الزنبقة _ السوداء
داليا_ المسلم
الحلقة_14_
┈┉┅━❀. 🍃🌸🍃. ❀━┅┉┈
وغراض حقي فرشتهن يمي وعاين ليهن
هدوم عرسي لساهن جديدات. أمي بعد حيلي
لامتهن گلهن گبل. لاتتمرض
فاتت أماني تركض وانه ماخذتني الصفنة
أماني _ بخوف يمة يمة تعاي كتلوها. البنية
وماتت دم طلع منها هنا بالبراني
_ فزيت من صفنتي شنو ولج منو. هاي الكتلوها ذبيت الملابس من ايدي وكمت نزلت ركض. طلعت للبراني
صدك بنية مفتوح راسها ونسوان يمها وزلم واگفين
بالباب. يصيحون عليها اطلعي مااطلعي
شكوو ياستار. منو انتو خالتي أم گافل واكفه يمهن
وتحجي عليهن شكو خاله منو هاي البنية
ام گافل _ ذولة بيت جيرانة العرسو قبل يومين
التفتت للنسوان. تعالو فوتوها جوا. خلني اطلع
ليهم احجي وياهم ياله بالكي الله. يهدون شوية
شذرة _ خذيت النسوان ودخلتهن للديوانية
هسه اجيبلج وصلة وشدي. راسها حجيت
وياه مرية متوسطة بالعمر كاعدا يمها. وتبجي
المرية_ اي بعد خالتج. اي شي احطنة على راسها
ايوكف الدماية
شذرة _ رگضت. جبت ثوب عندي مشكك ونطيته
الهن ضمدنها. ويبجن. اكلج خالة. شبيها البت
هيَ هاي مو العروس لو لا.....!!!
المرية _ اي ياخالة هاي العروس يردون يكتلوها
اگلهم مالكم دخل بيها ودوها لهلها وهما يشوفلهم
صرفة وياها
حجت العروس وهيَ تشهك من البچي. والله محد
كامشني ولا احد لامس طرف ثوبي. حتن هو.
كالي انتِ بت المكان مال بت بس ليش ماكو دم كتله
مااعرف كمشاني طك وطك. جاب توثية وطكني براسي وانه شردته منه. لكيت بابكم مفتوح
وطبيت لبيتكم انه. اريد اهلي. يجون. وهما
يذبحوني اذا مسوية شيء. والحمزة. شريفة
وما مسوية العبية عمة انتِ موش تدرين بيه انه
الباب ماطلعنا والله اكله مااعرف. مااعرف
مايصدك وضل يطك بيه
عمتها _ اسكتي دزيت. جيرانهم طارش لهلج
وعلمته علي بيتنه. هساع يجون
دخلت أم گافل تلهث _ خية ذولة حادين سنونهم
ويردون يذبحوها حجيت كلت. ماعلى لسانهم
بس طلعنها وطلعنها
شذرة _ ضلن نص نهار عدنا. والبت بس تبجي ولا
سگتت. منا لما اجوي اهلها. هما من الديوانية
بس من غير ناحية. اندك الباب وطلعت خالتي
ردت فاتت وياها نسوان اثنين أضن أم البت والثانية
مدري شصير منها. لبسنها عباتها وتشكراً من عدنا
وطلعن. أنه وخالتي ضلينة واگفين بالبراني
شويه وسمعنا. صوت جيلات. طكن طبتنا
أم عاطف تلهث وعباتها طايرة وتخرط بخدوها
