The Widow's Peak (R-18)

42

"MY God, Lindsay, ang awkward naman n'yan! How did you guys even get out of the motel?"

Napahugot ng malalim na hininga si Lindsay sa tanong ni Raven na kausap niya sa cellphone. "Sobrang awkward! Hindi kami nag-iimikan sa kotse niya," wika niya. Diretso lang ang tingin ni Jared sa kalsada tapos siya naman kunwari ay busy sa pagti-text.

"As in walang sinabi kahit nang makarating na kayo sa office?"

"Meron naman," wika niya. "May event daw ngayong gabi sa Vivid. International DJ or something. Tinanong kung gusto kong sumama."

"Ay meron? Like who?"

"Sa tingin mo kaya kong tanungin pagkatapos ng nangyari? At isa pa, para namang may kilala akong international DJ." Iisipin lang ni Jared na nagi-small talk siya.

"Eh, malay mo bakasakaling 'yon ang maging ice breaker n'yo. Sayang, may lakad ako later. Pero puwede siguro akong dumiretso do'n after. What do you think?"

Pinaikot ni Lindsay ang mga mata niya. "Raven, please! Kaya kita tinawagan para matulungan mo ako sa pinu-problema ko.

"Okay, sorry na," wika nito. "Ano ba kasi talaga ang problema?"

"Do you think Jared is falling for me? Magtu-two weeks pa lang!"

Tumawa si Raven. "At sino ba ang ang maysabing may timeline dapat kung kailan mai-in-love ang isang tao? 'Yong iba nga daw love at first sight. 'Yan pa kayang ganyan na dating may feelings sa 'yo?"

Hindi sumagot si Lindsay. Raven had a point. Lalo tuloy siyang kinabahan. "What have I done?"

Narinig ni Lindsay ang buntong-hininga ni Raven. "'Yong totoo, Lindsay, no'ng pasukin n'yo ba ang set-up na 'yan, hindi n'yo talaga inisip ang posibildad na may isang mai-in-love sa inyo?"

"Ang side ko lang siyempre ang alam ko. Sigurado ako sa sarili ko kasi nga ayaw ko naman talaga ng commitment."

"Sus, then as early as now, let him go!"

Sa sinabing iyon ni Raven ay nalaglag na ang balikat ni Lindsay. "Hindi naman nga kasi ganoon kasimple," angil niya. Ang usapan nila ni Jared ay maghihiwalay sila nang magkaibigan. Pero sa nangyari kanina lang ay malabong maging magkaibigan pa sila kung hindi nila aayusin iyon.

"Why? Na-addict ka na kay Jared? Give me juicy details. On a scale of one to ten, ten being the highest, how good is he in bed?"

Nanlaki ang mga mata ni Lindsay sa sinabi nito. "We are not going to talk about that!"

Tumawa si Raven. "Okay, boss," wika nito. "Eh, ba't mo naman kasi binara agad? Baka kung anu-ano lang ang nasabi n'ong tao kasi nga masyadong na-overwhelm sa..." Humagikhik si Raven sa halip na ituloy ang sasabihin.

Pero alam niya ang ibig sabihin nito. "Bakit ba kita pinagtityagaang kausapin?"

"Dahil ako lang ang kaibigan mo na kukunsinti sa 'yo," wika nito. Tumawa ito. Tumikhim. "Sige na, seryoso na. So, ang pinu-problema mo ay kung ano ang gagawin mo kay Jared na mukhang napo-fall na sa 'yo kaya obviously ay na-hurt dahil sinabihan mo na hindi puwedeng maging public ang relasyon n'yo?"

Tumango siya. "I'd say that's a pretty good analysis."

"Eh, 'di hayaan mo lang? Siya naman ang napo-fall at hindi naman ikaw. Malaki na si Jared. I'm sure he will come to terms with your craziness. And not because he is falling in love doesn't mean that he can never fall out of love. Make him fall out of love. Ang problema, eh, kapag ikaw ang na-fall sa kanya."

Nagsalubong ang kilay ni Lindsay sa sinabi nito. "That will never happen," wika niya. She had full control of her emotions. She had her future planned out. Hindi na mababago iyon nang dahil lang sa init ng katawan. "I enjoy his company, that's all."

"Plus the sex part is really awesome?"

"Of course." There was no point in denying. This was Raven. Kung tutuusin ay puwede niyang sabihin dito ang lahat ng nasa isip niya.

Humagikhik si Raven. "Eh, 'di umamin ka din! Kasi kung hindi ka nagi-enjoy, papakawalan mo na lang siya nang basta-basta."

Sa lahat ng ginagawa nila ni Jared, wala pa siyang hindi nagustuhan.

"So, on a scale of one to ten... ano'ng rating ni Jared?"

Hindi na napigilan ni Lindsay ang mapangiti. Ten lang ba dapat ang rating ng lalaking laging nagpapasigaw sa kanya? "Twelve."

"My, God, Lindsay! Seriously?"

Tumawa si Lindsay. Kahit hindi niya nakikita si Raven ay alam niyang nanlalaki ang mga mata nito. "Bakit naman ako magsisinungaling?"

"At balak mong pakawalan nang ganoon-ganoon na lang?"

"Seryoso na kasi, Raven," pumadyak siya. "What should I do?"

"Go to Vivid. Wear something slutty."

"Ayoko nga!"

"You don't wanna go or you don't wanna wear something slutty?"

Tumawa si Lindsay.

"Go. Now!"

"May relo ka ba? It's now even five o'clock. At araw ng pagpunta ko kay Henry ngayon."

"Hindi ka natatakot pumunta kay Henry?"

Napangiti siya. "No," aniya. Noong huling punta niya noong Linggo, hiningi niya ang basbas ni Henry. Of course he could not answer her. The cat did. Nahiga ito sa may paa niya.

"What time will you be at Vivid then?"

"Sinabi ko bang pupunta ako?"

Raven snorted. "Ewan ko sa 'yo," wika nito at pinatayan na siya nito ng telepono.

Napapailing na inilagay na ni Lindsay sa bag ang iPhone niya. Tumingin siya sa relo. It was four-thirty in the afternoon. Kung pupunta siya kay Henry, nasa memorial park na siya ng five-thirty.

Tumayo na siya. Lumabas.

Tumayo si Lena pagkakita sa kanya. "Aalis na po kayo, Ma'am?"

"Yes," aniya. "May kailangan ka pa?"

Umiling si Lena. "Wala po. Si Sir Jared lang po kanina ilang beses bumalik. Eh, sarado naman ang door n'yo."

"Bakit daw?

"Walang naman pong sinabi. Sabi lang po niya ten minutes ago sabihin ko na lang daw po sa inyo na nauna na siyang umuwi."

Tumango si Lindsay. "Sige, Lena. See you tomorrow."

"Ingat po kayo, ma'am."

Tumalikod na si Lindsay. Ilalabas na sana niya ang iPhone niya para tawagan si Jared pero nagbago ang isip niya.

Kailangan niyang pag-isipang mabuti ang lahat ng gagawin niya. Deep inside, she knew she was not ready to let go of Jared just yet. Pero natatakot siya. And she did not want to keep him by her side just because she needed him. Hindi fair kay Jared.

She inhaled deeply and exhaled slowly. Pero kahit sa ginawa niyang iyon ay bigo pa rin siyang mapayapa ang pakiramdam niya.