داليا _ المسلم
الزنابق _ السوداء
حلقة _52_
زغاريد .. اغنيات .. رقصات
على حفر قبري وليس عقد قراني
غربه لروحي وانا انظر لوجوههم لعلّ احد منهم يكون دوائي ..
هيهات بعد قسى اقرب الاقربين عليّه .. فهل انتظر الشفاء من الغرب عن اسقامي
هذا الابيض ليته كفني .. ليت ملَك الموت يأتي وينقذني
ذلك الخاتم في اصبعي .. اشعر انه طوق من نار على رقبتي
ما بكي يا ليلة زفافي .. الا تستطيعين ان تكوني ليله وفاتي ..
يا ابي .. لم ينتهي زمن وأد البنات
فقد قدمتني قربان لعاداتك وتقاليدك
يا ابي اعتبر اماسيك الندية اليوم اصبحت يابسة .. كأعواد خريف ستدعسها الاقدام غدا
zainab_alnajar
راقي الكاتبة زين النجار بخواطرها الجميلة 🌹
.............................
كملت الاربعين مال بيت ام ابراهيم وكطعنا مهر محكمة بساع بساع وراحت أمي وعمتي ام ثائر
وابوي اترخصو منهم على مود العرس
2005 شهر الثامن
بدن يحضرن للعرس امي خيطت الي دشاديش خمسه وملات نوم ستن اتلاثة وكالت مال الصبحية هما لازم يشتروم الابيض مال النوم همات
اجن خالاتي كبل
الحنه بيوم وهمات جدتي مخيطة الي كم ثوب
انه ما شفتهم ولا كلبتهن كل فرحة مابداخلي
كضيت البيت جلفتة جلف من فوك ليجوى ومتخذا الوضع الصامت ماحجيت اي شيء والي يحجي وياي ابجي ابوي كلما يشوفني
يدنك ويطلع
طلعت الزوالي والفراش. سويت انتقام بروحي
اخير شيء للعصر وانه اشتغل اجت سحبتني
خالتي بيداء جنت اشر باالجودليات على السطح
- كااافي كااافي لا اضلين هيج اسوين
بروحج لويصير بيج شيء منو يفيدج يغبرة
- كاضة ايدي وتعت بيها وتحجي بعصبيه .
عاينت الها وبجيت. اشرت على كلبي خاله
هنا هنا وجع كلش قوي موتني مجاي يروح كليلي شنو دواه شنو خذتني بحضنها وضلت تمسح على شعري بحنية
- الله ماما الله موجود اتجهي اله وذبي حمولج
عليه راح ترتاحين ليش هذا التشائم ليش حبيبتي يجوز الولد فقير ويريحج ادعي الله ليش تارسة روحج طاقة سلبية ومدمرة نفسيتج
- خذت وجناتي بين ايدها ومسحت دموعي
وين خدود اموسه الحلوة وين راحن شمسوية
بروحج مسلولة سل حبيبتي هاي قدرج بعد اتقبلي وادعي ربج ايريح قلبج يالله تعاي
اريد احفلج اسويلج جسمج أبتسمت اشون عروس انتي باجر حِنتج وكلنا جينا نفرح بيج
وانتي. عايفتنه وجاي تنضفين
- باجر موتي خاله موتي مو حِنتي بعدت منها ورجعت كنبصت يم الحايط وكمت ابجي كعدت بصفي وتستغفر
