الزنبقة _ السوداء
داليا _ المسلم
الحلقة _37_
طلعت وصار. بوجهي قيصر ... ضل صافن بوجهي تالي كال
- شنو انتي حامل ..؟
رحت وكفت بصفة ولزمت ايده وانه احس جسمي يرجف خجل منه وخوف ،،
- لا مااعرف بس دايخة ونفسي تلعب هواي
* وخر ايدي من ايدا بخفة وحجة بنتر وعكد حاجبة
- اي وتردين اذبي لو طلعتي حامل مو ليش
بوية ابن حرام لو شنو تعاي عندي حجي وياج. الحكيني بالطارمة نكعد
- طلع كدامي وانه ورى راح كعد على الكرويتة
اشرلي اكعد بصفة كعدت وعيني بالكاع. اتوترت
حيل خفت لاسمع كل الحجي مهما يكون هو
لحد هسه ماغاثني بشيء ويدور رضاتي ضليت اعصر بصابيعي بتوتر ومنتظرا شيكول ....
خذا نفس وذباه بضوجة ونطق
- شوفي أمونة انه ادري بيج نفسيتج تعبانة منا اهلي والسوو بيج ومنا حزنج على حبوبتج انه مراعي هذا الشيء بس مو تعكسيها على حياتنا
كليلي شبيدي عليج. انه اعرف. انتي جبرتي روحج
وقبلتي بيه بس انه احبج تعرفين شنو احبج
شايفة انتي شنو عندي.
- انداريت اله شنو انه بلوة صرتلك مو ..؟
- حجة بقهر استغفر الله ياربي شحجي وياج
انتي مثل تفاحة ادام
الياخذها. يبتلي واليتركها عينه اضل عليها
وانه تخيرت بهذا الخَيِار
اعوفها اضل عيني عليها ونفسي بيها
اخذها. اكضي عمري كله محورب
وانه قبلت اتحارب واخذها وخذتها وترست روحي
وحياتي وعيني وكلشي بيه
- درت وجهي عليه وضحكت شنو انه. طلعتك من الجنة هههه رفع راسه باوع للسما ورد باوعلي
- لا ماطلعتيني من الجنة بس زينتي حياتي وجنتي
عندي بيت وجهال ومره واهل وفلوس وعمام مامعتاز
شيء بس جنت بعازة الحب كلبي أمونة. مادك لااحد قبلج ولا يدك. لبعدج
- كام يضرب على صدرة ويباوعلي
- اي لاتعاينين هيجي عليه كتلج. الشيء الناقصني
لكيته بيج كليلي شتردين وانه اسوي الج
بس مال اعوفج لا هاي من اخر المستحيلات
تالي صوبتي كلبي بحجيج هذا تردين اذبين الجاهل
ولج ذولة ثمرة حبي منج ليش أمونة. شوفي
من ذاك اليوم الجبت بيه الغراض لهاذا اليوم
ماوصلت للنجف بعد لحد هسه مقهور منهم
على سوايتهم وياج ومستعد كلها احاربها لااجلج
وانتي على ساعة تردين تعوفيني
- حضنت زندة وبسته من جتفة
وعلي مو قصدي انه همات احبك او اموتن بيك
. بس لان دايخة ومنا افكر بشيلتنا. اريد استقر يالله افكر اسوي جاهل بس بعد كلمة طلعت مو بقصدي. قيصر لاتزعل
