قدري المكتوب دون ان اعلم(مكتمله)

1

سما : هلاو حبايب اعرفكم بنفسي بشرتي حنطاويه ولوني المفضل اخضر💚 واحب التغيير وممقتنعه بنص الاعراف لعدنه واني اكبر اخواني عندي اخ اصغر مني بسنه مثل ميگولون روسيه احنه (ضراير😂) وخوات اثنين اصغر مني اختي عمرها هسه ١٨ سنه واني ٢٣ سنه واخويه ٢٢ واختي الزغيرة ١٥ سنه .

راح انطي نبذة عن حياتي وشويه عن روتيني الممل😁
الام : لج كعدي يالفطيرة لخاطر ربج اكو احد يظل نايم لهسه دكت الساعه 01:00 ظهر شوكت اشوفج فاتحه بيت ومعتمدة ع نفسج ......طوووط ظلت دك رزايل
سما 🙄😌: وصباحج احلى ...اويلي فديت صوتج والله عبالك بسامير براسي مو عطله يا ماما شعندي اكعد هسه غير طلع عليه تعب الامتحانات

الام : والله ليسمع حضرتج يكول ظالمتج ...غير تكملين امتحاناتج وبعدين انخمدي مثل اصحاب الكهف حتى تشبعين خمدة ...
سما: والله بقى يومين واخلص ممصدكه بس اريد اخلص حتى ادخل جامعه اويلي يمه فدوة حلمي حيتحقق ..

الام : ع كيفج يمه انتي سادس ادبي بعدج مخلصتي امتحانات ....كومي فزي صلي الظهر وشوفي لوراج يا الفطيرة
سما😡: ماما لا تكوليلي فطيرة مااحب هالكلمه لخاطر ربج بعد لتكوليها

الام : انجبي وكومي
سما : الله عليج انطيني احد يتعامل هيج ويه بنتها ...لا تعقدينه انتي الثانيه كافي بابا زايد علينه معقدنه من كولشي وانتي حبابه بعيونها ف لا تحبكيها حيل عفيه

الام: كومي بسرعه فزي
سما : گمت وفزيت فزة ولا لتريد تنفتح جبستها تفز مثلي ...
رنا : لج كومي كافي مو تعرفيها عليج المواعين ترااا مو تغلسين ( رنا اخت سما الاصغر منها وجانت اصغر من ١٨ لان هاي الاحداث قبل ٤ سنوات تقريبا)
سما: لج بس فهميني اشتغل وامتحانات عندي مراهمه ...اغسليهن انتي
رنا: اني بعدني الزغيرة والاعتماد عليج اني سويت الغدة طلع يخبل ..وانتي بس مواعين وما وراج تدبريهه خرب حظي شوكت اشوفج بيت زوججومكتوله ع العجز لبيج لخاطر ربج شكد عجوزيه انتي

سما : ولي منا لا اطلع خبالاتي عليج😡
رنا : يي تراا احتمال تيجي ام ربيع علينا اليوم هي وحنونه ...
سما😳😊: صدوووك ليش مكعدتوني من وكت
رنا : شنو هالضحكه لشاكًة حلكَج شكَد ...كل هذا علمود ربيع من والله حاله ...
بعد مصار العصر ...وطبعا سما مفتحت الكتاب بس ترتب بنفسها طيش مراهقه يعني ...جان تسمع الباب اندكَك.
الام : كومي صطيفي حباب افتح
مصطفى اخ سما : ترا هي ام ربيع وجايبه بنتها الخبله وياها بس تضحك جنها الخبله لعدنه😳😊
سما : وخر الحجي منك مبي فايدة اني افتح ماما
الام : جب ووخري افتح اني
سما : يي ام سماوي طالعه عينج وتفتحين الباب بدالي والله حاله
رنا : وصلو اسكتي راح تفضحينه ......

وثاني يوم اجتي بتول صديقه سما المقربه كولش تدكًك الباب حتى تاخذ سما وتروح للامتحان
دكًك دكًك ....🗣
سما: كافي خبلتي الباب وكعدتي الميت شبيج عبالك جايه بطلابه ....
بتول : غير اعرفج متفتحين الا هيج تيجين ركض ..
سما: راح يبلش الامتحان وما طلعنه يلا يلا
بتول : ناسيه شي
سما : شنوو🤔
بتول🤨😎
سما 😚: صباح الخير والتجاح وشوفه ولد يملخ ..بعد شتردين
بتول😉😄: يي هيج انعدلي صباح النجاح بس ليش ولد يملخ
سما: هاا متعرفين نفسج زاحفه وحتى الولد كًرايبكم مداخل بالج ...
بتول: غير مااحبه شسوي ...خلينا نراجع بربج تراا هاي المادة ثوله بيها ممحتاج احد يثولني 😂😁
سما😏🙄: ركزي يالثوله كافي هششش ....
علت صوتها سما شوي وترد سؤال لبتول حتى تتأكد من جوابه وهي تمشي وبتول وراها مدنكًه تسوي رباط حذائها ...جان متحس غير ع صوت سما
سما: متفتح شبيك
الولد: اعتذر بس انتي اللي دعمتيني
سما: شايفني راكبه سيارة هي رجلين امشي عليها وشعندك من الصباح تكاون بالناس
الولد : هسه شلون بالله خلصتي
سما: الله ياالله فوك ما عايل وهوة الضايج ..نوب حتى متعتذر شلون غرور ...وخر وخر ...ومشت
بتول تضحك وهي دتربط حذائها الثاني بس مركزت بالولد ...