الزنبقة _السوداء
داليا _ المسلم
الحلقة _29_
أنا لا شيء ...
لا رماد ولا شيء متلاشى أنا بقايا بين وبين...
بين أريد شيء وبين لا أريد أي شيء .
+""""""""""+.
فاتت أمي. وكالتلي.
:- امونة الحكيني للديوانية
:- عطت ابيداء. نصي التلفزيون ولج. عيب منا الجيران تقرأين. لو اتباوعين. بالتلفزيون
اشرتلي بيدها عود عوفيني وعوجت حلكها. يااا
عفتها ودخلت ورا. أمي واشوف نسوان اثنين وحدة طويلة وضخمة مرة. جبيرة. والثانية. حامل
كامت بوجهي. عرفتها. حسنة . الي شفتها. ابيت حجي محمد. هيه. وامها وجهال اثنين. ولد. تسحل بيهم
كامت. وحجت بقهر وحقد
:- انتي أماني. مو خطيبة قيصر
:- هزيت راسي. بخجل وهمست اي
حجت او وجها احتقن. غضب. وكالتلي
:- خوش. انه مرت قيصر. الي كاللكم ميتة
شوفيني. بيه شي. عايزني شيء. ويزوج. علية
وذولة. ولدة. شوفي. جبتلة. اثنين ولد. وهاي انه
حامل. ويموت علية.
:- كامت. وفتحت عباتها اوكفت بنص الديوانية او برزت بطنها الي يمكن حامل بخمس
أشهر ودفعت ولدها عليه. همه. ظلو صافنين بوجهي :- كتلها لا. مابيج. عيب
:- جاا خوش. عوفي. زلمتي وبطلي. منه
لاظلن تفترن ورا. امهات الدوائر. والشوارع
نهضت امي وعاطت بيها
:- احترمي روحج. ولمي حلكج احنا ما دازين عليه. صارلة. سنتين هو يخطب بيها. ومجلب. شنسويلة. كليلي الف مرة رفضنة. وهو مجلب وكل. واحد يخطبها. يهججه وبخربها
كسر قسمتها. ...""
.
.
.
:- أماني. كمت وكفت بصف امي
وكتلها :- انتِ. صدك ماتستحين. والله. ابيتنة وتغلطين علينة كومي. اطلعي. برة. كومي اشرلها على الباب او لو بيج خير جاا ماخليتي رجلج ايدور عليج. حتى. لو مخلفة سرب ولد. لو يحبج. مايبدلج شوفي اعيوبج. وصلحيهن ابدال ما مهججته. وتتهجمين عليه وخليتي يدور راحتة. بغير مكان """
امها لميعة وتعيط همت عليه. وانه ختلت ورى امي
بس بتها. كمشتها
:- وكفت. بنص الديوان وعاطت.
وحق هو علي يادايحة. يا بت الدرابين. اذا. ما فضحتج وخليت الكل تكرهج. واهجج بليلة ظلمة. اخذي اخذي بس شوفي. ما اسمة لميعة الما خليتج مدولبة ودمعتج بعينج. وهموم. الدنيا فوك. راسج. شوفي
وتأشر على ثوبها. لو يبقى. بس هذا. علية. ابيعة
وادولبج بالسحورة. هاا. وكدامج. احجيها
يا دايحة يا ام الزلم . شبعو بيج. بنص. الدواير
( الدائرة ) وهسه. جاية. لقيِصر. يستر عليج ,,
:- ضلينا انه. وأمي. صافنين على الفاضها
واشون تحجي. واسب كامت أمي وطردتهن
وهنه طلعن. يلعلعن. ويعيطن والفشار صار بفلس
منين ما اصد تجيني فشورة شكل عطت بيهن
اطلعن ضليت ادفع بيها. هيه. وامها. منا لباب
الشارع. طلعتهن. وسديته
