اضطراب دقات قلب

* 14 *

* عمار *

كلماتها كانت كخنجر يخترق داخلي ، بقيتُ بجوارها دون نوم ، فالقلق يحتل كل مساحة في داخلي ..
استيقظت في الصباح لتعود للبكاء ، جذبتها الى صدري
بدأت بالبكاء مجدداً همستُ : ديم شو باعيلي كافي حبيبي ..

رفعتُ رأسها بيدي كانت الدموع تنهمر من عينيها ، قبلتهما فتعالت شهقاتها ..

قلتُ : ديم حبيبي كل الي صار مو ذنبج ، قابل احاسبج على شي مو بيدج !

- انت ضايج
- اي بس مو منج ضايج من نفسي ما كدرت احافظ عليج

- لا تعوفني ..

تنهدتُ بحسره فالقلق كان يسيطر عليها ، لا تعي مقدار حُبي لها ليسَ بالكلمات لاتركها و اذهب بعيداً .. بقيت على هذا الحال حتى خلدت للنوم

خرجت لارى عادل في حال ليس افضل مني .. نظر لي ليبتسم
- كعدت
قلتُ : هي نامت كل شوي تفز ، هسه خليتها نايمة و اجيت

زفرتُ بتعب نظرتُ له رن هاتفه فأغلقهُ وكأنه لم يرن ..
- شبسرعة تعاركتوا

- وصلت بيه ضربتها ، اني ضد هالشي بس استفزتني ، صح ليان حبابة ومطيعة وكلش احبها واحترمها بس يستفزني المقابل من مايصدك بيه .. احلفلها ماعندي شي وي غيرها ومصرة انو عندي شي .. هالشي يأذيني يا خوي

ربتُ على كتفه : ميخالف اصبر لا تنسه الفرق بينكم جبير احتويها مو تنفر منها

- هو اني اكدر على بعدها بس اريدها تتوب من هالشي

عمار : بس هيج جاي تثبتلها صحة تفكيرها
ابتسم : يومين وراجع شتريد تسوي اقصى شي تفقد ، اتخبل من الي ترفع صوتها .. لو اريد اخونها الف وحدة كدامي شيمنعني ؟

لم اتكلم ، ليهدي الله سرهما .. امضيت اليوم بأكمله في الغرفة حتى وجبات الطعام تكفل بها عادل وبأصرار مني خرجت لتتناول العشاء برفقتنا

حاول عادل اضحاكها دون جدوى ، كانت الايام كئيبة دون ابتسامتها شحب وجهها كثيراً ، شعرتُ بضيق شديد حاولت اخراجها من تلك الحالة دون جدوى
اسبوع دون ذهابي للعمل وفزعها ، و قلة حيلتي التي تجعلني اشعر بأنني مقصر في حقها ولن امحِ تلك الندوب

كنت اجلس مع عادل حين اتصل ليحجز تذكره لليوم قلت له سريعاً : سويهن ثنين

لبى لي طلبي ، فعلم انني سأبعثها لترعاها والدتي لكن الان كيف سأخبرها
ذهبت اليها فكانت نظراتها تائهة تطالب قربي فور اقترابي لها عانقتني
- راح احضرلج جنطة

نظرت لي باستفسار : حتى ترجعين لتركيا وي عادل

هزت رأسها نافية الامر بهستيريه : لا لا .. ما اروح مو كلتلي ماعوفج ليش هسه تعوفني .. عمار لا الله يخليك

بللت دموعها تيشرتي كانت تقبض عليهِ بقوة فقبلتُ جبينها : حبيبتي اريد اخلص من هالشغلة وارجع .. اريد نعيش براحة صبريلي بس هالكم يوم ، و امي مراح تقصر وياج