الزنبقة _ السوداء
داليا_ المسلم
الحلقة_ الخامسة
شنو فضلك عليـه
و'حاطني أُويه إلـريح ّ
خانگ
فرحتي و'رملاتك إتذري
لا مثل إلخلگ و'إدگ علية إلباب
و تسر خاطري ولا گلت متبري
إمعلگني
بأمل يادوب يشفع بيك
و أتأمل
حلاتك و أحتمل مري
.
.
.
.
.
.
.
رمه التفاك علينا بس صار الرمي فوك التيوته ( (السيارة)
حقي .. نزل مغضب عليه اونزلو ولد عمه وخالي حمود همات نزل انه ضليت اطكطك من الخوف لزمت اديه سهامة وكامت تقرأ قرعان واسمي
حقي _ خير بوية شبيك خبل لو شنو شوكووو
ابن عم ابن خال
الغريب _ انه رايد الحرمة حرمتي ترد ليا نهاي عليها
بت عمي الي محد يتدنه ليها
حمود _ چا هذا انتَ خايب سويلم خيير ويأشر بيده عليه منهو انتَ وتنهي يـ الاغبر هاي بت سيد امحيسن او هذا خطيبها حقي ابو سبع اللواف خايب ويامن انطكيت
سويلم وهو ينزل من الفرس ويذب لثامه
_ لاااااع عليك علي بـعلي ماادريت الا هساع يابه السموحة منكم والمعذرة انه اماتني زفت بت عمي
عمي انطاها غصب عني لواحد مو من ديرتنا
ومن النجمة انه واكف هنا عدالي انتو هما
وهاي راسك احبنة السموحة والمعذرة منكم
حقي _ وهو يبعد سويلم خلاص لا تبوس خلاص
لاتبوس معذور بس موش من شيم الزلم تهد ابدون فهم. قسماً بالله لو مو هاي زفتي الا ارجع وياك
واخذلك بت عمك. بس اعذرني لزوم اروح
التفت لخالي حمود خالي ليش ماترجع
وانته وعمي محيسن وتروحون. ترجعوله بت عمه احسن مايصير كاتل ومكتول وهاي الغراض عود جيبيهن وتعال باجر
حمود خوش چا توكلو انتو وانه باجر الحكم
يالله روحو. التفت لسويلم يالله امش وياي
نروح لبيت عمك
شذرَة_ ضلينا بس نعاين عليهم كملو حجى
وخالي خذا هذا التفاك وراح رجع حقي صعد
ويانه وبس يتأفف ضلينا ساكتين وجن الجو مشحون
مشت بينا السيارة انه تعبت من امس ما شبعت نوم
خليت راسي على جتف سهامه ونمت وينننن
وحسيت بسهامه توعي بيا
.
.
.
سهامه _ يالله شذرة چا شنهي صارلج قرن مانايمة
جبتيها شخير علينا كومي
شذرة _ رفعت راسي وعيوني مقفلة من النعاس
اعاين يمكن صاير العصر حقي واكف اباب السيارة
ايعدل ابنطرونه لنه لابس افندي. نزليت
ودخلوني للبيت وكامن يهلهلن. طلعن بنات عمه
من الباب مال الديوانية ونسوان جيرانهم
وهلاهل وصفك ركض عم حقي وجاب الذبيحة
ومددها جوى رجلي اباب الديوانية قبل لا ادخل
سمه بسم الله وذبحاها اخذ من الدم وخله
يم رجلي تلكتني خالتي تهلهل حضنتها وبست راسها. حصرتني البجية جن شفت امي بيها
.
.
.
.
سهامه _ چا فوتي فوتي تعاي ااكعدي. هنا هسا راح يجي حقي ايسلم على اصدقائة ويفوت
