الزنبقة السوداء
داليا المسلم
الحلقة _38_
................
- خذت بناتي ونزلت بوجهي طبيت للبيت بيت عمة الجبير هو ميت بس ولدا الهم كل هاي البيوت
لكيت حسنه. وحماتي فوزية واكفات بالطارمة
ايطبخن ....
رفعن روسهن وشافني وفوزية تخوصرت
ورفعت تك حاجب ،،،،،
- خير ام الدواير ( الدوئر) شجاباج علينه
- عدلت عباتي ونضرتلها نضرة بتحدي
انه ماجاية عليج ولا ابيتج واحترمي روحج احسلج
حجت حسنة
- ياا خايبة أم البنات لسانج بطول القندرة صاير ماتحترمين وعلي ...
- احترمً انتن الخطار بالبداية
او عود دورن احترام
شنو مخليجن بالباب كلاب حراسة من حجيت هيج
هجمن عليه بعدهن ماكامشاتني عاط بيهن
رجال جبير طلع من البراني
- هو هوووو خايبات شمالجن اكفننن
- التفتن اله كالن اله عمي ناصر هاي ضرت حسنة جاية هدادا علينا ماتستحي وكامت حسنة تبجي
- انه انصدمت من تمثيلهن وضليت صافنة عليهن
صاحني الزلمة
- تعاي بوية تعاي هلا بيج فوتي امبين هو يعرف سوالفهن الطايح حظها ضحكت بستهزاء وعفتهن
ودخلت طلعن نسوان اثنين استقبلني وحده شالت آموسه باستها دخلت للهول كلش جبير صارت بوجهي. عمتي كاعدا ام قيصر انه من شفتها
هاجت كل مواجعي بس مو كره هيه سوت روحها
ماتشوفني رحت عليها وكفت فوك راسها
وحجيت بخجل وادعي الله ماتخجلني
- اشونج عمة هيه رفعت راسها عليه
- هلا بيج يمة حجت بخجل مني
- دنكت عليها وبستها اخذت مني دنيا وباستها
وباست اموسه
سلمت على النسوان كالتلهن هاي مرت قيِصر الثانية
هما اغلبهم ماخذين اثنين وتلاثة بس موغربة يمكن
بس انه بينهن غريبة هنا لهذا السبب ماحبني
حسبني متتطفلة ودخلت عليهن ودارسة وموضفة ومنفتحة. هنه اغلبهن مادارسات حتى من يطلعن
يتغشن بغشاوة خفيفة على وجهن
ذبيت العِباية مالتي وكعدت ضلن يباوعن عليه كصني
كص
عمتي
- تعاي اكعدي هنا بصفي ،،،
- كعدت يمها اندارت اليه ،،،،
- انه ادري. انتِ زعلانة عليه وكارهاني
بس والله طكت روحي
من الحجي والمشاكل انتِ كاعدا بالبيت ماتدرين
شيصير من اطلع لو رحت للجيران الكه الحجي
كله يمهم قيصر ظالم قيصر خذته الغريبة
قيصر موزين ويه مرته الجبيرة
منا البنات مايسلمن عليه لو شافني كلها حاربتني
اشون انه. مكعدتج يمي وراضية عليج
ماتحملت وانفجرت بس الله شاهد متت قهر حتن تمرضت ولهذا يومج انه اكوم عمج ايطيح
كلت كلها هاي حوبة أمونة ماشفنة منها
اذية ضليت بخجلي منج ومن اهلج
