ﺍﻟﺴﻼﻡ ﻋﻠﻰ ﻣﺘﺎﺑﻌﻴﻨﻲ ﺍﻟﻮﺭﻭﺩ ﺍﺷﻮﻧﻜﻢ
ﻣﺸﺘﺎﻗﺘﻠﻜﻢ ﻫﻮﺍﻱ ﻗﺒﻞ ﻻﻧﺒﺪﻱ ﺑﺎﻟﻘﺼﺔ ﺍﺭﻳﺪﻛﻢ ﺗﺘﺮﺣﻤﻮﻥ
ﻟﺸﻬﺪﺍﺋﻨﺎ ﺍﻻﺑﺮﺍﺭ ﺍﻟﻠﻬﻢ ﺍﺭﺣﻢ ﻣﻦ ﺍﺯﻫﻘﺖ ﺍﺭﻭﺍﺣﻬﻢ ﻻﺍﺟﻠﻨﺎ ﻭﻏﻤﺪ ﺍﺭﻭﺍﺣﻬﻢ ﺍﻟﺠﻨﺔ ﻭﺍﺟﻤﻌﻬﻢ ﻣﻊ ﺍﻟﻨﺒﻴﻴﻦ ﻓﻲ ﻋﻠﻴﻴﻦ ﺍﻟﻔﺎﺗﺤﺔ ﻋﻠﻰ ﺍﺭﻭﺡ ﺷﻬﺪﺍﻧﺎ ﺍﻟﻤﻐﺪﻭﺭﻳﻦ
🀾
ﺑِﺴْﻢِ ﺍﻟﻠَّﻪِ ﺍﻟﺮَّﺣْﻤَﻦِ ﺍﻟﺮَّﺣِﻴﻢِ ( 1 )
ﺍﻟْﺤَﻤْﺪُ ﻟِﻠَّﻪِ ﺭَﺏِّ ﺍﻟْﻌَﺎﻟَﻤِﻴﻦَ ( 2 ) ﺍﻟﺮَّﺣْﻤَﻦِ ﺍﻟﺮَّﺣِﻴﻢِ ( 3 ) ﻣَﺎﻟِﻚِ ﻳَﻮْﻡِ ﺍﻟﺪِّﻳﻦِ ( 4 ) ﺇِﻳَّﺎﻙَ ﻧَﻌْﺒُﺪُ ﻭَﺇِﻳَّﺎﻙَ ﻧَﺴْﺘَﻌِﻴﻦُ ( 5 ) ﺍﻫْﺪِﻧَﺎ ﺍﻟﺼِّﺮَﺍﻁَ ﺍﻟْﻤُﺴْﺘَﻘِﻴﻢَ ( 6 ) ﺻِﺮَﺍﻁَ ﺍﻟَّﺬِﻳﻦَ ﺃَﻧْﻌَﻤْﺖَ ﻋَﻠَﻴْﻬِﻢْ ﻏَﻴْﺮِ ﺍﻟْﻤَﻐْﻀُﻮﺏِ ﻋَﻠَﻴْﻬِﻢْ ﻭَﻟَﺎ ﺍﻟﻀَّﺎﻟِّﻴﻦَ ( 7 )
}} ﺻﺪﻕ ﺍﻟﻠﻪ ﺍﻟﻌﻠﻲ ﺍﻟﻌﻈﻴﻢ {{
._60_
ﺍﻟﺰﻧﺒﻘﺔ _ ﺍﻟﺴﻮﺩﺍﺀ
ﺩﺍﻟﻴﺎ _ ﺍﻟﻤﺴﻠﻢ
ﺁﻣﺎﺳﻲ
ﺑﻌﺪ ﻣﺎ ﻋﺎﺑﺮ ﺩﺯﻟﻲ ﺍﻟﺮﺳﺎﻟﻪ ﺍﻧﻪ ﺣﻴﻞ ﺗﺄﺫﻳﺖ
ﺍﺣﺴﻪ ﺩﻣﺮﻧﻲ ﻓﻮﻙ ﻣﺎﺍﻧﻲ ﻣﺪﻣﺮﺓ
ﺍﻟﻤﺸﻜﻠﺔ ﻫﻲَ ﺍﻧﻮ ﻫﻮ
ﺻﺤﺔ ﺑﻴﻪ ﺣُﺐ ﺩﻓﻨﺘﻪ ﺑﺪﺍﺧﻠﻲ ﻭﺍﻧﻄﻤﺮ
ﺷﺮﺟﻌﻚ ﺷﺴﻮﻳﺖ ﺑﻴﻪ . ﺣﺎﻟﺘﻲ ﺍﺗﺎﺯﻣﺖ
ﻣﺮﺿﻲ ﺯﺍﺩ
ﺧﺎﻟﺘﻲ ﺑﻴﺪﺍﺀ ﺍﺯﻭﺟﺖ ﻣﺎﻛﺪﺭﺕ ﺍﺭﻭﺡ ﻻﻥ ﺻﺮﺕ
ﻃﺮﻳﺤﺔ ﺍﻟﻔﺮﺍﺵ ﻭﺍﻟﻜﻮﺍﺑﻴﺲ ﺩﻣﺮﺗﻨﻲ
ﻭﺛﺎﺋﺮ ﺍﺑﺪ ﻣﻮ ﻳﻤﻲ ﻭﻻ ﻣﻬﺘﻢ ﻟﻤﺮﺿﻲ
ﻣﺮﺍﺕ ﻛﻮﻩ ﻋﻠﻴﻪ ﺍﻛﻮﻡ ﺍﺧﺪﻡ ﺟﻬﺎﻟﻲ
ﺍﻟﻴﻞ ﻛﻠﻪ ﺍﻭﻥ ﻭﺣﺪﻱ ﻫﻮ ﻧﺎﻳﻢ ﻣﻨﻄﻴﻨﻲ ﻇﻬﺮﻩ
ﺍﻋﺎﻳﻦ ﻟﻀﻬﺮﻩ ﻭﺍﺣﺠﻲ . ﻭﻳﺎﻩ ﻣﺎﺭﻳﺪ ﻣﻨﻚ ﺷﻲﺀ ﺍﻫﺘﻢ ﺑﻴﻪ ﺣﺴﺴﻨﻲ ﺑﻮﺟﻮﺩﻙ ﺣﺴﻨﻲ ﺻﺪﻙ ﺍﻧﺖَ ﺧﻴﻤﺔ ﺍﻟﻲ
ﻟﻤﺴﺖ ﺿﻬﺮﻩ ﻟﻌﻠﻪ ﻳﻠﺘﻔﺖ ﺍﻟﻲ ﻭﻳﺎﺧﺬﻧﻲ ﺑﺤﻀﻨﻪ
ﺑﻠﻜﻲ ﺍﻃﻴﺐ ﺟﺮﻭﺡ ﻗﻠﺒﻲ
ﻣﺎﻛﻮ ﻣﺎ ﻧﺪﺍﺭ ﻭﻻﺣﺲ ﺑﻴﻪ ﻣﻌﻘﻮﻟﺔ ﺍﻧﻪ . ﺷﻔﺎﻓﺔ
ﻟﻮ ﺿﻞ ﻣﺎﺑﻲ ﺍﺣﺴﺎﺱ
ﺑﻘﻰ
ﻋﺎﺑﺮ ﺍﻳﺪﺯﻟﻲ ﺭﺳﺎﺋﻞ . ﻭﺍﻟﺘﻠﻴﻔﻮﻥ ﺍﻳﺮﻥ ﻟﻮ ﻳﻬﺘﺰ ﻟﻤﻦ ﺗﻮﺻﻞ ﺭﺳﺎﻟﻪ ﻭﻫﻮ ﻭﻻ ﻳﻤﻪ ﻭﻻ ﻳﺴﺄﻝ ﻟﻴﺶ ﻭﻣﻨﻮ ﻳﺨﺎﺑﺮﺝ ٣ ﺍﻟﻔﺠﺮ ﻛﻠﻪ ﺍﻫﺘﻤﺎﻡ ﻣﺎﻛﻮ ﻛﺎﻧﻲ ﻋﺎﻳﺸﺔ ﺑﺮﻭﺣﻲ
ﻭﺣﻴﺪﻩ
ﺑﺎﻟﻤﻘﺎﺑﻴﻞ ﻋﺎﺑﺮ ﻳﺴﺄﻝ
ﻋﻨﻲ ﺍﺑﺪﻭﻥ ﻣﺎﺍﺣﺠﻲ ﺍﺫﺍ ﺍﻟﻌﻠﻮﻳﺔ ﺍﻣﻪ ﺃﺟﺖ ﺍﺷﻮﻓﻨﻲ ﻭﻫﻮ ﻳﺼﻴﺮ ﻋﻨﺪﺍ ﺧﺒﺮ ﻳﺎﺧﺬﻟﻲ ﺍﺟﺎﺯﺓ
ﻭﻳﻀﻞ ﻳﺮﻥ ﻟﻮ ﺭﺳﺎﻝ ﺣﺐ ﻭﻓﻘﺪﺍﻥ
ﺑﺲ ﺍﻧﻲ ﻣﺎ ﺭﺩﻳﺖ ﻋﻠﻴﻪ ﻣﺎﺍﻛﺪﺭﺭ ﻣﺎﺍﻛﺪﺭ
ﻛﻤﺖ ﻣﺮﺍﺕ ﺍﺗﺤﺴﻦ ﺍﺭﻭﺡ ﺍﺩﺍﻭﻡ ﻭﻣﺮﺍﺕ ﺍﻧﺘﻜﺲ
ﺍﺳﺎﺑﻴﻊ ﺍﺻﻴﺮ ﻃﺮﻳﺤﺔ ﺍﻟﻔﺮﺍﺵ
ﺑﻴﻮﻡ ﺷﻔﺖ ﺣﺎﻟﺘﻲ ﺍﺣﺴﻦ ﺭﺣﺖ ﻟﻠﺪﻭﺍﻡ
ﻭﻣﻦ ﺭﺟﻌﺖ ﻭﻟﻜﻴﺖ ﺛﺎﺋﺮ ﻛﺎﻋﺪ ﻣﻨﺘﻈﺮﻧﻲ
ﺑﺪﻟﺖ ﻭﺳﻮﻳﺖ ﺍﻟﻐﺪﻩ ﻭﻫﻮ ﺳﺎﻛﺖ ﺑﺲ ﻳﻔﺘﺮ ﻭﺭﺍﻳﺔ ﻋﺮﻓﺘﻪ
ﻋﻨﺪﺍ ﻣﻮﺿﻮﻉ ﺍﻟﺘﻔﺘﺖ ﺍﻟﻪ ﻻﻥ ﻗﻠﻘﻨﻲ
-: ﻛﻮﻝ ﺛﺎﺋﺮ ﺍﺷﺒﻴﻚ ﺷﻌﻨﺪﻙ ﺍﺣﺠﻲ
ﺳﺤﺒﻨﻲ ﻣﻦ ﺍﻳﺪﻱ
-: ﺗﻌﺎﻱ ﺍﺭﻳﺪ ﺍﺣﺠﻲ ﻭﻳﺎﺝ .... ،
-: ﻛﻌﺪ ﻭﻛﻌﺪﻧﻲ ﺑﺼﻔﺔ ﻭﺿﻞ ﻳﺘﺒﺎﻭﻋﻠﻲ
-: ﺷﻮﻓﻲ ﺁﻣﺎﺳﻲ ﺍﺭﻳﺪﺝ ﺗﺘﺮﺍﺿﻴﻦ ﺍﻧﺖِ ﻭﺃﻣﻲ
ﻣﺎﻳﺼﻴﺮ ﺻﺎﺭﻟﻬﺎ ﺳﻨﺔ ﻻﺗﺠﻲ ﻭﻻﺗﻔﻮﺕ ﻭﻻ ﺗﺤﺠﻴﻦ
ﻭﻳﺎﻫﺎ
ﺿﻴﻘﺖ ﻋﻴﻮﻧﻲ ﺑﻘﻬﺮ
-: ﺍﻛﻠﻚ ﺍﻧﻪ ﻃﺎﺭﺩﺗﻬﺎ ﺍﻧﻪ ﺣﺎﺟﻴﺔ ﻭﻳﺎﻫﺎ ﻭﻣﻮﻛﺎﻓﻲ
ﻭﻳﻦ ﻣﺎﺗﻜﻌﺪ ﻫﻴﻪ ﻭﺳﻤﻴﻪ ﻳﺤﺠﻦ ﻋﻠﻴﻪ ﻳﻢ ﺍﻟﻮﺍﺩﻡ
ﻋﻠﻰ ﺍﺑﻮ ﻃﺮﺩﺗﻨﺎ ﻭﻣﺎﺗﺨﻠﻲ ﺍﺑﻨﻲ ﻳﺠﻲ ﺍﻟﻲ
ﺍﻧﻪ ﻳﺎﻳﻮﻡ ﺍﻧﻪ ﻃﺮﺩﺗﻬﻦ ﻳﺎﻳﻮﻡ ﻣﻨﻌﺘﻚ ﻣﻨﻬﻦ ﺣﺘﻰ
ﻃﻠﻌﺘﻬﻦ ﻣﻦ ﺍﻟﺒﻴﺖ ﺑﺎﻃﻠﺔ ﻭﺍﻧﻪ ﻣﺎﻟﻲ ﺷﻐﻞ ﺑﻴﻬﻦ
ﻭﺍﻟﻠﻪ ﻛﻤﺖ ﻣﺎﺍﺣﻀﺮ ﻣﻨﺎﺳﺒﺔ ﻟﺠﻴﺮﺍﻧﻪ . ﻟﻮ ﻗﺮﺍﻳﻪ
ﻟﻮ ﺗﺴﻴﺎﺭﺓ ﻛﻠﻪ ﻣﻦ ﻭﺭﺍﻫﻦ ﺍﻟﺸﻨﺎﻓﻴﺔ ﻛﻠﻬﺎ ﺗﺤﺠﻲ
ﻋﻠﻴﻪ ﺍﻧﻪ ﻇﺎﻟﻤﺔ ﻭﺣﺎﺭﻣﺘﻚ ﻣﻨﻬﻦ ﻭﻃﺮﺍﺩﺗﻬﻦ
-: ﻫﺴﻪ ﻣﺎﻟﻨﺎ ﺷﻐﻞ ﺑﺎﻟﺮﺍﺡ ﺍﺣﻨﺎ ﻭﻟﺪ ﺍﻟﻴﻮﻡ ﺍﺭﻳﺪﺝ
ﺗﻤﺸﻴﻦ ﻭﻳﺎﻱ ﻭﺗﺼﺎﻟﺤﻴﻦ ﻭﻳﺎﻫﻦ ﻣﻬﻤﺎ ﺗﻜﻮﻥ ﻫﺎﻱ ﺃﻣﻲ
ﺁﻣﺎﺳﻲ ﺗﻌﺒﺖ ﻭﺍﻧﻪ ﺍﺷﻮﻓﻬﺎ ﻣﺘﺒﻬﺬﻟﺔ ﺑﺎﻹﻳﺠﺎﺭﺍﺕ
ﻭﺍﻧﻪ ﺑﻴﺘﻲ ﻓﺎﺭﻍ ﻟﻴﺶ ﻭﺑﻌﺪﻳﻦ ﻣﺎﻟﺞ ﺷﻐﻞ ﺑﺤﺠﻲ
ﺍﻟﻨﺴﻮﺍﻥ
ﺧﺬﺕ ﻧﻔﺲ ﻭﺫﺑﻴﺘﻪ ﺑﻘﻬﺮ ﺍﻧﺪﺍﺭﻳﺖ ﺍﻟﻪ
-: ﺧﻼﺹ ﺍﺭﻭﺡ ﻭﻳﺎﻙ ﺷﻮﻛﺖ ﻣﺎﺗﺮﻳﺪ ﺍﻧﻪ ﻣﺎﻋﻨﺪﻱ ﺷﻲﺀ ﻭﻳﺎﻫﻦ ﻭﻟﻮ ﻣﺎﺷﻔﺖ ﻣﻨﻬﻦ ﺯﻳﻦ ﺑﺲ ﺷﺴﻮﻱ
ﺍﻗﻠﻬﺎ ﺍﻛﻒ ﺍﻟﺤﺠﻲ ﻋﻨﻲ ﺗﻨﻬﺪ ﺑﺤﺼﺮﺓ ﻭﺧﻠﺔ ﻭﻛﺎﻡ
ﺍﻟﻌﺼﺮ ﺑﺪﻟﺖ ﻟﻠﺠﻬﺎﻝ ﻭﺍﻧﻲ ﻭﺭﺣﺖ ﻭﻳﺎﻩ . ﻟﺒﻴﺖ ﺃﻣﻪ
ﺩﻓﻊ ﺍﻟﺒﺎﺏ ﻭﺩﺧﻠﻨﺎ ﻟﻜﻴﺘﻬﻦ ﻛﺎﻋﺪﺍﺕ ﺳﻠﻤﺖ ﻋﻠﻴﻬﻦ
ﻋﻤﺘﻲ ﻋﺎﺩﻱ ﺳﻠﻤﺖ ﻭﺳﻤﻴﻪ ﺑﻄﺎﺭﻑ ﺧﺸﻤﻬﺎ ﺭﺩﺕ
ﺍﻧﻪ ﺭﺣﺖ ﺑﺴﺖ ﺭﺍﺱ ﻋﻤﺘﻲ ﻭﻋﺘﺬﺭﺕ ﻣﻨﻬﺎ ﻣﺎﻟﻲ ﺷﻐﻞ ﺑﺴﻤﻴﻪ ﺟﺎﺑﺖ ﺳﻤﻴﻪ ﺟﺎﻱ ﻭﺑﺲ ﺍﻧﻪ ﺍﻧﻄﺘﻨﻲ ﺷﺮﺑﺖ ﺷﺮﺑﺘﻪ ﻭﺍﺑﻨﻬﺎ ﺍﻟﺰﻏﻴﺮ ﺭﺍﺩ ﺭﺩﺕ ﺍﻧﻄﻲ ﻣﺎﺭﺿﺖ ﻛﺎﻟﺖ ﻻ ﻻ
-: ﻛﻠﻪ ﺍﺷﺮﺑﻲ ﻫﺬﺍ ﺍﻟﺞ
-: ﻻ ﺧﻠﻲ ﻳﺸﺮﺏ ﻣﺎﻗﺒﻠﺖ ﺭﺍﺣﺖ ﺟﺎﺑﺘﻠﺔ
ﻭﻧﻄﺘﻪ ﺍﺷﻮﻳﺔ ﻭﻃﻠﻌﺖ ﻭﻫﻮ ﺑﻘﻰ ﻋﺪﻫﻦ ﻣﺎﻳﺮﺟﻊ ﻣﻨﺎ ﻟﻠﻮﺣﺪﻩ ﺑﻠﻴﻞ
ﺛﺎﻧﻲ ﻳﻮﻡ ﺭﺣﺖ ﻟﻠﺪﻭﺍﻡ ﺻﺎﺩﻓﺖ ﻋﺎﺑﺮ
ﺟﺎﻥ ﺻﺒﺢ ﻭﻣﺎﻛﻮ ﺍﺣﺪ ﺑﺎﻟﺸﺎﺭﻉ ﺻﺎﺭ ﺑﻮﺟﻬﻲ
ﺩﻧﻜﺖ ﻭﻋﺒﺮﺕ ﻣﻨﻪ ﺻﺎﺣﻨﻲ
-: ﺁﻣﺎﺳﻲ ﺑﺲ ﺍﺷﻮﻳﺔ ﺍﺣﺠﻲ ﻭﻳﺎﺝ
-: ﺍﻟﺘﻔﺘﺖ ﺍﻟﻪ ﺳﻴﺪ ﻣﺎ ﺗﺮﻫﻢ ﺻﺪﻛﻨﻲ ﻣﺎﺗﺮﻫﻢ
-: ﺍﺍﺍﻩ ﻳﺎ ﺍﻣﺎﺳﻲ ﺭﺍﺡ ﺗﺒﻘﻴﻦ ﺟﺮﺡ ﺑﻜﻠﺒﻲ ﻛﻞ ﻳﻮﻡ
ﻳﻨﺰﻑ
-: ﻧﺰﻟﺖ ﺩﻣﻮﻋﺔ ﻭﻛﺎﻟﻲ
-: ﻭﺍﻟﻠﻪ ﻟﻮ ﻣﺎ ﺍﻟﻌﻴﺒﺔ ﻣﺎﺍﻋﻮﻓﺞ ﺍﺑﺪ ﺍﺑﺪ ﻭﺍﺣﺎﺭﺏ
ﺍﻟﺪﻧﻴﺎ ﻛﻠﻬﺎ ﻻﺟﻞ ﻋﻴﻮﻧﺞ ﺑﺲ ﺍﻳﺪﻱ ﻣﺮﺑﻄﻪ ﻭﻣﺎﺑﻴﺪﻱ
ﺷﻲﺀ ﺍﻧﻪ ﺷﺎﻳﻞ ﻣﻨﺎ ﻭﺍﻭﻋﺪﺝ ﺑﻌﺪ ﻣﺎ ﺗﺸﻮﻓﻴﻨﻲ
ﺍﺑﺪ ﻫﺎﺝ . ﻫﺎﻱ ﻭﺭﺩﺓ ﻧﺎﺩﺭﺓ ﻣﺜﻠﺞ ﺍﺳﻤﻬﺎ ﺯﻧﺒﻘﺔ
ﺷﻮﻓﻲ ﺣﺘﻰ ﻟﻮﻧﻬﺎ ﻏﺮﻳﺐ ﻭﺍﺳﻮﺩ
ﻭﻏﺎﻟﻴﺔ ﻛﻠﺶ ﻣﻮ ﺍﻱ ﻭﺍﺣﺪ ﻳﺸﺘﺮﻳﻬﺎ ﻣﻦ ﺷﻔﺘﻬﺎ ﺍﺫﻛﺮﺗﺞ ﺧﻠﻴﻬﺎ ﺫﻛﺮﻯ ﻣﻨﻲ ﻻﻧﺞ ﻣﺜﻠﻬﺎ ﻧﺎﺩﺭﺓ ﻭﻣﺤﺪ ﻳﻌﺮﻑ ﻳﻌﺘﻨﻲ ﺑﻴﺞ
-: ﻣﺪﻳﺖ ﺍﻳﺪﻱ ﺧﺬﻳﺘﻬﺎ ﻣﻨﻪ ﻭﺍﺷﻜﺮﺗﻪ
ﻭ ﺩﺭﺕ ﻭﺟﻬﻲ ﻣﻨﻪ ﻭﻋﻔﺘﻪ ﻭﻣﺸﻴﺖ ﻟﺪﻭﺍﻣﻲ ﻭﺍﻧﻪ ﺩﻣﻮﻋﻲ ﻏﻮﺷﺖ ﻋﻴﻮﻧﻲ ﻣﻨﻬﺎ ﺍﺧﺨﺦ ﻳﺎﻋﺎﺑﺮ ﺗﺄﺧﺮﺕ ﻫﻮﻭﻭﻭﺍﻱ ﺍﺗﺄﺧﺮﺕ . ﺟﺎﻱ ﺍﻃﺎﻟﺐ ﻣﻴﺖ ﻳﺮﺟﻊ ﻟﻠﺤﻴﺎﺓ
ﻭﺷﻴﺮﺟﻌﺔ ﻭﺭﻭﺣﻪ ﻣﻔﺎﺭﻛﺔ ﺟﺴﺪﻩ ﺍﻧﻪ ﻣﻴﺘﻪ ﺗﻌﺮﻑ ﺷﻨﻮ ﻣﻴﺘﻪ ﻭﺭﻭﺣﻲ ﻣﺠﺮﺣﺔ ﻣﻦ ﻛﻞ ﺻﻮﺏ ﻭﻣﺎﻋﻨﺪﻱ
ﺍﻟﻲ ﻳﺪﺍﻭﻱ ﺟﺮﻭﺣﻲ ﻏﻴﺮ ﺫﻛﺮﻯ ﺣﺒﻚ
ﻭﺻﻠﺖ ﻟﻠﻤﺪﺭﺳﺔ ﻭﻣﺜﻞ ﻛﻠﻴﻮﻡ ﺷﻐﻠﻲ . ﺻﺎﺭﺕ ﺍﻟﻔﺮﺻﺔ
ﻭﻃﻠﻌﺖ ﻟﻠﺴﺎﺣﺔ ﺍﺣﺲ ﺭﻭﺣﻲ ﻣﺨﻨﻮﻛﺔ
ﻭﺣﻴﺪﻩ ﺍﻧﻪ ﺑﻬﻞ ﺍﻟﺪﻧﻴﺎ ﻣﺎﻟﻲ ﺍﺣﺪ ﻛﻠﻬﺎ ﺿﺪﻱ
ﻛﻠﻬﺎ ﻣﻌﺎﺩﻳﺘﻨﻲ . ﺍﺫﻛﺮ ﻣﻦ ﺭﺣﺖ ﻻﺍﻫﻠﻲ
ﻛﻌﺪﺕ ﻳﻢ ﺭﺍﺳﻲ ﺧﻄﻴﺔ ﻣﺨﻄﻮﻑ ﻟﻮﻧﻬﺎ
-: ﻫﺎﺍ ﻳﻤﺔ ﺁﻣﺎﺳﻲ ﺍﺷﻮﻥ ﺻﺮﺗﻲ
-: ﻛﻮﺓ ﻃﻠﻌﺖ ﺍﻟﻜﻠﻤﺔ ﺍﺷﺮﺗﻠﻬﺎ ﻣﻮ ﺯﻳﻨﺔ ﻳﻤﺔ ﺗﻌﺒﺖ
ﻛﻤﺖ ﺍﺑﺠﻲ ﺗﻌﺒﺖ ﻳﻤﺔ ﺷﻮﻓﻲ ﻫﻨﺎﻙ ﺍﺷﺮﻟﻬﺎ ﻳﻢ
ﺍﻟﺸﺒﺎﻙ ﺍﺷﻮﻑ ﺩﺧﺎﻥ ﺍﺳﻮﺩ ﻭﺑﻴﻪ ﻋﻴﻮﻥ
ﺣﻤﺮ ﻟﻮ ﻣﻦ ﺍﻏﻤﺾ ﺗﻀﻬﺮﻟﻲ ﺍﺷﻜﺎﻝ ﻣﺮﻋﺒﺔ
ﻭﺍﻓﺰ ﻣﺮﻋﻮﺑﺔ
-: ﻛﻮﻣﻲ ﻛﻮﻣﻲ ﺍﺧﺬﺝ ﻟﻠﺪﻛﺘﻮﺭ ﻋﺪﻱ ﺟﺎﻱ ﻳﻨﺘﻀﺮﻧﺎ
ﺑﺮﻯ
ﺭﺩ ﺛﺎﺋﺮ
-: ﻻ ﻋﻤﺔ ﺍﻧﻪ ﻭﺩﻳﺘﻬﺎ ﺍﻟﺒﺎﺭﺣﺔ ﻭﻛﺎﻝ ﻣﺮﺍﺭﺗﻬﺎ ﺑﻴﻬﺎ ﺍﻟﺘﻬﺎﺏ ﺑﺲ ﻣﺎ ﻣﺘﺄﻛﺪ ﺍﻳﻜﻮﻝ ﺍﻻ ﻧﺎﺿﻮﺭ
-: ﺿﺮﺑﺖ ﺍﻣﻲ ﺻﺪﺭﻫﺎ ﺑﺨﻮﻑ ﺍﺷﻮﻭﻥ ﻻ ﻳﻤﺔ ﻻ ﺧﻠﻲ ﺍﻭﺩﻳﻬﺎ ﺍﻧﻪ ﻫﺴﻪ
-: ﺑﺮﺍﺣﺘﺞ ﺍﺧﺬﻳﻬﺎ
-: ﻛﻤﺖ ﺳﻨﺘﺪﺗﻨﻲ ﺃﻣﻲ ﻭﺧﺬﺗﻨﻲ ﻏﺴﻠﺖ ﻭﻟﺒﺴﺘﻨﻲ ﻫﺪﻭﻣﻲ ﻭﻃﻠﻌﻨﺎ ﻟﻜﻴﺖ ﻋﺪﻱ ﻣﺘﺤﻀﺮ ﺻﻌﺪﻧﺎ
ﻭﺧﺬﺗﻨﻲ ﺃﻣﻲ ﻃﻮﻝ ﺍﻟﻄﺮﻳﻖ ﻭﺍﻧﻪ . ﻧﺎﻳﻤﺔ
ﺷﻔﺖ ﺑﺎﻟﺤﻠﻢ .
ﻭﺍﺣﺪ ﺷﻜﻠﻪ ﻣﺜﻞ ﺍﻟﻮﺣﺶ ﻭﺭﺟﻠﻴﻪ ﻣﺜﻞ ﺍﻟﺼﺨﻞ ﻭﺫﻳﻠﻪ
ﺷﻄﻮﻟﻪ ﻭﺑﻴﻪ ﻣﺜﻞ ﺍﻟﺴﺠﺎﺟﻴﻦ ﻭﺍﻧﺎﻳﺒﺔ ﻃﻮﺍﻝ ﻭﺗﻨﻜﻂ
ﺩﻡ ﻭﺍﺿﺎﻓﻴﺮﺓ ﻣﻦ ﻛﺜﺮ ﻣﺎ ﻃﻮﺍﻝ ﻣﻠﻔﻮﻓﺎﺕ
ﻭﺍﻛﻒ ﻭﻋﻴﻮﻧﻪ ﺑﻌﻴﻮﻧﻲ ﺣﻤﺮ ﻧﺎﺭﺭ ﺩﻧﻚ ﻋﻠﻰ ﻭﺟﻬﻲ
ﻭﻃﻠﻊ ﻟﺴﺎﻧﻪ ﺭﻳﺤﺘﻪ ﻧﺘﻨﻪ ﺭﺍﺩ ﻳﻠﻌﻖ ﻭﺟﻬﻲ
ﻓﺰﻳﺖ ﺑﺨﻮﻑ ﻭﻛﻀﻴﺖ ﺍﻳﺪﻱ ﺃﻣﻲ
ﺗﻐﺴﻞ ﻭﺟﻬﻲ ﺑﻤﺎﻱ
-: ﺍﻛﻌﺪﻱ ﻳﻤﺔ ﺍﻛﻌﺪﻱ ﻫﺎﻱ ﻭﺻﻠﻨﺎ ﻭﻭﻑ ﻳﺎ ﻳﻤﺔ ﺷﻤﺎﻟﺞ ﺗﻮﻧﻴﻦ ﺑﺨﻮﻑ ﺣﺴﺒﻲ ﺍﻟﻠﻪ ﻋﻠﻴﻬﻦ ﻭﻧﻌﻢ ﺍﻟﻮﻛﻴﻞ
ﺍﻣﻬﺎﺕ ﺍﻟﺴﺤﻮﺭﻩ ﺍﻟﻤﻴﺨﺎﻓﻦ ﺍﻟﻠﻪ
-: ﻧﺰﻟﺘﻨﻲ ﻭﺍﻧﻪ ﺭﺟﻠﻴﻪ ﻣﻴﺘﺎﺕ ﺻﺎﻳﺮﺍﺕ
ﺧﻴﻮﻁ ﻣﻦ ﺍﻟﺨﻮﻑ ﻭﻣﻦ ﺷﻔﺖ ﻫﺬﺍ . ﺍﻟﻮﺣﺶ
ﺩﺧﻠﻨﺎ ﻟﺒﻴﺖ ﺍﻟﺴﻴﺪ ﺟﺎﻥ ﻣﻌﺮﻭﻑ ........
ﺑﻴﺖ ﺟﺒﻴﺮ ﻛﻠﺶ ﻭﺑﻴﻪ ﺑﺮﻭﺩﺓ ﻭﺭﻳﺤﺔ ﺑﺨﻮﺭ ﻭﻋﻨﺒﺮ
ﻭﺍﺳﻤﻊ ﺻﻮﺕ ﻗﺮﺍﻥ ﻣﺸﻐﻠﻲ ﻫﺎﺩﺉ ﺍﺳﺘﻘﺒﻠﺘﻨﺎ
ﻣﺮﻳﺔ ﺑﻜﺪ ﺃﻣﻲ ﻛﻌﺪﻧﺎ ﺍﺷﻮﻳﺔ ﺟﺎﺑﺘﻠﻲ ﻣﺎﻱ ﺷﺮﺑﺘﻨﻲ
ﺍﺷﻮﻳﺔ ﻭﺩﺧﻞ ﺭﺟﺎﻝ ﺷﺎﻳﺐ ﻛﻠﺶ ﻟﺤﻴﺘﻪ ﺑﻴﻀﺔ
ﻭﻃﻮﻳﻠﻪ ﻭﺫﺍﺏ ﻏﺘﺮﺓ ﺧﻀﺮﺓ ﻋﻠﻰ ﺭﺍﺳﻪ ﻛﻌﺪ
ﻛﺪﺍﻣﻲ ﻣﻦ ﺷﺎﻓﻨﻲ ﺿﻞ ﻳﻘﺮﺍﺀ ﺍﻳﺎﺕ ﻗﺮﺍﻧﻴﺔ
ﻛﺎﻝ ﻳﺎ ﺑﻮﻳﺔ ﺷﻤﺴﻮﻳﻦ ﺑﻴﺞ ﺍﻟﺞ ﺍﻟﻠﻪ ﺍﻧﺪﺍﺭ ﻻﺍﻣﻲ
ﻫﺎﻱ ﻣﺸﺮﺑﻴﻬﺎ ﺷﺮﺍﺏ ﺳﺤﺮ ﺑﺤﻴﺚ ﻣﻨﺘﺸﺮ ﺑﻜﻞ
ﺟﺴﻤﻬﺎ ﻭﻣﻨﻬﺎ ﺑﺎﺩﻱ ﻳﺘﻠﺒﺲ ﺑﻴﻬﺎ ﺟﻦ ﻳﻬﻮﺩﻱ
ﻳﺨﺒﻠﻬﺎ ﻭﻳﺨﻠﻴﻬﺎ ﺗﻨﺘﺤﺮ ﻻﻥ ﻋﻤﻠﻬﺎ ﻋﻠﻰ ﻣﻮﺕ
ﺍﻟﻲ ﻣﺴﻮﻳﻠﻬﺎ ﻋﻤﻞ ﻣﺴﻮﻳﻠﻬﺎ ﻋﻠﻰ ﻣﻮﺕ ﺗﻤﻮﺕ
ﺗﻔﻘﺪ ﻋﻠﻜﻴﻔﻬﺎ ﻋﺎﻓﻴﺘﻬﺎ ﺍﺷﻮﻳﺔ ﺍﺷﻮﻳﺔ ﻟﻤﺎ ﺗﻨﺘﻬﻲ ﻭﺗﻤﻮﺕ
-: ﻛﺎﻡ ﻋﻠﻴﻪ ﻭﺑﻴﺪﻩ ﻋﺼﺎ ﺧﻼﻫﺎ ﻋﻠﻰ ﺭﺍﺳﻲ ﻭﺑﺪﺍ
ﻳﻘﺮﺍﻩ ﺍﺣﺲ ﺟﺴﻤﻲ ﻛﻠﻪ ﺍﺧﺘﺾ ﺧﻆ ﻭﺿﻠﻴﺖ
ﺍﺭﺟﻒ ﺍﺗﺨﺮﺑﻄﺖ ﻣﺎﻭﻋﻴﺖ . ﻣﻨﺎ ﻟﺸﻮﻳﺔ ﺷﻔﺖ
ﺃﻣﻲ ﻣﺨﻠﻴﻪ ﺭﺍﺳﻲ ﺑﺤﻀﻨﻬﺎ ﻭﺗﺒﺠﻲ ﻭﻋﺪﻱ ﻳﻤﻲ
ﻛﺎﻋﺪ ﻳﻔﺮﻙ ﺑﻴﺪﻱ ﻛﻮﻣﻮﻧﻲ ﻭﺍﻟﺴﻴﺪ ﺍﻧﻄﻪ ﻻ ﺃﻣﻲ
ﻣﺎﻱ ﻭﻣﺪﺭﻱ ﺷﻨﻮ ﻋﻼﻛﺔ ﺻﻌﺪﻧﺎ ﻟﻠﺴﻴﺎﺭﺓ
ﺃﻣﻲ ﻛﺎﻟﺖ ﻟﻌﺪﻱ
-: ﻳﻤﺔ ﻋﺪﻱ ﺍﻃﻠﻊ ﺑﻴﻨﻪ ﻻﺍﻣﻴﺮ ﺍﻟﻤﺆﻣﻨﻴﻦ ﺍﺧﺘﻚ
ﺩﻭﺍﻫﺎ ﻋﺪ ﺍﻫﻞ ﺍﻟﺒﻴﺖ ﻭﺻﺪﻙ ﻃﻠﻊ ﺑﻴﻨﺎ ﺧﻄﻴﺔ
ﻛﻞ ﺍﺷﻮﻳﺔ ﻣﻨﺪﺍﺭﻱ ﻋﻠﻴﻪ . ﻫﺎﺍ ﺗﺮﺩﻳﻦ ﺷﻲﺀ ﺍﺟﻴﺒﻠﺞ
ﺷﻲﺀ
ﻟﻤﺎ ﻭﺻﻠﻨﺎ ﻏﻴﻢ ﺍﻟﻠﻴﻞ ﺑﻴﻨﺎ ﻭﺻﻠﻨﺎ ﻟﻸﻣﺎﻡ
ﻋﺪﻱ ﻛﺎﻝ
-: ﺍﺟﺮ ﺑﺎﻟﻔﻨﺪﻕ ﻳﻤﺔ ﻟﻮ ﺷﻨﻮ ،،،؟
-: ﻻ ﻻ ﺍﺣﻨﺎ ﺍﻧﺒﺎﺕ ﺩﺍﺧﻞ ﺍﻟﺼﺤﻦ ﺍﻧﺖَ ﺣﺒﻴﺒﻲ
ﻟﻮ ﺗﺮﻳﺪ ﺭﻭﺡ ﻟﻠﻔﻨﺪﻕ ﻭﺍﻟﺼﺒﺢ ﻧﻠﺘﻘﻲ ﻫﻨﺎ .
-: ﻳﺎﻟﻠﻪ ﺑﺮﺍﺣﺘﻜﻢ ﺍﻧﻪ ﻫﻢ ﺍﺑﺎﺕ ﺑﺎﻻﻣﺎﻡ ﻭﻳﺎﻛﻢ ﺷﻌﻨﺪﻱ
ﺭﺍﻳﺢ ﻭﺣﺪﻱ
-: ﺩﺧﻠﻨﺎ ﻭﺍﻧﻪ ﻛﻮﻩ ﺭﺍﻓﻌﺔ ﺭﺍﺳﻲ ﺑﺲ ﺩﻣﻮﻋﻲ ﻫﻴﻪ
ﺗﺤﺠﻲ ﺣﺎﻟﻲ ﺣﻴﻞ ﻣﻬﻀﻮﻣﺔ ﻣﺪﺭﻱ ﻣﺮﺿﻲ
ﻣﺪﺭﻱ ﺍﻫﻤﺎﻝ ﺛﺎﺋﺮ ﺍﻟﻲ ﻣﻦ ﻃﻠﻌﻨﺎ ﻟﺤﺪ ﻫﺴﻪ
ﻣﺎﺧﺎﺑﺮ ﻋﻠﻴﻨﺎ ﻟﻮ ﻋﺪﺍﻭﻩ ﺍﻣﻬﺎﺗﻪ ﻟﻮ ﻋﺪﺍﻭﻩ ﺍﺑﻮﻱ
ﺍﻟﻲ ﺍﻟﻲ ﻣﺪﺭﻱ ﺍﺷﺒﻴﻪ ﻣﺘﺨﺒﻞ ﻋﻠﻴﻪ ﻛﻞ ﻣﺎ ﺍﻳﺸﻮﻓﻨﻲ
ﻳﺮﺯﻝ ﺑﻴﻪ
ﺷﻜﻴﺖ ﻫﻤﻲ ﻳﻢ ﺍﻷﻣﺎﻡ ﻭﺻﻠﻴﺖ ﻛﻤﻠﺖ
ﻣﺪﺩﺕ ﺍﻧﺎﻡ ﺑﻌﺪ ﻣﺎﻛﺪﺭﺕ ﺷﻔﺖ ﺑﺎﻟﺤﻠﻢ
ﺍﺧﻮﻱ
ﻋﻤﺎﺭ ﻻﺑﺲ ﺩﺷﺪﺍﺷﺔ ﺑﻴﻀﺔ ﻭﺍﻧﻪ ﻣﺜﻞ ﺍﻟﻤﻴﺘﺔ ﻧﺎﻳﻤﺔ ﻭﻫﻮ ﻭﺍﻛﻒ ﺍﻳﺼﻠﻲ ﻋﻠﻴﻪ ﻭﺍﺳﻤﻌﻪ ﻳﻜﻠﻲ
ﺷﻮﻓﻲ ﻫﺠﻲ ﻳﺮﺩﻧﺞ ﺗﻨﺎﻣﻴﻦ ﻭﻣﻨﻬﺎ ﻟﺠﻮﺍﺕ ﺍﺍﻟﺘﺮﺍﺏ
ﺗﺮﻭﺣﻴﻦ ﺷﻮﻓﻲ ﺟﺎﻱ ﺗﻨﺎﺯﻋﻴﻦ ﺍﻧﺖِ ﺑﺲ ﻻﺗﺨﺎﻓﻴﻦ
ﺑﺴﻢ ﺍﻟﻠﻪ ﺍﻟﺮﺣﻤﻦٰ ﺍﻟﺮﺣﻴﻢ
( ﻭَﺃَﻟْﻖِ ﻣَﺎ ﻓِﻲ ﻳَﻤِﻴﻨِﻚَ ﺗَﻠْﻘَﻒْ ﻣَﺎ ﺻَﻨَﻌُﻮﺍ ۖ ﺇِﻧَّﻤَﺎ ﺻَﻨَﻌُﻮﺍ ﻛَﻴْﺪُ ﺳَﺎﺣِﺮٍ ۖ ﻭَﻟَﺎ ﻳُﻔْﻠِﺢُ ﺍﻟﺴَّﺎﺣِﺮُ ﺣَﻴْﺚُ ﺃَﺗَﻰٰ )
( ﺍﻟﻠﻬﻢ ﺍﺟﻌﻞ ﻛﻴﺪﻫﻢ ﻓﻲ ﻧﺤﺮﻫﻢ ﻭﺗﺪﺑﻴﺮﻫﻢ ﻓﻲ ﺗﺪﻣﻴﺮﻫﻢ )
ﻓﺰﻳﺖ ﺍﺣﺲ ﻣﻌﺪﺗﻲ ﻛﻠﺒﺖ ﻫﻤﺰﻳﻦ ﺃﻣﻲ ﺟﺎﻳﺒﺔ ﻭﻳﺎﻫﺎ
ﻋﻼﻛﺔ ﻃﻠﻌﺘﻬﺎ ﻣﻦ ﺟﻴﺒﻬﺎ ﺿﻠﻴﺖ ﺍﺗﻘﻴﺊ ﺑﻴﻬﺎ
ﺻﺮﺕ ﺍﺣﺴﻦ ﻛﻌﺪﺕ ﺃﻣﻲ ﺍﺳﻮﻟﻔﻠﻲ
-: ﺍﻧﻪ ﻛﺒﻞ ﺍﺗﻠﺚ ﺍﻳﺎﻡ ﺍﺟﺘﻨﻲ ﺍﻡ ﺩﻋﺎﺀ ﺗﻌﺮﻓﻴﻬﺎ
-: ﺍﻱ ﻳﻤﺔ ﺍﻋﺮﻓﻬﺎ
-: ﺭﺍﻳﺤﺔ ﻟﺒﻴﺖ ﺑﺘﻬﺎ ﺟﻴﺮﺍﻧﻬﺎ ﻟﺒﺘﻬﺎ ﺳﺤﺎﺭﺓ ﻣﻌﺮﻭﻓﺔ
ﺩﻛﻠﻲ ﺧﻴﺔ ﺍﻡ ﻋﺪﻱ ﺷﻔﺖ ﺍﻡ ﺛﺎﺋﺮ ﻭﺑﺘﻬﺎ ﺳﻤﻴﻪ
ﺩﺧﻠﻦ ﺍﻟﻬﺎ ﻭﻣﻦ ﺳﺎﻟﺖ ﺑﺘﻲ ﻛﺎﻟﺘﻠﻲ ﺩﺍﺋﻤﺎً ﺍﺷﻮﻓﻬﻦ
ﻳﺠﻦ ﺍﻟﻬﺎ ﺣﺴﺒﻲ ﺍﻟﻠﻪ ﻋﻠﻴﻬﻦ
ﻣﺎﻛﻮ ﻏﻴﺮﻫﻦ ﻣﺸﺮﺑﺎﺗﺞ ﻣﻦ ﺳﻮﻟﻔﺖ ﻻﺍﺑﻮﺝ
ﻛﺎﻟﻲ ﺍﺧﺬﻳﻬﺎ ﻟﻠﺴﺎﺩﺓ ﻻﺍﻫﻞ ﺍﻟﺒﻴﺖ ﻭﺍﺳﻜﺘﻲ ﻻﺗﺤﺠﻴﻦ
ﻋﻴﺐ ﻣﺮﺟﻌﻬﻦ ﻋﻠﻴﻨﺎ
-: ﺍﻱ ﺧﻠﻒ ﺍﻟﻠﻪ ﻋﻠﻴﻪ ﻻﺍﺑﻮﻱ ﻟﻮ ﺍﻣﻮﺕ ﻛﺪﺍﻣﻪ
ﻋﻨﺪﺍ ﻋﺎﺩﻱ ﺑﺲ ﻛﻮﻥ ﻣﺎﻳﺴﻤﻊ ﺣﺠﺎﻳﺔ ﺍﺿﺮﺓ ﻣﻦ ﺍﻟﻮﺍﺩﻡ
ﻟﻠﺼﺒﺢ ﺍﻧﻪ ﺻﺮﺕ ﺯﻳﻨﺔ ﺩﻧﻜﺖ ﺃﻣﻲ ﻋﻠﻰ ﺭﺍﺳﻲ
ﺗﻜﻌﺪﻧﻲ
-: ﻫﺎ ﻳﻤﻪ ﺁﻣﺎﺳﻲ ﻣﺎﺩﻛﻮﻣﻴﻦ ﻧﻤﺸﻲ ﻟﻠﺒﻴﺖ
-: ﺍﻱ ﻳﻤﺔ ﺍﻣﺸﻴﻨﺎ ﻛﻤﺖ ﻭﺍﻣﻲ ﺳﺎﻧﺪﺗﻨﻲ
ﻭﺩﻋﺖ ﺍﻷﻣﺎﻡ ﻭﻃﻠﻌﻨﺎ ﻟﻜﻴﺖ ﻋﺪﻱ ﻭﺍﻛﻒ ﺧﻄﻴﺔ ﻭﻳﻔﺮﻙ
ﺑﻮﺟﻬﺎ ﺗﻮﺍ ﻛﺎﻋﺪ ﺑﺲ ﺍﻣﺒﻴﻦ ﻋﻠﻴﻪ ﺍﻟﺘﻌﺐ
ﺭﺟﻌﻨﺎ ﻟﻠﺒﻴﺖ ﻭﺍﻧﻪ ﺍﻟﺤﻤﺪﻟﻠﻪ ﺍﺣﺴﻦ ﻛﺘﻠﻬﻢ ﻳﺬﺑﻮﻧﻲ
ﻳﻢ ﺑﻴﺘﻲ ﻧﺰﻟﺖ ﻭﻫﻤﺎ ﺭﺍﺣﻮ ﻟﻠﺒﻴﺖ ﻓﺘﺤﺖ ﺍﻟﺒﺎﺏ ﻭﺩﺧﻠﺖ
ﻟﻜﻴﺘﻬﻢ ﻧﺎﻳﻤﻴﻦ ﻭﺛﺎﺋﺮ ﻧﺎﻳﻢ ﺣﺲ ﺑﻴﻪ ﺭﻓﻊ ﺭﺍﺳﻪ
ﻭﺭﺟﻊ ﻧﺎﻡ ﻻ ﺳﺎﻟﻨﻲ ﻭﻻ ﻛﺎﻝ ﻭﻳﻦ ﺟﻨﺘﻲ ﻭﻻ ﺷﻤﺎﻟﺞ
ﺍﻧﻪ ﻫﻢ ﺧﺬﻳﺖ ﻫﺪﻭﻡ ﻃﺒﻴﺖ ﺳﺒﺤﺖ ﻭﺍﺣﺲ
ﺟﺴﻤﻲ ﺧﻔﻴﻒ . ﻭﻃﻠﻌﺖ ﺻﻠﻴﺖ ﻗﻀﺎﺀ
ﻭﺭﺣﺖ ﻟﻠﻤﻄﺒﺦ ﺷﻔﺖ ﺍﻟﻮﺭﺩﺓ ﺫﺑﻼﻧﺔ ﻣﺴﺤﺖ ﻭﺭﻛﺘﻬﺎ
ﻭﺫﺑﻴﺘﻠﻬﺎ ﻣﺎﻱ ﺩﻋﻴﺖ ﺭﺑﻲ ﻣﺎﺗﻤﻮﺕ
ﻋﻔﺘﻬﺎ ﻭﺭﺣﺖ ﻧﻤﺖ
ﻣﺮﺕ ﺍﻳﺎﻣﻲ ﻛﻤﺖ ﺍﺗﺤﺴﻦ ﻣﺮﺗﻴﻦ ﺧﺬﺗﻨﻲ
ﺃﻣﻲ ﺍﺯﻭﺭ ﺳﻴﺪ ﻳﻮﺷﻊ ﻻﻥ ﺍﻧﻪ ﻣﺘﻮﻛﻠﺔ ﻋﻠﻰ ﺍﻟﻠﻪ
ﻭﻋﻠﻴﻪ ﺻﺎﺩﻑ ﺑﻮﻛﺘﻬﺎ ﻧﻬﺎﻳﺔ ﺷﻌﺒﺎﻥ ﻛﻀﻴﺘﻬﺎ ﺻﻴﺎﻡ ﻋﺎﺑﺮ ﺍﻧﻘﻄﻊ ﻋﻨﻲ ﻓﺪﻧﻮﺏ
ﻣﺎﻛﻮ ﻣﺮﺍﺕ ﺍﺷﺘﺎﻕ ﺍﻟﻪ ﺍﻓﺘﺢ ﺍﻟﺮﺳﺎﻝ ﺍﻟﻘﺪﻳﻤﺔ
ﻭﺍﻛﻠﺐ ﺑﻴﻬﻦ . ﻭﺍﺷﺒﻊ ﺑﺠﻲ ﺑﺲ ﻣﻦ ﺍﻋﺎﻳﻦ ﻋﻠﻰ ﺟﻬﺎﻟﻲ ﺍﻛﻮﻡ ﺍﻣﺴﺢ ﺩﻣﻮﻋﻲ ﻭﺍﻣﺜﻞ ﺩﻭﺭ ﺍﻻﻣﻮﻣﺔ ﻭﺩﻭﺭ ﺍﻟﺰﻭﺟﺔ
ﺍﻟﻘﻨﻮﻋﺔ . ﺍﻟﺼﺎﺑﺮﺓ ﺍﻟﺼﺎﻟﺤﺔ ﺍﻟﻤﻬﻤﻠﺔ ﻭﺍﻟﻲ ﻻﺯﻡ ﺗﺼﺒﺮ ﻭﺗﺴﻜﺖ ﻋﻴﻰ ﺑﻌﺪﻳﻦ ﻣﻦ ﻳﻜﺒﺮ ﻳﺘﻐﻴﺮ ﻭﻳﻌﻘﻞ . ﻋﻠﻰ ﻛﻮﻟﺖ
ﺃﻣﻲ . ﺍﻟﻲ ﻣﺎﺷﻔﺖ ﺍﺑﻮﻱ ﺗﻐﻴﺮ . ﺑﺎﻟﻌﻜﺲ
ﻣﺮﺍﺕ ﻳﻨﺰﻟﻬﺎ ﻟﻠﺤﻀﻴﺾ . ﻭﻳﻘﻠﻞ ﻣﻦ ﺍﺣﺘﺮﺍﻣﻬﺎ ﻛﺪﺍﻡ
ﺍﻫﻠﻪ
ﺩﺧﻞ ﻋﻠﻴﻨﺎ ﺭﻣﻀﺎﻥ ﻭﺻﻴﺎﻡ ﻭﺟﻬﺎﻝ ﺟﺎﻧﺖ
ﻋﻄﻠﺔ ﺍﺧﻴﺮ ﺍﻟﺴﻨﺔ
ﺍﺧﻴﺮ ﺍﻳﺎﻡ ﻣﻦ ﺭﻣﻀﺎﻥ . ﺳِﻤﻴﻪ ﺧﺬﺕ ﺟﻬﺎﻟﻬﺎ ﻭﺭﺍﺣﺖ ﻟﺒﻴﺖ ﻋﻴﺎﻟﻬﺎ ﻭﻇﻠﺖ ﻋﻤﺘﻲ ﺣﺎﻳﺮﺓ
ﺷﻔﺖ ﺛﺎﺋﺮ ﻛﺎﻋﺪ
-: ﺍﺷﺒﻴﻚ ﺛﺎﺋﺮ ﻟﻴﺶ ﺻﺎﻓﻦ
-: ﺃﻣﻲ ﺿﻠﺖ ﺑﻮﺣﻴﺪﻫﺎ ﺳﻤﻴﻪ . ﺭﺍﺣﺖ ﻟﻌﻴﺎﻟﻬﺎ
ﺗﻜﻤﻞ ﺍﺧﻴﺮ ﺍﻳﺎﻡ ﻳﻤﻬﻢ ﻭﺗﻌﻴﺪ ﻋﻤﻬﺎ ﺩﺯ ﻋﻠﻴﻬﺎ
-: ﺍﻱ ﺧﻠﻲ ﻋﻤﺘﻲ ﺗﺠﻲ ﻳﻤﻨﻰ ﺍﻟﻤﻦ ﻛﺎﻋﺪﺍ ﻭﺣﺪﻫﺎ
-: ﺍﻱ ﻣﻦ ﺑﺎﺟﺮ ﺗﺠﻲ ﻗﺒﻞ ﺍﻟﻔﻄﻮﺭ ﺍﻧﻪ ﻛﻠﺖ ﺍﻟﻬﺎ
-: ﺍﻱ ﻫﻼ ﺑﻴﻬﺎ ﺍﺷﻮﻛﺖ ﻣﺎﺗﺠﻲ . ﻛﻮﻡ ﻫﺴﻪ ﺟﻴﺒﻬﺎ ﻟﻴﺶ ﻟﺒﺎﺟﺮ ﺧﻄﻴﺔ
-: ﺧﻮﺵ ﺍﻧﻪ ﺭﺍﻳﺢ ﺍﺟﻴﺒﻬﺎ
ﻃﻠﻊ . ﻭﺧﺬﺍ ﻭﻳﺎﻩ ﻭﻟﺪﻫﺎ ﺍﻧﻪ ﺭﺣﺖ ﺣﻀﺮﺕ ﺍﻟﻔﻄﻮﺭ
ﻭﻣﺎﺧﻠﻴﺖ ﻣﺎﺳﻮﻳﺖ ﺍﺟﺖ ﻋﻤﺘﻲ
ﻭﻛﺎﻣﺖ ﻛﻠﻴﻮﻡ ﺗﺠﻲ ﻗﺒﻞ ﺍﻟﻔﻄﻮﺭ ﺗﺒﺎﺕ ﻭﺍﻟﺼﺒﺢ ﺗﺮﺟﻊ ﻟﺒﻴﺘﻬﺎ ﺍﺗﻮﺳﻞ ﺑﻴﻬﺎ ﺍﺗﻀﻞ ﻳﻤﻲ ﻣﺎﺗﻘﺒﻞ
ﺍﺧﻴﺮ ﻳﻮﻡ ﺭﻣﻀﺎﻥ ﺍﺟﺖ ﺧﺎﻟﺘﻲ ﺑﻴﺪﺍﺀ ﻟﺒﻴﺖ ﺍﻫﻠﻲ
ﻭﻣﺮﺕ ﻋﻠﻴﻪ . ﺍﺷﻮﻓﻨﻲ ﻻﻥ ﻣﺮﻳﻀﺔ ﺍﻧﻪ ﻣﻦ ﺷﻔﺘﻬﺎ
ﺿﻠﻴﺖ ﺍﺑﺠﻲ ﻻﻥ ﺣﻴﻞ ﻣﻘﻬﻮﺭﻩ ﻣﻨﻬﺎ ﻭﻣﻦ ﺣﺠﺖ ﻋﻠﻴﻪ
ﺑﺲ ﺟﺬﺏ ﺣﻀﻨﺘﻬﺎ
ﺿﺮﺑﺘﻲ ﻋﻠﻰ ﻭﺟﻬﻲ
-: ﻭﻟﺞ ﻛﺎﻓﻲ ﺗﺒﺠﻴﻦ ﺍﻧﻪ ﻏﻴﺮ ﺧﻔﺖ ﻋﻠﻴﺞ ﻭﻣﺎﺭﻳﺪ
ﺍﺣﺪ ﻳﺠﻴﺐ ﺳﻴﺮﺗﺞ ﺑﺎﻟﻤﻮﺯﻳﻦ ﺍﻧﺘﻲ ﺑﺘﻲ ﺗﺪﺭﻳﻦ ﻟﻮ ﻻ
-: ﻻ ﺧﺎﻟﻪ ﺳﺎﻟﻔﺔ ﺭﺍﺣﺖ ﺑﻮﻛﺘﻬﺎ ﻭﻣﺸﺖ ﻧﺴﻴﺘﻬﺎ
ﺧﺎﻟﺘﻲ ﻏﻴﺪﺍﺀ ﺍﺷﻮﻧﻬﺎ ﺧﻮﺍﻟﻲ
-: ﻛﻠﻬﻢ ﺯﻳﻨﻴﻦ ﻭﻳﺴﻠﻤﻮﻥ ﻋﻠﻴﺞ . ﻭﻏﻴﺪﺍﺀ ﻋﺪﻫﺎ
ﺩﻭﺍﻡ ﻣﺎﻛﺪﺭﺕ ﺗﺠﻲ ﻭﻳﺎﻱ
-: ﺍﻱ ﺍﻟﻴﻮﻡ ﻓﻄﻮﺭﺝ ﻋﺪﻧﺎ ﺍﺿﻠﻴﻦ ﻣﺎﺗﻄﻠﻌﻴﻦ
-: ﺍﻱ ﭼﺎﺍ ﺍﺷﻮﻥ ﺍﻧﻪ ﺟﻴﺖ ﻋﻠﻴﺞ
-: ﺟﺎ ﺭﺟﻠﺞ ﻭﻳﻦ
-: ﻣﺎﺍﺟﻰ ﺿﻞ ﻫﻨﺎﻙ ﻋﻨﺪﺍ ﺷﻐﻞ
-: ﻛﻌﺪﺕ ﺧﺎﻟﺘﻲ ﻭﺍﻧﻪ ﺭﺣﺖ ﺳﻮﻳﺖ ﺍﻟﻔﻄﻮﺭ ﻭﺧﺎﺑﺮﺕ
ﻋﻠﻰ ﺍﺧﻮﺗﻲ ﻳﺠﻮﻥ ﻳﻔﻄﺮﻭﻥ ﻳﻤﻲ ﺍﻟﺘﻤﻮ ﻛﻠﻬﻢ ﺑﺲ ﺃﻣﻲ . ﻣﺎ ﺍﺟﺖ ﺍﻟﻨﺎ ﺣﺘﻰ ﺍﺧﻮﺗﻲ ﻣﻦ ﺣﺴﻨﺔ
ﺧﺎﺑﺮﺗﻬﻢ ﺍﺟﻮﻱ . ﺳﺄﻟﺖ ﺣﺴﻴﻦ ﺟﺎ ﻭﻳﻦ ﻣﻬﺎ
ﻟﻴﺶ ﻣﺎﺍﺟﺖ ﻭﻳﺎﻛﻢ !..
-: ﺟﺪﺗﻲ ﻟﻤﻴﻌﺔ ﻣﺮﻳﻀﺔ ﻭﺭﺍﺣﺖ ﻫﻴﻪ ﻭﺍﻣﻲ ﺍﻟﻬﻢ
ﺑﺎﺟﺮ ﻳﺠﻦ
ﻛﻌﺪﻧﺎ ﻧﻔﻄﺮ ﻭﻃﺎﺑﻜﻴﻦ ﺍﻟﺒﺎﺏ ﻭﺳﻮﺍﻟﻒ ﻭﺿﺤﻚ
ﺩﻙ ﺗﻴﻠﻔﻮﻥ ﺛﺎﺋﺮ ﺭﻗﻢ ﺟﻴﺮﺍﻧﻪ ﺟﺎﻭﺑﻬﻢ ﻭﻓﺰ
ﻛﺎﻡ ﻳﺮﻛﺾ ﻟﻠﺒﺎﺏ ﺍﻧﻪ ﻟﺤﻜﺘﻪ ﺍﻋﺎﻳﻦ ﺩﺧﻠﺖ ﻋﻤﺘﻲ
ﻭﺟﻬﺎ ﻣﺰﻧﺒﺮ ﻋﻠﻴﻪ ﺍﺑﺪﻭﻥ ﻻ ﺳﻼﻡ ﻭﻻ ﻛﻼﻡ ﻛﺒﻞ ﺩﺧﻠﺖ
ﻟﻠﻬﻮﻝ ﻭﺛﺎﺋﺮ ﻳﻤﺸﻲ ﻭﺭﺍﻫﺎ ﻳﺘﻮﺳﻠﻬﺎ
-: ﺛﺎﺋﺮ ﻭﺍﻟﻠﻪ ﻳﻤﺔ ﻧﺴﻴﺖ ﺍﺟﻲ ﻋﻠﻴﺞ ﻻ ﺍﺯﻋﻠﻴﻦ
ﺭﺩﺕ ﻋﻠﻴﻪ ﺑﻌﺼﺒﻴﺔ
-: ﺣﺘﻰ ﻟﻮ ﻧﺴﻴﺖ ﺍﻧﻪ ﻫﻤﺎﺕ ﻛﻠﺖ ﺍﻟﻚ ﻻﺗﺠﻲ ﺍﻧﻪ ﺍﺟﻲ
ﺑﺲ ﻟﻴﺶ ﻗﺎﻓﻠﻴﻦ ﺍﻟﺒﺎﺏ ﺻﺎﺭﻟﻲ ﺳﺎﻋﺔ ﺍﺩﻙ ﺑﻴﻬﺎ
ﻟﻮ ﻣﺎﺗﺮﺩﻭﻧﻲ ﻻﻥ ﻧﺴﺎﺑﺘﻚ ﻋﺪﻙ
-: ﺭﺣﺖ ﺍﻟﻬﺎ ﻋﻤﺔ ﻣﺎﻧﺴﻌﻢ ﻭﺍﻟﻠﻪ ﻣﻨﺎ ﺍﻟﺘﻠﻔﺰﻳﻮﻥ ﻭﻣﻨﺎ ﺍﺻﻮﺍﺗﻨﺎ ﻧﺤﺠﻲ
ﺿﻠﻴﺖ ﺍﺗﻌﺬﺭ ﻣﻨﻬﺎ ﻭﻫﻲ ﺍﺑﺪ ﻣﺎﺗﺮﺿﻰ ﺧﺎﻟﺘﻲ
ﻭﺍﺧﻮﺗﻲ ﻣﻦ ﺷﺎﻓﻮﻫﺎ ﻫﺠﻲ ﺿﺎﻳﺠﺔ ﻏﺴﻠﻮ ﻭﻃﻠﻌﻮ ﻛﻠﻬﻢ
ﺑﺲ ﺑﻘﺖ ﺯﻭﺟﺔ ﺿﺎﻫﺮ ﺟﺎﻧﺖ ﺣﺎﻣﻞ ﻭﻛﺎﻟﺘﻠﻪ ﺍﻧﻪ
ﺿﺎﻳﺠﺔ ﺧﻠﻴﻨﻲ ﻳﻢ ﺁﻣﺎﺳﻲ ﻭﺑﻠﻴﻞ ﺗﻌﺎﻟﻲ
ﺭﺣﺖ ﺍﻏﺴﻞ ﺍﻻﻣﺎﻋﻴﻦ ﺛﺎﺋﺮ ﺿﻞ ﻳﻢ ﺍﻣﻪ ﺍﻳﺮﺿﻲ ﺑﻴﻬﺎ
ﻭﻣﺮﺕ ﺿﺎﻫﺮ ﺍﺟﺖ ﻭﻳﺎﻱ ﻟﻠﻤﻄﺒﺦ
ﺍﻧﺪﺍﺭﻳﺖ ﺍﻟﻬﺎ ﺍﻛﻠﺞ ﺷﻤﺎﻟﻬﺎ ﻟﻤﻴﻌﺔ ﻣﺮﻳﻀﺔ
ﻫﺰﺕ ﺍﻳﺪﻫﺎ ﻭﺣﺠﺖ
-: ﻳﺎ ﺧﻴﺔ ﻏﻴﺮ ﻣﺘﺴﻮﺩﻧﺎ ﻭﺗﻄﻠﻊ ﺗﻔﺮﻓﺮ ﺑﺎﻟﺸﺎﺭﻉ
ﺑﺜﻮﺑﻬﺎ ﺍﻭ ﻭﻟﺪﻫﺎ ﻳﺮﻛﻀﻮﻥ ﻭﺭﺍﻫﺎ ﻳﻜﻀﻮﻫﺎ ﺑﺎﻟﻜﻮﺓ
ﻟﻮ ﺗﺼﻠﺦ ﺑﻨﺺ ﺍﻟﺸﻮﺍﺭﻉ . ﻟﻮ ﺗﺴﻮﻳﻬﺎ ﻋﻠﻰ ﺭﻭﺣﻬﺎ
ﻛﺎﻣﻮ ﻳﺤﺒﺴﻮﻫﺎ ﻛﻠﺶ ﻋﻘﻠﻬﺎ . ﺭﺍﺡ ﻣﻦ . ﺭﺣﺖ ﺍﻧﻪ
ﻭﺿﺎﻫﺮ ﺍﻟﻬﻢ ﻧﺸﻮﻓﻬﺎ ﺟﻨﺘﻬﺎ ﻛﺎﻟﺖ ﻛﻠﻪ ﻣﻦ ﺳﺤﻮﺭﺗﻬﻦ
ﺗﺨﺒﻠﺖ ﺍﻧﻜﻠﺒﺖ ﻋﻠﻴﻬﺎ ﺍﻋﻤﺎﻟﻬﻦ
ﻭﺧﺒﻠﻨﻬﺎ
ﻭﻫﺴﻪ ﺣﺎﺑﺴﻴﻬﺎ ﺑﻐﺮﻓﺔ ﺗﻜﺮﻣﻴﻦ ﻣﺜﻞ ﺍﻟﺤﻴﻮﺍﻥ
ﺍﻟﺠﻴﻔﺔ ﺗﻜﺘﻞ ﻭﻣﺤﺪ ﺑﺤﺎﻟﻬﺎ
-: ﻳﺎﺍ ﺧﻄﻴﺔ ﺭﺑﻲ ﻳﺸﺎﻓﻴﻬﺎ .....
ﺿﻠﺖ ﻳﻤﻲ ﺗﻌﻠﻠﺖ ﻭﺍﺟﻪ ﺿﺎﻫﺮ ﺧﺬﺍﻫﺎ ﻭﻋﻤﺘﻲ
ﻓﺮﺷﺘﻠﻬﺎ ﻭﻧﺎﻣﺖ ﻭﻫﻲ ﺗﻌﺎﻳﻦ ﻋﻠﻴﻪ ﺻﻔﺢ ﻣﺎﺭﺍﺿﻴﺔ
ﻋﻔﺘﻬﺎ ﻭﺭﺣﺖ
ﺛﺎﻧﻲ ﻳﻮﻡ ﺧﺎﻟﺘﻲ ﺑﻴﺪﺍﺀ ﺿﻠﺖ ﻛﺎﻟﺖ ﺍﺭﻭﺡ ﻟﻠﻨﺠﻒ ﻋﻠﻰ
ﺍﻫﻠﻲ ﺍﺯﻭﺭﻫﻢ ﺑﺎﻟﻌﻴﺪ ﺍﻧﻪ ﻭﺍﻣﺎﻧﻲ ﻭﺑﻌﺪﻫﺎ ﺍﺭﺟﻊ ﻟﺒﻴﺘﻲ
ﻓﻄﺮﺕ ﻳﻢ ﺍﻫﻠﻲ ﻭﺍﺟﺖ ﺗﺘﻌﻠﻞ ﻳﻤﻲ ﻋﻤﺘﻲ ﺗﺮﻭﺡ
ﻳﻢ ﺑﻴﺖ ﺍﺧﺘﻬﺎ ﻋﻤﻲ ﻳﺎﺳﺮ ﻣﺎﺗﺮﺟﻊ ﻣﻨﺎ ﻟﻠﺴﺤﻮﺭ
ﺟﻨﺖ ﻛﺎﻋﺪﺍ ﺍﻧﻪ ﻭﺧﺎﻟﺘﻲ ﺑﺎﻟﻐﺮﻓﺔ ﻻﻥ ﺍﻟﺠﻮ ﺣﺎﺭ
ﻭﻣﺸﻐﻠﺔ ﺍﻟﻤﻜﻴﻒ ﻣﺎﺍﺳﻤﻊ ﺍﻟﺒﺎﺏ ﺍﺷﻮﻳﺔ ﻭﺧﺎﺑﺮﺗﻨﻲ ﺃﻣﻲ
ﻓﺘﺤﺖ ﺧﻂ
-: ﺍﻟﻮﻭ ﻫﻼ ﻳﻤﺔ ﺍﺷﻮﻧﺞ
-: ﻫﻼ ﺑﻴﺞ ﺍﻛﻠﺞ ﺍﻧﺖِ ﻭﻳﻦ
-: ﭼﺎﺍ ﻭﻳﻦ ﻏﻴﺮ ﺍﺑﻴﺘﻲ ﻭﺧﺎﻟﺘﻲ ﻳﻤﻲ
-: ﻫﺎﺍ ﭼﺎﺍ ﻟﻴﺶ ﻳﻤﺔ ﻣﺎﺗﻔﺘﺤﻴﻦ ﺍﻟﺒﺎﺏ ﻟﻌﻤﺘﺞ
ﺧﻄﻴﺔ
-: ﻳﺎﺍ ﺍﺷﻮﻛﺖ ﺍﺟﺖ ﻫﻴﻪ
-: ﻫﺎﻱ ﻛﺎﻋﺪﺍ ﻳﻢ ﺍﺑﻮﺝ ﺗﺒﺠﻲ ﻣﻬﻈﻮﻣﺔ ﺍﺩﻛﻠﺔ ﺍﺩﻙ ﺍﻟﺒﺎﺏ ﻋﻠﻴﻬﺎ ﻣﺎﺗﻔﺘﺤﻠﻲ ﺑﺘﻚ ﻣﺎﺗﺮﻳﺪﻧﻲ ﺩﻭﻣﻬﺎ ﺗﻄﺮﺩﻧﻲ
ﺑﺲ ﻣﺎﺗﺒﻴﻦ ﻭﻫﺴﻪ ﺗﻌﻤﺪﺕ ﻣﺎﺗﻔﺘﺢ ﺍﻟﺒﺎﺏ
-: ﻳﻤﺔ ﻭﻫﻮ ﺍﻟﻠﻪ ﻣﺎﺳﻤﻌﺖ ﺍﻟﺒﺎﺏ ﻭﻻ ﺍﺩﺭﻱ ﺑﻴﻬﺎ
ﻫﻴﻪ ﻓﻄﺮﺕ ﻭﻛﺎﻟﺘﻠﻲ ﺍﺭﻭﺡ ﻟﺒﻴﺖ ﺍﺧﺘﻲ ﻣﺎ ﺍﺭﺟﻊ ﻣﻨﺎ . ﻟﻠﺴﺤﻮﺭ ﺷﺪﺭﺍﻧﻲ ﺗﺮﺟﻊ ...
-: ﺍﻱ ﺍﺑﻮﺝ ﻛﺎﻝ ﺍﻟﻬﺎ . ﺁﻣﺎﺳﻲ ﺗﻘﻔﻞ ﺍﻟﺒﺎﺏ ﻋﻠﻴﻬﺎ
ﺍﺣﻨﺎ ﻟﻮ ﺭﺩﻧﺎ ﺍﻧﺮﻭﺣﻠﻬﺎ ﻧﺨﺎﺑﺮﻫﺎ ﻳﺎﻟﻠﻪ ﺗﻄﻠﻊ ﻣﺎﺗﺴﻤﻊ ﺩﻙ
ﺍﻟﺒﺎﺏ ﻻﻥ ﺗﻜﻌﺪ ﺑﻐﺮﻓﺘﻬﺎ ﺍﻻﺧﻴﺮﺓ ﻭﺟﻬﺎﻟﻬﺎ ﻫﻮﺳﻪ
؛ - ﻭﺗﺎﻟﻲ ﻫﺴﻪ ﻭﻳﻨﻬﺎ
-: ﺗﻮﻫﺎ ﻣﺸﺖ ﻟﺒﻴﺘﻬﺎ ﺩﻛﻮﻝ ﺑﺘﻲ ﺭﺟﻌﺖ ﻣﺎﺭﻭﺡ ﻳﻢ ﺁﻣﺎﺳﻲ ﺑﻌﺪ ﻫﺎﻱ ﻫﻲَ
؛ - ﺑﺮﺍﺣﺘﻬﺎ ﻳﻤﺔ ﺷﺮﻳﺪ ﻣﻨﻬﺎ ﺳﺪﻳﺘﻪ ﻣﻨﻬﺎ
ﺧﺎﻟﺘﻲ ﺑﻴﺪﺍﺀ ﻛﺎﻟﺘﻠﻲ
-: ﺧﺎﺑﺮﻱ ﺭﺟﻠﺞ ﻭﺧﻠﻲ ﺑﺎﻟﺼﻮﺭﺓ ﺍﺣﺴﻦ ﻛﻠﻴﻠﻪ
-: ﺻﺪﻙ ﺧﺎﺑﺮﺕ ﺛﺎﺋﺮ ﺟﺎﻭﺑﻨﻲ ﺿﺎﻳﺞ
-: ﻫﺎ ﺷﺘﺮﺩﻳﻦ
-: ﺍﻛﻠﻚ ﺍﻧﺖَ ﺗﺪﺭﻱ ﺑﻌﻤﺘﻲ ﺟﺎﻳﺔ ﻋﻠﻴﻨﺎ
ﻭﺩﺍﻛﺔ ﺍﻟﺒﺎﺏ ﻭﺍﻟﻠﻪ ﻭﺩﺍﻋﺖ ﺟﻬﺎﻟﻲ ﻣﺎﺳﻤﻌﺘﻪ ﺭﺍﺣﺖ ﻟﺒﻴﺖ
ﺍﻫﻠﻲ ﺷﻜﺘﻨﻲ ﻋﺪ ﺍﺑﻮﻱ ﺩﻛﻠﺔ ﻣﺘﻌﻤﺪﺓ ﻣﺎﺗﻔﺘﺢ ﺍﻟﺒﺎﺏ
-: ﺩﻳﺎﻟﻠﻪ ﺍﻱ ﺍﻱ ﺍﺩﺭﻱ
-: ﻭﺳﺪﻩ ﺍﻟﺘﻴﻠﻔﻮﻥ ﺑﻮﺟﻬﻲ ﺳﻜﺘﺖ ﻣﺎﺣﺠﻴﺖ
ﻟﺜﺎﻧﻲ ﻳﻮﻡ ﻭﻫﻮ ﻣﺎﺍﺟﻰ ﻟﻠﺼﺒﺢ ﻳﺎﻟﻠﻪ ﻓﺎﺕ . ﺻﺒﺤﺖ
ﻋﻠﻴﻪ ﻣﺎﺟﺎﻭﺑﻨﻲ ﻟﺒﺲ ﻭﺭﺍﺡ ﻟﻠﺪﻭﺍﻡ
ﻟﻠﻔﻄﻮﺭ ﻭﻻﻫﻴﻪ ﻭﻻ ﻫﻮ ﺍﺟﻮﻱ ﺍﺧﺎﺑﺮﺓ ﻣﺎﻳﺠﺎﻭﺑﻨﻲ
ﻭﺍﻧﻪ ﻣﻨﺎ ﺿﻐﻄﻲ ﻫﺒﻂ ﻭﺳﻜﺮﻱ ﺍﻟﻤﺰﻣﻦ ﻫﻤﺎﺕ ﻫﺒﻂ ﻛﻤﺖ ﺍﺗﺮﻧﺢ ﻭﺩﺧﺖ ﻣﻦ ﺍﻟﻘﻬﺮ . ﻟﺒﺴﺖ ﻋِﺒﺎﺗﻲ
ﻭﺧﺬﻳﺖ ﻣﻬﻴﻤﻦ ﻭﺭﺣﺖ ﻟﻠﻤﻀﻤﺪ ﺍﻗﻴﺲ ﺿﻐﻄﻲ
ﻳﺘﺒﻊ ...........
ﻓﺪ ﺍﺷﻮﻳﺔ ﺍﻧﺰﻝ ﺍﻟﺒﺎﻗﻲ ﺍﻟﺨﺘﺎﻡ ﺍﻟﻨﻬﺎﺋﻲ
