داليا _ المسلم
الزنبقة _ السوداء
حلقة _44_
عندما تقتحمون قلوب الاشخاص كـ بداية
وتدعوون انكم رائعون فـ رجاءآ كونو كذلك
للنهايــة
قيصر
- تعاي أمونة منو هاذا الي جاي ايخابر منو وشمعنى بس بليل
- وكفت كدامة وانه متحيرة من سؤاله ماعرف قيصر انه غير اهلي مااخبر والله حتى ام ابراهيم كالت اخابر بتي وما اجت النا همات اخاف احد من بناتها
فرك وجها بعصبيه وكعد وضل صافن
- چا شني هاي الاتصالات كليلي ...!
- ماعرف شجاوبك والله كتلك ماعرف سكت وكام رجعنا للغرفة كمل نومتة وهو اليل كله يتكلب
ويستغفر ربه
من الصبح كعد لان مانام وانه وياه
كال انه ماشي للموصل يومين وارجع عندي كروة
حضرتلة هدوم اودعنا وراح
ابهاي الايام الراح بيها قيصر التيلفون ابد مادك
ولا مرة حتى انه استغربت طلعن البنات يلعبن
بالباب وانه كعدت ورى الباب اعاين عليهن لان دائماً يجي ضاهر يضربهن ويشرد واجو ولد حِماية اتلاثة صغار. او وياهم ولد قيصر التؤم حسن وحسين صحت واحد منهم من ولد ياسر
- تعال حبيبي اجاني يركض
- هاا عمة ابتعد ليورى وكالي بخوف
بس امي اطكني لو اصخرت الج ماتقبل
- لا حبيبي ما ريد منك شيء جان بيدي جكليت ومصقول مالات عِدي يلعب ويرجع ياكل تعال
كمشت ايده وخليت بيها اكلك انتو همات اتخابرون علينا باليل صفن بوجهي
- عمة اذا اكلج ماتكلين لاامي مو
- لا اشون اكللها مو عيب النفاق الله يذبة بالنار
اعرف انه يمكن غلطت اشون استترج طفل واعلمة يحجي سوالف اهله بس طكت روحي وانه متأكده
هنا ايسون هيجي وياي
اي كلي ولا تخاف ماحجي
- چاا خوش اي خالة حسنه وأمي ومرت عِمتي أم ثائر لو هنه يخابرن عليكم لو يعلمن بااخوي ايكلله من يروح عمي قِصر لبيته انتَ ضل دك عليهم ولاتحجي شيء
- همست عزا العزاهن يردن يبلني اشرتله روح حبيبي روح العب راح يركض ويه البنات اشون بيه اروحن اتعارك وياهن بس مااكدرلهن هذني ماضيات وحدتهن انمر من النمرة
يومين ورجع قيصر شغلت التلفزيون وكعدت الجهال
وانه رحت سبحت هو ذب السيارة بالباب فات سلم علينا وذب غراضة وراح لبيت حسنه ايشوف ولدة متعاركين
بدلت وخليت مكياج خفيف. اشوفن وجهي. يحتالجة
حفافة كلت اروح لبيت السيد جنتهم تحف
وحضرت العشه صليت وخلصت وانتضر قيصر
ماكو صحت آماسي
تعاي آموسه اخذي عدي وروحي صيحي ابوج كليلة تعال اتعشه
- اي يمة
