احببتكِ ❤

بارت 4 🤨

وصلنه يم السياره شفت ياد كاعد بالصدر !! يعني يرجع ويانه  ..صعدنه اني والبنات ليوره
-نرجس (بهمس): هذا شجابه هنا ؟
-ايات : تره السايق يشتغل خط للطلبه ويجوز ياد يعرفه ويرجع وياه
-نرجس : الله ع حظنا يعني .. قحط سواق حتى يلزم نفس سايقنه 😒
-ايات : هسه شبيج متضايكه ؟
-نرجس : اريد انام هسه بعد مااكدر انام اووف 💔
-ايات : حييل تستاهلين😂
بقينه طول الطريق ساكتين بس مرات اشوفه بالمرايه يباوع لوره ومرات يحجي ويه السايق ..

-ياد : (اني جنت متقصد اروح وياهم بنفس الخط حتى اشوف تطك ميانه ويه السايق لان لازم اتأكد من كل النواحي قبل لا أتخذ أي خطوه .. صعدت والاجواء هادئه بس تحجي ويه صديقاتهه وحتى السايق مجان يحجي وياهم يعني مبينه ماكو ميانه بينهم بس حسيتهه متضايكه بوجودي ) ( هه راح تشوفيني هوايه ست نرجس )

__وصلنه للبغداد واول شي رحنه يم بيت نرجس واخوهه واكف بالباب الهه نزلت هي ، وياد نزل وياهه يسلم على كرم وراح ونرجس حضنت كرم ودخلوا للبيت ...
-كرم : ياد جان راجع وياكم؟
-نرجس : اي مااعرف اول ماصعدنه شفناه يجوز يعرف ابو الخط
-كرم : غريبه !هو عنده سياره وحسب علمي يروح ويجي بيهه دائماً
-نرجس : هاا🤨
__دخلنه وحضنت اهلي وكعدنه سوه وسوالف واكل ساعه 2 بالليل بالكوه كمت
-نرجس : كافيي رحموا بحالي 4 ساعات طريق وكاعده من الصبح خل انام 😭
-ماما : شنسوي والله مشتاقين لهالكعده تره من انتي ماكو منكعد هيج سوه
-امجد : شنوو ماما احنه مو دائما يمج ؟
-ماما : ووين؟ بس تجون للاكل وتروحون عبالك فاتحه مطعم
-نرجس : هههههه خل انام يلا تصبحون ع خير
-الكل : وانتي بخير

___بقيت اداوم سنه كامله ونفس الوضع اكضيهه اسبوعين بكركوك ويومين ببغداد لحد ما خلصت السنه ورجعت للبيت واخيرااا ابقه 4 اشهر بالبيت 💃

-نرجس : تره والله ميصير هيج صح كلت مشتاقه للبيت بس صار شهر مطالعه من البيت راح اعفن خل نطلع لشي مكان
-امجد : اي خل نسوي سفره لأربيل
-ماما : اي بس نروح للمصايف احلى
-بابا : لا نتعب بالمصايف نروح بالمدينه ونلزم فندق نرتاح اكثر
-كرم : لا هاي ولاذيج باجر صديقي وامه يجون لبيتنه يكول رايدينكم بشغله ..يعني ماكو طلعه
-نرجس : اوهوو منو هذوله ووكتهم هسه 🚶‍♀️خربوا واهسي
.....
-ياد : ماما انتي مو تريديني اتزوج واستقر
-الام : اي ياوليدي كافي تهور ولعب جهال استقر مو تضل هيج شارد واذا ع المره اني الاكيلك احسن وحده
-ياد : لا ماما اني رايده اخت صديقي كرم صراحه هي ويايه بالدوام وفقيره حيل ومتنطي مجال لاحد يحجي وياهه حتى اني صديق اخوهه وبالكوه اسلم عليهه
-الام : والله وكبر ابني وهو يختار .. من فدوه رحتلك تدلل خابرهم ونروح عليهم ❤

رحنه عليهم واستقبلونه ام كرم وكرم وكعدنه
-ام كرم : نورتونه اهلا وسهلا بيكم
-ام ياد : وبيج اكثر عيني ،خل ندخل بالموضوع كبل ومانطولهه عليكم
-ام كرم : اي تفضلوا كولوا
-ام ياد : والله الصراحه ابني يريد يتزوج وهو اختار بنتكم ويكون شرف النه اذا وافقتوا ..هسه ناخذ كلمه منكم وبعدهه يصير كعدة الرياجيل وهمه يتفقون ع كلشي
-ام ياد : والله نتشرف بيكم بس لازم نستشير الابنيه ونشوفهه شتكول
-ام كرم :اي صيحوهه خل نشوفهه ونسمع منهه شتكول
-ام ياد : كرم ابني روح صيح اختك
-كرم :  (كمت ورحت يمهه): شوفي نرجس هذا صديقي ياد جاي يطلب ايدج واني سولفتلج كلشي عنه وبالاخير يبقه القرار قرارج فكري زين وردي الهم جواب وهسه نزلي لان يريدون يشوفوج
-نرجس : هاا😨 ياااد واني ؟ نتزوج؟
-كرم : اي شبيج
-نرجس : لا ماريد كول الهم متريد صغيره تريد تكمل دراسه شتكول كول معليه اني وماانزل...
-كرم : هسه شكو نزلي المره تريد تشوفج وانتي كولي رأيج مو صغيره حتى احنه نحجي بدالج
-نرجس :(قنعني كرم وكلت يلا ابدل وانزل )
لبست تراكسود ردانه طويل ولفيت الحجاب ونزلت
-نرجس : سلام عليكم
-الكل : وعليكم السلام
-ام ياد : هلا هلا ببنيتي الحلوه شلونج ماشاء الله تخبلين ربي يحرسج
-نرجس : هلا بيج خاله تسلمين (كعدت بصف امي)
-ياد : ( ماشلت عيني عليهه تخبلت من شفتهه حسيتهه راح تصير الي واريد اطير من الفرحه والابتسامه ع وجهي )
-نرجس : ام ياد تحجي واني مااسمعهه وصافنه وافكر شجاوبهه شكول ياربي
-ام ياد : ها بنتي شرايج...
-نرجس : هاا ... ءءء لا خاله اني بعدني عندي دراسه
-ام ياد : ميخالف بنتي نسوي بس خطوبه وننتظرج تكملين وتتزوجين
-نرجس (هسه شكول 🤦‍♀️) : مو خاله اني ممخليه هالسالفه ببالي
-ام ياد : شكو بيهه هسه خليهه ابالج وفكري بيهه
-نرجس (اي شي اكول تلكه الهه حل بالاخير كلت):خاله اني مرايده ياد
-ياد (بصدمه): شنوو ! يعني مشكلتج اني مو الزواج؟؟
-نرجس : اي انتو دتاخذون رأيي واني جاي اكول الكم ياد ميناسبني
-ام ياد : مو بنتي....
-قاطعهه ياد : ميخالف ماما عوفيهه مااناسبهه اني موو يلا كومي خل نروح
-كرم : ياد اني كلش اعتذر ع الي صار انت صديقي بس هاي هم اختي ومااكدر اجبرهه ع شي
-ياد: لاكرم مصار شي وانت اخويه وبعيني اخليك
طلعت وهمست لنرجس : بسيطه
-نرجس : اي شي يجي بيدك سويه 😒
...
__صار ياد يصادفني وين مااروح اطلع للسوك اشوفه اروح لبيت صديقاتي اشوفه ويوم قررنه اني وايات ورؤى نروح لمطعم نتعشى ..
نرجس (تباوع بالمنيو) : يلا شتاكلون اني اريد بيتزا
ايات : دعوفي البيتزا وشوفي النوتيلا الي دخل 😍
نرجس(رفعت راسي) : شفت ياد !! ضجت .. اوهووو بس كولولي وين اخذ راحتي بعد وين اولي بكل مكان يجي بوجهي
رؤى بخبث: ياحبيبتي هي القسمه هيج يصير مصادفات هوايه 😂🤗
نرجس: سكتي بله حتى واهس مبقالي اكلو انتو اني ماريد (ودرت وجهي)
ايات : لتكلبين خلقتج خلي لايشوفج متأثره بوجوده وسوي نفسج طبيعيه
نرجس: اي صح كلامج .. يلا جيبولي بيتزا اثنين بدال الواحد 😂
ايات : اي هاي هي نرجس الي نعرفهه 😅😅