احببتكِ ❤

بارت 7

___رجعت لبيتنه واهل ياد انطونه خبر راح يجون باجر
واني كلت لماما وبابا اني موافقه ع الزواج ،بس محد يعرف هاي اتفاقيه لامن عائلتي ولامن عائلته غيري اني وكرم وياد ...
ماما متحمسه لزواجتي وخصوصاً بعد موقف ياد ،كلش كبر بعين اهلي .. ماما خابرت خالاتي وكل المقربين النه يجون باجر ... و بالجهه الثانيه اهل ياد همينه متحمسين لان ابنهم الوحيد راح يتزوج .

*___صار العصر وخالاتي اجو وساعدوا ماما بترتيب البيت وبناتهم اجوي يمي حتى يختارون الي ملابس والبيت هوسه والكل فرحانين
_اسراء (بنت خالة نرجس) : الله هذا الفستان المنفوش يخبل لبسيهه
_سوزان (بنت خالتهه الثانيه) : لبسي هالفستان الماروني وانتي بيضه تطلعين تخبلين 😍
_نرجس :ع كيفكم شويه شويه تره مراح اعرس هسه . عيب شنو البس فستان !
_سوزان : لعد شتريدين تلبسين ؟؟
_نرجس : البس بنطرون وتيشيرت عادي همه بس جايين يتفقون عالمقدمه والمؤخره وهالسوالف
_سوزان : عابتلج شكد فاهيه انتي .. بابه كيفي فرحي ولبسي الي ترديه هو مره بالعمر 🙌
_نرجس : لا مااحب ابالغ 😌
رحت ليم المرايه وبيدي الشال
_سوزان :لا لا راح انجلط اني 😑 شنو تردين تلبسين شااال !!
_نرجس : اي شنو محجبه اني قابل اطلع مفرعه كدام الرياجيل🤨
_اسراء : ليش همه منو الرياجيل الولد راح يصير زوجج والثاني ابو زوجج يعني ماكو احد غريب
_سوزان : تعاي اسراء معليج منهه تحجي لنفسهه جيبي المشط خل اعدل شعرهه .. والله تريد تلبس حجاب😏
__سوزان واسراء سوو الي شعري وخليت مكياج بسيط ونزلت جوه طبعا النسوان كاعدين بالصاله والرياجيل بالاستقبال ،
استقبلتني ام ياد :هله بجنتي الحلوه شلونج حياتي😘
نرجس : هلو عمه تسلمين 😘
ام ياد : تعاي كعدي بصفي خل اعرفج ع خوات ياد ..
__تعرفت عليهم ، طبعاً هو عنده ٣ خوات وحده متزوجه وعدهه جهال والثانيه بالكليه تقريبا بكدي والثالثه بالمتوسطه وهو الولد الوحيد
ام نرجس : بنتي نرجس كومي قدمي العصير للزلم
نرجس : زين ماما .. (كمت للمطبخ وسويت العصير وخليت البسكت عالصينيه ودخلت للأستقبال)
نرجس : سلام عليكم
الكل : وعليكم السلام
ابو ياد : ماشاء الله عروستنه حلوه
ياد : (بقيت صافن عليهه وهي تقدم العصير ،متوقعتهه هيج حلوه بدون حجاب )
نرجس :( كملت توزيع العصير وكعدت بصف بابا )
ابو ياد : بنتي احنه اتفقنه ويه ابوج واخوج عالمقدمه والمؤخره وكلشي حسب الاصول بقه نسألج انتي اذا عندج شي ؟
نرجس : ماعندي شي بس شرطي اكمل دراستي
ابو ياد : اي سهله انتي وياد بنفس الكليه بعد تكملون سوه .. يلا ابو كرم خل نترك العرسان لوحدهم اذا عدهم شي وبعدهه نروح للشيخ يعقد الهم
ابو كرم : اي يلا تفضل عيني ...
نرجس : (بقينه وحدنه بالغرفه واني منزله راسي وهو اجه كعد كبالي مابقه بجسمي دم🤐)
ياد (بأبتسامه) :طالعه حلوه🙂
نرجس :شكراً 😐
ياد : شوكت تريدين عرسنه يكون ؟
نرجس :بكيفك ميهم شوكت
ياد : لا شلون ميهم ،وانتي مرتي غير اخذ رأيج
نرجس : شوف ياد لتنسه انت اجبرتني ع الزواج ومجانت بموافقتي ولو مني اني رافضه هالزواجه وراح اضل رافضتهه ف لتعيش الدور مرتي ومدري شنو اني مرتك عالورق وكدام الناس وبس غير هذا ماكو شي ثاني
ياد : هه الحجي غير والفعل غير ، ونشوف طولة لسانج لشوكت تبقى
نرجس : (طلعت من الغرفه واني مامفتهمه شي من جملته الاخيره ، رحنه للشيخ وعقدنه ورحنه اشترينه ذهب وهو اخذ رقمي وانطاني رقمه ورجعنه للبيت رحت لغرفتي وافكر بكلامه شيقصد !وشنو راح يسوي اكثر من هيج ؟)

مرت يومين وياد اتصل عليه...
ياد : هلو شلونج
نرجس :الحمد لله
ياد : صار يومين ع عقدنه ، شنو انتي مناويه تسوين حفلة خطوبه ؟
نرجس : بلي  اسوي ليش ماسوي.. خليه عكب باجر علمود اتحضر باجر
ياد : هذا هو لعد العصر ادز اختي تجي وياج تحجزين فستان وانطيهه فلوس اي شي محتاجه اشتري
نرجس : اوك يلا بيباي
ياد : بيباي

__ رحنه للسوك وشفت فستان لونه بصلي كلش عجبني لان طبعي مااحب الالوان الطوخ احب كل شيء هادء ،واشتريت مكياج وجم قطعة ملابس اما ترتيبات للخطوبه ماما وام ياد تكفلوا بيهه والكيكه والحلويات على ياد .

نرجس :(اجه موعد الخطوبه ورحت لصالون سوتلي تسريحه ومكياج ولبست الفستان ولبست شال وعبايه فوكاهه ورجعت ويه كرم للبيت وبعده محد جاي صعدت لغرفتي واسمع الاصوات جوه صارت هوسه والكل اجه وسمعت يصيحون اجه ياد اجه ياد والنسوان يهلهلن وصوت اغاني وبعدهه اشتغلت اغنيه هادئه ونزلت اني من الدرج وياد تقدم وباس راسي ورحنه كعدنه )

ياد : (يوم بيوم انصدم بجمالهه اكثر  واكول لنفسي زين سويت وماخليتهه تروح من ايدك)

__اشتغلت اغاني ركص وكامت نرجس تركص ويه البنات وتضحك ومتحمسه ووراه لبستهه الذهب ،صحيح حسب الاتفاقيه كلت الهه ديون اخوج هو المقدمه مالتج بس مااجه من كلبي ماسويلهه ذهب ف خليتهه تشتري الي تريدهه وكطعنه الكيكه واكلنه
واشتغلت اغنيه هادئه مديت ايدي الهه : تكومين نركص ؟
نرجس : اي يلا (ولزمت ايده وكمنه ، هو خله ايده ع خصري وايده الثانيه مشبوكه بأيدي ويباوع بعيوني )

ياد : كلش طالعه حلوه ...
نرجس : تسلم
ياد : هذا الفستان اجرتيه؟
نرجس : اي
ياد : راح نشتريه كلش لايكلج (وخليت راسي ع كتفهه ونزلت ايدي الثانيه ع خصرهه )
نرجس : لا ماكو داعي وين البسه بعد
ياد (بحب) : اني اريد اشوفه عليج مره ثانيه...
اندمجنه ويه الاغنيه وبقينه ساكتين وراهه ركصنه جوبي واشوف الفرحه بعيون نرجس وخلصت الحفله والناس ترجع ..
ياد : عجبتج الحفله؟
نرجس : جان يجنن
ياد : صراحه استغربت شفتج فرحانه وكأنه مو انتي الي كلتي زواجنه عالورق
نرجس : اي طبعا اتونس هاي خطوبتي وبعدهه حفلة عرسي هم اتونس وتبقه هاي اخر ونسه بحياتي يعني هاي حفله وداعيه لنفسي وراهه اي ضحكه مني ف هو تمثيل وجذب 😐
ياد : (كلش ضجت من كلامهه كمت وكلت لاهلي يلا احنه هم نرجع ودعتهم وطلعنه )