قدري المكتوب دون ان اعلم(مكتمله)

21

  مو حالفين نظل سوة
شو بطلت جنك😭💔
هوة انته منك ينشبع حته انه مل منك😍
___________________________
سما: ورة ما فقت وصحيت من الاغماء ورة ساعه شفتهم حطوة بتابوت وجان زلم هوايه يمه اني مدريت بروحي غير حاظنته وابجي يوخروني واني مجلبه بتابوت واصيح لا ياربي امتحانك صعب يارب ردة يعيش وموتني مكدر بدونه لك بلال شبيك وانته لمقويني يهزك مرض وتضعف كوم المن تاركني اني وولدك كوم بداعه كل لحظه حبيتني ليش اناني انته تركتني كوم الله عليك بلااااااال اكعد لا تخليني بحسرتي كمت الطم بايد والثانيه اتملس تابوت  واحس ايد تكومني وصوت غيث ومصطفى اخويه يواسوني بس محسيت غير بضربه كمت اضرب التابوت واكله اكعد راح تختنك وانته جواه اكعد راح اساعدك واطلعك بلال ابو علي ابو احمد كوم المن تركت ولدك كوم بربك ليش تتركني بنص طريق جان ناقصني هالكسران ليش تكسرني بفراكك واحد لزم ايدي وهوة يبجي كالي كوم حرام لتسويه وميصير تطلعين كدام الزلم وهم اجه شاكر نسيت اني بطرمه والنسوان جوة تلطم وتصيح كلت لشاكر بربك بداعت بلال افتحو التابوت اريد اشوفه اريد اسلم علي شلون يروح هيج افتح تابوت هوة نايم مديسمعني من ينفتح ويسمع صوتي يكعد صدكني هوة مو وصاك بيه اني اريدك تفتح تابوت واضرب بقوتي ع تابوت طلع من ايدي دم ومحس غير طرت بلهوة وانغمه عليه ظليت بفترة االاغماء ٥ ساعات مدري شكو حته جهالي مدري بيهم ....

_________

مريم : شما احجي موصف لصار بينه من توفه المرحوم مجنه مصدكين يعني بلحظه عرفنه مريض وبساعات يفارق الحياه كلنه بجينه حتى جهالي جان الكل يحبه بس اللي موتت نفسهه مرحمت بحالهه حته عمليتهه اوجعتهه نسوان انكلب بيتنه هوسه العيون مورمه البجي هوة سيد الموقف نشتغل وصوت البجي يزيد ولمن نحجي نذكرة سوالفه ويزيد البجي ايات فقدت وعيهه وهيه حامل خفنه ليصير بيهه شي بس ورة ربع ساعه صحصحت بس لخفنه عليهه سما جانت كل متكعد ومتلكه بلال تصيح وصوتهه مختفي مبحوح من البجي دموعهه منشفت كل متكعد دموع مطر تنزل وترجع تفقد وعيهه جهالهه ايلاف اتكفلتهم وهم ندى اخت سما وزهراء صديقتهه بقو يم الجهال ورنا اخت سما المتزوجه مقصرت ٣ تيام تروح بليل تيجي صبح ويانه مكدرت تفوت ع اختهه لان جان وضعهه صعب يا مغمي عليهه يا بمستشفى يا نايمه ينطوهه مهدئات بس ورة اسبوع بلش شويه العالم تخف صار نقاش بموضوع سما ووضعهه المتدهور وعمليتهه لتأذت ولازم تلزم عدة وخاصه لبقه وياها بلمستشفى علي ومصطفى اخوهه وامهه جنه كاعدين اهل البيت خوات بلال كلهن واخوانه علي وشاكر واثير وواخوانه من ابوة الحجيه تغيرت حيل عمي ابو شاكر حته مرت عمي ثانيه يتناقشون بموضوع لازم تاخذ عدة ومحد يشوفهه بس هيه كل شوي تغيب عن الوعي وقررو اخر شي..........

_________________
ايات: جانت صدمتي عبالك احد ضربني راشدي خلاني افتر من كد قوته ممصدكه بلال سندي ولفاهمني يروح بلحظه محاسبين حسابهه اني جنت ميته قهر من ظيمي ويه غيث وجنت اريد احجي ويه خويه سندي الكه كلشي تغير الكه لجان عكازي انكسر وكسرني واني حامل متحملت فقدت وعيي بس رجعت صحصحت رحت كعدت يم امي بحضنهه وابجي  بس امي بجت يومين بحركه بعدهي بلشت دموعهه تخف مو مثلنه نوب  متت بجي والطم من شفتهم شالو تابوت علي وشاكر واحمد خطيب ايلاف وغيث واثير واخواني ثنين من ابوي اسمهم مصطفى ومحمد ومصطفى اخو سما ولد عمي والكل حته عمي ستار ابو غيث شايل تابوت ويبجي من قهرنه وخسرنه الغالي نسينه حته جيه علي توأمي بعد غياب نسينه كلشي جانت دموعنه تخونه وتنزل كل شوي  وليزود دموعنه حاله سما تكعد تموت نفسهه بجي ولطم وهي عمليتهه مال ولادة بعدهي خضرة اتأذت وجهالهه بعد متعرفهم بس كلما تكعد تدور بلال ومن تعرفه ماكو خلص مراح تشوفه تفقد وعيهه بقت اسبوع حته نسوان مكدرن يعزنهه  ايلاف اتحملت مسؤليه التوم وياهه ندى اخت سما اني كمت ابات يم اهلي وايلاف تبات بغرفه علي ويه الجهال  وعلي خلاهم ينامون ع جربايته وهوة ينام بلكاع حته خاف سمه تكعد يسمعوهه وخاف اطفالهه تيد تشوفهم بس جان يجي الليل خلال هذا الاسبوع كلنه نفسيتنه اتدمرت بس بليل نسمع بجي وانين من غرفه سما اكثر شي يسمعه علي وايلاف يكولون هي تصيح وجهالهه عبالك حاسين ثنينهم يكعدون يبجون ايلاف ترضع واحد بالممه وعلي يشيل ثاني يفتر بي بلغرفه لما يهدون وينامون راح علي وايلاف يشوفون شبيهه لكوهه دتحلم وتصيح وتبجي يمكن حلمت بلال تركهه فاتو عليهه حاولو يكعدوهه بس بقت بغير عالم بس تون ..عدة ع هذا الكلام اسبوع واهلي تناقشو بموضوع العدة لان اتوفه الغالي هئ😭😭 اني متحملت هالموقف خلصت عشر تيام رحت لبيت عيالي لان بيت اهلي يموت حالتهم تبجي صخر  مريم كالتلي ارجع لبيت عيالي علمود طفلي واختي منار هم نصحتني اروح تكولي خسرنه واحد مو اله نخسر لاخ وابجي واكولهم يارب اكون حامل بولد واسمي بلال لان جنت حامل بس ممكمله ٣ شهور والتهينه معرفنه جنس الجنين واخر شي من صارت كعدتهم قررو انو سما.........