داليا _ المسلم
الزانبق السوداء
حلقة _51_
*-ينسمه وسافرت يم ناس. مخنوگين ...
ما بال صوتي إلى الأحباب لا يصل
ضاقت بي الأرض واحتارت بيَ السبلُ
يراني الناس مسروراً ومبتهجاً
وأضلعي من لهيب الظلم والشوق تشتعلُ
كعدت امي بصفي وطلعن البنات احجي يمة اشبيج. صاير شيء كامت تبجي
مسحت عينها وجرت خشمها لان اختنكت
او خذت نفس بقهر
- لا ماكو شيء بس ابوج انطاج لا ابن عمج
ذبيت الكتاب من ايدي وعطت
- شننننننوووو يا ابن عم هذا يمة لا اصفنين
يمة المن
- لـ ثائر ابن عمج ،
- لطمت صدري صخام الضخمهم. وضخم ثائر
وهذا وجه الاخرس شجابة عليه يمة ماريدة ماريد
شنو هذا واخذه
- اششش صوتج لا يسمعج عمج ناصر وابوج كاعدين عمج ناصر كايل لا ابوج ليش ماتنطي لثائر من بناتك الشاهد الله ابوج مارضى بس من كاله عمج
راح يسفرا وجاي ايسوي اله جواز ويطلعة تهريب الندن وبعدين هو من يوصل هناك
ويستقر يسحبج وابوج وافق عليه من سمع ماتعيشين ويه امه واخته من حجيت وياه وكتله امه واخته مايتعاشرن كالي ماتكعد وياهن اسافر
- يمة ياسفر ياصخام ماااااااررريده مااريده
ضليت الطم وعطت. صمت حلكي أمي
- ولج اششش لا يسمعج ابوج وعلي يذبحج
هسه يكول عدها واحد . اسكتي
- يمة اكبر مني بهواي يمة جبير بعدني مامكملة اندفر الباب ودخل ابوي شايط
- هاا ولج ليش تعيطين شكووو ويهز بيده
- دنكت وانه ابجي بوية اريد اكمل دراستي ماريد
ازوج ماريده لـ ثائر
- هاا كالتلج امج مو
- اي ...
- اي كملي السادس ميخالف منا لما اتلحكين
خطيبج انتِ مخلصة بعد شتردين
- اي بس انه ماريده ثائر ماريده
- أمي كالته قيصر لاتجبرها خطية عاط باأمي ويهدد
- اسكتي انتِ اسكتي لازم عندج واحد الها
لو تريدن تنطيها لواحد من كرايب اهلج انعل
ابوجن لابو ساسجن دنكلجن متبقى تطلع اسافر
متعيش يم امه واخته
- طلع وركع الباب ضليت ابجي امي عافتني وكامت لان مابيدها كل حيله
اليل كله ضليت سهرانه على فد دمعة
ثاني يوم. اجت عمتي العورة وعمي ياسر
واخوي ضاهر. وبيت السيد او جيران بيت عمي ياسر على اساس يخطبوني من ابوي ساعة وطلعو اجه عمار كال ترى قرو فاتحتج
