الزنبقة _ السوداء
داليا_ المسلم
الحلقة_22_
┈┉┅━❀. 🍃🌸🍃. ❀━┅┉┈
شذرات بألوان الحياة
وحبل وصلهن انت
مسبحه بين يديك ترتبها
بأحجار جميلات
وجمالهن لايعني شئ ان انقطع الحبل وتفرطت
سيلطخ ذلك الجمال تراب الزمان وطين القدر
امسكنا جيداً بحبل حبك وحنان قوتك
فأنت معنى جمالنا وسببه
راقية زنوبة خاطرة جميلة الف شكر الج 😘
zainab_alnajar
أماني ...
خالي كمش مرتة وكطعها تكطع. وهيَ بس تعيط
واصيح انفضحنا. الماسامع حس من بيتنا. سمعه
نزلت جدتي. فحطانة وتحجي
ام كافل... فلك الفلكها فضحتنا لسانها لسان دلالة
ليكول. رابية بنص الشوارع جدة أمونة جيبيلي.
طاسة ماي. حلكي جف من القهر
امونة .... رحت جبتلها شربت وظلت تحجي
وتحجي وتبجي وتدعي على روحها حضنتها
اسكت بيها
نزلت مرت خالي. شايلة جنطتها بيدها. وثوبها الكصير. والعباية طايرة طلعت وهيَ تلعلع خالي لحكها. راح يوصلها لهلها
... شذرة. جااا شجاهم. وهاي. شنهي لسانها
ابد موحلو غلطت. غلط ما يلبس عليه. ثوب
ابد
امونة... أمي تلوم بخالي. لان مااخذ شورهن
بخطبتها. وجدتي تنعي وتبجي على حظه
هو رجع. اخذ جنطته. ونزل
أمي كالتلة وين.
... اروح. التحق. رفع ايده علامة على انو . لاتحجين شيء بس كال
ديري بالج على أمي أنه رايح
أماني... راح خالي. وامي. سكتت ماحجت
بس كامت تبجي دكول ماعندا حظ
اجه ابوي
من الشغل وأمي سولفت اله ماعلق شيء. سكت. كال من يرجع كافل ايصير خير عوفوها يم أهلها
ايامي تمشي ركض. أنه هاي هيَ
بطلت من المدرسة وابوي من يشوفني يعيط بيه
ذبيت الجاي وطلعت
شذرة ... على گيفك وياها حقي لا اضل اتلوم بيها
انتَ ماتعرف. تربيتك لو شنو
حقي ... اكلج باالله. اسكتي. كليلي. ليش هاي
خامس مرة يخطبها ليش. غير مالي ايده منها
لو لا
... لا مامالي ايده منها بس هو لزكة. وما يستحي
كلش. كنالة مانطي بتنا بس هو لازك. أنه من يجي كافل اخلي يروحلهم. ويحجي. وياهم
رد عليها حقي. بغضب
... كومي مني. لا اكسرج انتِ وبنتج. كومي
بطلتها وهاي هيَ بعد خسرت فرصتها جنت وياها
بس بهاي اسوايتها خسرت كلشي ...
أماني ... جنت واكفة يم. الباب واسمع
ابوي بعد كرهني هاي هيَ ادري بيه
ثاني يوم. خذا حبوبتي. والجهال وراح.
للكاع الي. بغماس كام اكثر أيامة. يروح هناك
يكضيها.
