The Widow's Peak (R-18)

37

gising pa? kaway-kaway naman d'yan...

i'm sure ieedit ko pa to nang maraming beses. kaya kapag narelease ang book, dapat bilhin nyo. hehe

pero for now, eto muna.

dig in!

*******

THEY ended up in a motel about five kilometers away from the office. Rendezvous ang pangalan.

Ganoon na lang ang kabog ng dibdib ni Lindsay nang sumara ang pintuan ng garahe kung saan pumasok ang sasakyan ni Jared. First time niyang pumasok sa isang motel at sa totoo lang, hindi niya alam kung ano ang aasahan niya. She had heard stories about mirrors in the ceilings, rooms with out-of-this-world themes. And yes, there were also those news stories about dead bodies in motel rooms. Pinigilan niya ang mapangiwi.

"Akyat na tayo?"

Tumingin si Lindsay kay Jared. Tumikhim siya. Pero hindi niya alam kung paano niya sasabihin ang nasa isip. Baka sabihin nitong nagi-inarte siya. Alam naman niya kanina pa na motel ang pupuntahan nila.

Nakataas ang mga kilay ni Jared na parang naghihintay.

"Baka sabihin mong maarte ako."

Sumimangot si Jared. "Alam mo namang alam ko na maarte ka."

Tiningnan ito ni Lindsay ng masama.

Ngumisi si Jared. Exaggerated. "Joke lang. What is it, babe?"

Muling tumikhim si Lindsay. "Safe naman dito, 'di ba?"

Ikiniling ni Jared ang ulo. "You mean like if there are hidden cameras or anything?" Tumango si Lindsay. Iyon naman talaga ang nasa isip niya. Paano kung makuhaan sila ng sex video at kumalat iyon? Masisira ang pangalan niya. Masisira ang buhay niya. Ano pang mukha ang ihaharap niya sa mga magulang niya? Sa mga empleyado nila? Sa lahat ng kakilala nila?

Inabot ni Jared ang kamay niya. "Relax," wika nito. "Walang ganoon dito." Bahagyang tumawa si Jared. "Akala ko pa naman 'yong mga kumot at bedsheet ang iniisip mo."

Nanlaki ang mga mata ni Lindsay. Oo nga pala, ang mga beddings pa. Paano kung hindi maayos na nilalabhan ang mga iyon? Isipin pa lang niya kung ilang tao ang gumamit sa mga iyon. The bodily fluids... Tuluyan na yatang lumipad ang lahat ng pagnanasa niya. Napangiwi siya. "Jared..."

"Don't worry, the sheets are clean. Agad na pinapalitan. Nakita mo naman 'yong roomboy na may dalang fresh sheets 'di ba? And don't you go worrying about the way those sheets are washed. All beddings are washed in stainless steel tubs under high-speed spins with the best bleach and detergents in the market. The washing machines are also equipped with steam settings. Steam helps in taking away dirt and stains."

Napanganga siya sa litanya ni Jared. "You're just making that up."

Ngumisi si Jared. "Am I?"

"How could you possibly know about that?" Nanlaki ang mga mata niya. "Ganoon ka kadalas pumunta di-"

Itinaas ni Jared ang kamay nito kaya hindi natapos ni Lindsay ang sasabihin. "Stop right there, Miss. I come here often, alright. Pero hindi dahil sa iniisip mo."

Sa totoo lang, nalilito si Lindsay sa mga sinasabi ni Jared. Malakas tuloy ang kutob niya na inililihis lang nito ang usapan para lang makumbinsi na siya nitong umakyat. "Eh, ano ang lagi mong ginagawa dito?"

Kinambatan siya ni Jared na lumapit. She did not move. Ito ang lumapit.

"I'll let you in on a secret," he whispered.