اضطراب دقات قلب

* 13 *

* عادل *

عدتُ للبيت والتعب قد ارهقني ، عمار قد عاد ليلة البارحة ، احياناً افكر من منا يتعب اكثر ، هو يغترب في سبيل حماية الناس و انا اسهر الليالي في سبيل علاجهم كلانا يكمل بعض ، رغم معارضة والدتي على هذه المهن لكننا اصرينا عليها

دلفتُ لاجد والدتي تنظر لي بعتاب : يا ستار شصاير

- عندك درة مال الله تروح لغيرها ليش !

- هلو هلو .. جديدة هاي انوب شوكت رحت لغيرها ؟
لم تتكلم ، فهرولتُ الى غرفتي .. كانت شديدة البرودة تدس جسدها تحت الاغطية قمتُ باخفاض التكييف لاقترب جلستُ على السرير لاسحب الغطاء

- كومي ادري بيج كاعدة

- ما اكوم عوفني و روح
عجباً ما بالها : بنتي ضاربه راسج بشي شصاير احجيلي

اعتدلت في جلستها لتنظر لي بغضب عيناها شاخصة فتتسع كانت حمراء كالدم ، قالت بصوت مرتفع : ماصاير شي بس اتصل عليك تطلعلي وحده عادل مشغول ! صدك تحجي بشنو مشغول لدرجة حتى مارجعت اتصلت بيه من كلتلها تكلك ؟

فكرتُ ملياً قد تركتُ هاتفي في مكتبي واتجهت لاجراء احدى العمليات التي استمرت ثلاث ساعات لم يخبرني احد بأمر هاتفي ثم عدتُ منهكاً الى هنا

- والله ما ادري .. ماشفت موبايلي اليوم بس موبايل الشغل كافي عليه عمليه اخذت تلث ساعات ونوب اجيت هنا ما ادري حتى بموبايلي

اشاحت بوجهها للجهة الاخرى فسحبتها لاضع رأسها على صدري : هم تشمين ريحة وحده ؟ لو شرب ، يابة تردين اجيب القرآن و احلفلج علي !

لم تتكلم فرفعت رأسها لي و قبلتها علها تهدأ قليلاً لكن جنونها قد زاد و طفح الكيل بها

- عوفنـييي ، شيهمك اهمشي تجي ترتاح وتنام واذا منطيتك الي تريده اكيد اكو بديل و ..

دوى صوت صفعتي لها في ارجاء الغرفه .. نظرتُ لها بعدم تصديق
قلت بغضب : صارلي ساعة متحمل خبالج وصابر وين اكو واحد مرته تحاسبه هيج وتعلي صوتها ومايكسرها ! شايفتني زوج لو الواحد لازم يهين غيره حتى يصير واو شخصية ، اوكي كبل غلطت اني مو ملاك معصوم عن الغلط بس من اتغير لخاطر واحد عالاقل خلي هالواحد يقدر .. لج كلها تريد نظرة مني تجين تشككين بمكانتج عندي ! .. خلص لهنا ووصلت حدها من اول مشكلة معندج ثقة بيه

اخذتُ سترتي لاخرج : عود كلت مرتاح تهي بهي ..

اجتزتُ السلالم بسرعة ليخترق صوت والدتي مسامعي

- اذا طلعت منا ما احاجيك ..

قلت بصوت مرتفع دون النظر اليها : اي كلكم صح بس عادل غلطان ! تره اني هم بشر مثلكم ، ليش كلكم ضدي يعني ؟

خرجت ولا اعلم الى اين اتجه ، ترددتُ لاتصل بعمار ضائع انا دون سبيل لخروجي .. ربما هذه الظروف تجعلنا نكتشف من يحبنا بحق