس وين صارت ماكو صوتهه هيجي بعد متشتاقولي ؟😣
ماما : هله بنيتي اسفه عمري اعذريني
نرجس : خير ماما شكوو شو احسج مو على بعضج
ماما : لابنتي ماكو شي انتي اهتمي لدراستج ولتشغلين بالج بغير امور
نرجس : ماما بديت اقلق احجيلي شصاير؟
ماما : اخوج كرم ،، قبل فتره مو عقد عقد مجازفة ويه شركة وانطه فلوسه كله ورهن بيتنه هم
نرجس : اي شصار ...
ماما : جان متفق ويه الشركة اي اضرار يصير هو يتحمل مسؤليته وهسه فشلت شغلهم كلهه واجه غرامات ع اخوج وولازم يعوضهم وفلوس هوايه اذا ميدفع الهم راح ينسجن 😥
نرجس : عزه بعيني 😱 شنو ينسجن ماما سوو اي شي اداينوا من كرايبينه بيعوا البيت شتسون سوو بس حلوهه
ماما : شنحل يمه صار جم يوم احنه دنفكر بهالسالفه وماكو الهه حل الفلوس مو قليله الفلوس بالمليارات واحنه منينلنه
نرجس : ياد ميكدر يسوي شي ؟؟؟
ماما : لا هو لازم يدفع لياد هم لان من وره هالشغله شركتهم تريد تفلس وياد ذبه كله براس اخوج ويريدون تعويضات
نرجس : والله من البدايه مجنت مرتاحه لهالشغله هسه شنسوي 😭
ماما : شنسوي يمه كلشي قسمة ونصيب ونتركه بيد رب العالمين يحله..
نرجس :ونعم بالله ...
....مرت اسبوع ونفسيتي مو زينه ومالي خلك لدوام بس امتحانات ومينطوني اجازه حتى ارجع..
وبالبيت حالتهم حاله ،صار يومين كرم مسجون وابويه ما خله احد وماحجه وياه وميفيد 😣

__ كمت من الكافتريا ربع ساعه وتبدي محاضرتي وامشي ومالي خلك واجه ياد بوجهي ..
ياد : نرجس اريد احجي وياج بموضوع
نرجس : تفضل احجي
ياد : ميصير هيج نحجي تعاي نكعد
نرجس (مشيت عنه) : مااكدر 🚶‍♀️
ياد : موضوع يخص اخوج
نرجس : نداريت ...
ياد :بعد نص ساعه اشوفج بمطعم (جنه)لان هوسه هنا🚶‍♂️
نرجس : بدون مااتردد قررت اروح لان الشغلة بيهه مصلحة اخويه واحتمال اكدر انقذه ...
ياد : (كاعد بالمطعم وانتظرهه تجي .. ماطولت وشفتهه دخلت للمطعم وكفت الهه ) اهلاً وسهلاً 😊
نرجس : (كعدت بدون مااجاوبه ،وهو كعد )
ياد : اي شتاكلين
نرجس : اختصر الموضوع وكبل كولّي شعندك؟
ياد : اي بكيفج.. اكيد عرفتي البلاوي الي مسويه اخوج والفلوس الي عليه ولو ينطي عمره كله مايكدر يرجع ربعهن .. هو مايكدر بس انتي تكدرين
نرجس (بأستغراب) : شتقصد !!!🤨
ياد : انتي تكدرين تنقذين كرم وتطلعيه من السجن بس الشرط هو توافقين تتزوجيني والديون الي على كرم راح اعتبره مقدمة زواجنه 😊
نرجس (بصدمة) : شكد شفت نذل وحقير بس مثلك ابد مشايفه .. شلون تستغل الناس !! لك كرم صديق عمرك ووياك بكل شغلة، انت متوكف بعينك زينيه حتى هيج جاي تستغله وتستغلني😡😡
ياد : والله عاد بكيفج اني لامستغلج وولاشي مجرد عرضت عليج اقتراح وانتي ادرى 🤷‍♂️ هه ع فكره نفس هالحجي حجيته لكرم وهو كال لو نرجس موافقة اني ماعندي اعتراض
نرجس : ( ياالله انقذني هسه شسوي يارب دلني الطريق الصح 😥😥)
نرجس : اوك موافقة بس بشرط
ياد (بخبث ) : آمري وتدللي 😁
نرجس : ابويه وامي ميعرفون زواجنه اتفاقية
ياد :هاي سهله بقيهه عليه ...هسه اخوج باجر يطلع من السجن ويوم الخميس انتي تخلصين امتحانات وترجعين ويوم الجمعه احنه يمكم ونتفق ع موعد العرس ... يلا اشوفج 😉
نرجس : ( حسيت هذا هو الحل الوحيد لانقاذ اخويه وبنفس الوقت مااريد اهلي يعرفون وينقهرون عليه ويصير بيهم شي لا سامح الله .. اني مستعده اتأذه بس ولا واحد من اهلي يتأذه😥)

__طلع كرم من السجن واهلي كلهم فرحوا وامي تهلهل وتذب  جكليت وبابا يذبح طلي وامجد يحضن كرم ويشيله 👨‍👩‍👦‍👦🤸‍♂️🎊🎉🎆.... وفي الجهه الثانيه اني متمدده ع سريري بالقسم الداخلي  والدمعه بعيني والابتسامه ع وجهي ،لاول مره أحس بشعورين سوه
(فرح وحزن) فرحانه لكرم ومنقهره على نفسي وشنو راح يواجهني بالايام الجايه ،،  خابرتني ماما ...
ماما (بفرحه) : نرجس فرحي يمه كرم طلع من السجن وهو يمنه هسه
نرجس : الف الحمد لله 🙏
ماما : والله ياد طلع خوش ولد وابن اصول هو الي طلعه وكال اله لتقلق علمود الفلوس احنه اخوه وماكو فرق بينه
نرجس : اهاا اي زين سوه ،، انطيني كرم اسلم عليه
ماما : هاك كرم احجي ويه اختك
كرم : هله بغاليتي 😍
نرجس :(دمعت من الفرح) هله بيك عمري الف الحمد لله ع سلامتك
كرم (ابتعد عن اهله) : نرجس الشي الي سويتيه كلش جبير فكرتي باللي ترديه قبل لا تخطين هالخطوه
نرجس : عوفك مني لاتهتم شيصيرلي قابل بس اهم شي مااريد ماما وبابا يعرفون هاي اتفاقيه
كرم : وكفتج هاي ماانساهه طول عمري انتي انقذتيني والله
نرجس : اخويه فدوه اروحلك لتكول هيج قابل شعندي غيرك ❤
__________
ايات (بقهر) : نرجس 😢
نرجس (تتضاهر بالقوة) : اششش لاتبجين
ايات : نرجس شراح يصير بيج؟نرجس انتي ماتحبيه
نرجس : مراح يصير بيه شي اني قويه ..واذا مااحبه شسوي هاي قسمتي ولازم اتقبله
ايات : واحمد
نرجس : مااكدر اواجه احمد ..اني باجر مااداوم وعكبه راح ارجع اريدج انتي تحجين  ويه احمد بس لاتكوليله راح اتزوج كوليله متريدك متحبك وكعيني من عينه خليه يكرهني 😭😭
ايات : سوده عليه لاتبجين 😭
تحاضنه وبجينه سوه😭😢
نرجس(مسحت دموعي):كافي ماريد بجي ، ماكو شي تنحل بالبجي