الزنبقة _ السوداء
داليا_ المسلم
الحلقة_ الثانية
حقي المثغف
حقي_ ابفرح لان هل الكلام اجه من صوبه
والله ياعمي انتَ تدري انه شكد اعزنك واعتبرك
مثل ابوي او مااكدر ..........
توا جاي يرفض بس نضر لعيون امه الي.
انطته نظره خلته. يدنك منها
بخجل واحترام الها كال چا شذرَة بت خالتي
وبت عمي هم وانه اتشرف اتكون خليلتي
واذا انتو مشتريني انه اهم مشتريكم ولايمكن
ابيعنكم خلونا نقرأ الفاتحة على نية القبول
ابو شذرَة_ على بركة الله يالله نقرأ
الحجيات بفرح _ رفعن اديهن ويقراً كملو
وهلهلت ام حقي
وسهامه
كالت اي والله چا صدك لو كالو بت عمنا واختنا اصير چنتنه ومانريد الغريبة ادوس عتبتنا
وتباوع لحقي برفعة حاجب وضحك
حقي _ بغضب سهامه روحي جيبي جاي
امشي اريدة ثكيل حيل ودار وجه يستغفر
سهامه_ صارر حضرت المَهَندس
طلعت وهي ادردم. ثجيل شكو شعدنا حزانا لو شنهي
اي اعرفنك كاتلك الحزن على ام اسنون الزريكة
.
.
.
.
.
شذرَة _ ضليت كاعدا بالحجره اجتي سهامه
سهامه_ مبروك ولج تعاي احبنج. جا قررو الفاتحة مبروك
شذرة _ كمت حبتتي اكلج خية انه نعست اريد انامن هنا حداي خالتي لو وين
سهامه_ خايبة توج مخطوبة تردين تنامين ههه شبيج تدوهنتي لا فوك تعاي انجيب افراش من المخزن
(غرفة لجمع الغراض )
شذرَ_ رحت وياها. وانه بطني مغصتني وين فوك يعني بغرفة حقي ياع ياع يمه
دخلينا للمخزن سحبت جودلايات من النضيدة اعاين لـ سهامه فتحت البوفية وسحبت جيس جراجف طلعت منهن اثلاثة انه رجعت سحبت لولات هم اثلاثة ( مخاد على شكل جكليته ) قماشهن سيرة وردي
سهامه _ اخذيهن للجودليات جدامي انه اجيبن المخاد وراج
شذرة _ خوش شلتهن وطلعيت انوب رديت ليها
چا اكلج وين اوديهن
سهامه _ خايبة فوك للسطح روحي هساع الحكنج
ابضحك سيست البت راحت
شذرة _ چا خوش صعديت جدامها فوك طكيت قفل الباب او عبرت للسطح ذبيت الجودليات على سرير
مال الخوص جانن خمس سراير رحت سحبتهن ورتبتهن وفرشت عليهن الفراش. جان اكو سطل مال ماي مكتر على صفحة يم الحايط كمشيته ورشيت السطح كله احسنه شويا برد صعدت سهامه
سهامه_ يمة چااا معدلة معدلة جنتنه عفية رتبتيهن
وهاي جبت فراش الحجية.
شذرة _ خوش اكلج خيه چا سشمه عود ابوي وين ينام وشسمه هذا
سهامه _ بضحك اااه يا المهبولة تهبلي تهبلي چااا راح اجيبن فراش حقي حداج افرشنه هااا شرايج ونامي بحضينا
شذرة _ ياع ياع خية چا شبيج وياية حصرة ما
اكولن شي تتولين غطت وجها بالشيلة وضلت تضحك
بخجل
