الزنبقة _ السوداء
داليا_ المسلم
الحلقة_ 13_
┈┉┅━❀. 🍃🌸🍃. ❀━┅┉┈
شذرة _ اشونج خية منو ايريدني. جا انه مااعرف أحد
أُم عاطف _ جا والله أنه هم مااعرفها وحده بس سألتني عليج وگالت صيحيها احجي وياها
شذرة_ دخلت للهول السماعة مذبوبة صفح
شلتها وكلت الووو. منو انتِ
جاني. صوت مرية سلمت عليه
وبعدها اجاني صوت
ذاك الي تركني بلاذنب ومشى مني بس كالي
كلمة. خله السماعة توكع من. ايدي وكعدت مهدود
حيلي
أم عاطف _ ياا جا شبيج شكالولج
شذرة _ شالت إم عاطف السماعة. وسدتها
حجيت بغصة أم عاطف. ايكلي اشونج. اشونج
ضحكت بستهزاء من بين دموعي ايكلي. اشونج
كمت وكفت. ابجي واحجي وياها هو منو. والله
نسيته منو رجال غريب ايكلي
شذرة اشونج. وكمت اضرب على صدري.
تالي جثيت على ركبي
وكمت ادك والطم. ايكلي اشوننننننننج
اشونج صارتله بت ما يعرفها ولاتعرفه
ولا كلالي اهم شي سلامتج ليش
لان جبتله بت مو ولد
ايكلي اشونج ابوي مات وانه. النسوان
تحجي بيه. بيناتهن على ابو ذباها
مدري شعاملة.
ايكلي اشونج
كل وحدة احجي واشهك.
كل وحده
لو انضامت. وعدها زلمة من صدك
تتمنة تخلي راسها
على صدر زلمتها. وهمها ايروح صارلي
ثلاث
سنين. ادور عليه. اكولن. هسه يفوت
عليه. واكعد انه من هل الحلم.
اريدن اشوف ذنبي شنيء شسويت
تالي هسه يالله جاي يسأل عليه كليلي انتِ
أنهَ اشوني ضليت ابجي
أم عاطف _ اشش يمعودة شوفي بنتج اشون
صافنة عليج وبس دموعها تنزل خطية
شذرة _ اعاين أمونه تبجي مسحت دموعي وكمت
حضنتها. شبيج يمة ليش تبجين. جاي
نلعب أنه وخالتج كامت تضحك وتباوع علينا
أم عاطف _ بضحك كون الله ينطيج. شنلعب خية
اي اضحكي انعل ابو الراح لابو الرد اكلج باجر. انريد انروح للحمزة. بعد عيني أمشي وياي
شذرة_ رجعت كعدت والله ياخية مااعرف اشوفن
أمي مو اريد اخذها. للعيادة مالها خلك گلش
وأتاني گافل همات أشوفنه شيكول جاي نحجي او طبت بتها تركض شايلة طاسة مال ايس گريم
بساع عرفتها لنه جابلنا منها گافل گبل أسبوع
أمونه هم عرفتها لساها حافضة الشكل ههه
دخل ابو عاطف
أبو عاطف _ السلام عليكم. هلا هلا خيتي
أم امونه. وانه اگول البيت منور. ثارييج يمنا اليوم
يا هلا بيج
شذرة_ الله يسلمك ويخليك خوية جا البيت منور
براعيته. انه امشي من رخصتكم
أبو عاطف _ شنهي جا اذا اجت الشياطين طلعت الملائكة بعد وكت اكعدي. عندي موضوع وياج
تعاي امونة حبيبة. تعاي
