الزنبقة _ السوداء
داليا_ المسلم
الحلقة_19_
┈┉┅━❀. 🍃🌸🍃. ❀━┅┉┈
_ الحظ السيئ هو أن تتعلق بما هو ليس لك
نعمان .... ولك سعيد امشي نطلع لايكضنة
قيصر وعلي يشوينا شوي . امشي شيخلصنا
فاتلهم واحد الجكارة بحلكة وشايل جدر ومخلي
الدشداشة بصرواله. عاط بيهم.
قيصر _ الله يطيح حظكككم. يازمايل. شسوون هنااا
هما كالولة. هاا قيصرر. اجينة اجينة ضلو
يترادمون
.... أنه من شفت هذا قيصر كصني كص
سحبت فضة ورحت اركض للبيت دخلت كبل يم أمي ورجلية تتراجف. اول مرة واحد يحجي وياي هيج.
اندارت امي الي. شبيج وجهج مصوفر.
... مابية يمة مابية. شوكت انروح
... العصر انروح. شبيج تصفصفتي
.....
قيصر _ شسون هنا. زمايل اطلعو يالله.
نعمان _ اي وعلي طالعين. جينا ناخذ الصياني
قيصر _ دولوو يالله اطلعو جيبو باقي الغده
سعيد تعال انتَ خل بس. نعمان. يروح
دخل هاي الجدرية.
هم سعيد.... شال الجدر. ادنى عليه. قيصر
اكلك هاي منين الحمامة.
سعيد _ وعلي مادري. هاي ماعدها خشم مو من عدنا ببس اشون طويرة وعلي ملكة ملكة
اخخ
قيصر _ وهو يكفخة على علبتة انجب لك اعرض
وادم هاي. فوت فوت. دخلت للمطبخ.
عوذا اجتي بوجهي. حظي المطين. واكفة تعاين جنها غول
اكلجن شوفن جم صينية اصبن. او لو اعتازيتن
لحم دزن سعيد. راح يضل يمجن تعاي حنان. اكلج.
حنان _ هاا خوية كول
قيصر _ بس لاتكضيني كلج دهن. اكلج بصوت ناصي. كبل اشوية طلعت بت. بالبراني. غزال
اكولن. شسمة لابسة احمر منين
حنان _ بصوت عالي. يااا هاي بت عمي حقي
قيصر _ اشششش فضحج الله فضحتيني
وخرري. وهاي. قسمتي. السودا تتباوع عليه. درت وجهي وطلعت. والله. عمي حقي. خوش. عندا
انتاج. عمي غزال شارد. ... شبي عمي
جاا جايبلي غول اعوج
حسنة _ اكلج حنان شعندا اخوج. يسأل على هاي العوجة.
حنان _ كولي ياله. شنهي عوجة. غير كمر دشوفيها
اشون جمال عمي. شنيي وين ضامهن عمي حقي
حتى الزغار جنهن طيور ذهب صيرن بحلاتهن وعيبن
اخت قيصر الجبيرة
فوزية _ وشبيها بت عمج. شو مدري اشون تحجين
كافي سدن السالفة وكملن شغلجن. يالله النسوان
جاعت
.....
أمونة .... طبت. هاي ام حلك العوج. وتتباوع الي
صفح وبحقد اني دنكت. ما باوعتلها بعد شبيها هاي
