تمكث بي كـــــــــ روح أخرى خٌلقت بجسدي💏
__________________________________
بلال : شبيج يروحي
سما بصدمه: بلال هاي لجنت تحجي تكول حاجيلك عليهه
بلال: يي مو تعرفين
سما: شعرف لخاطر ربك لو اعرف مجان جيت والله🤧
بلال: شبيج سما اكو شي .....
سما مصدومه وتهمس لبلال: هاي اعز صديقه الي بتول مجنت اعرف انته لرايدهه ولوياها ربيع لتركني وغدرو بيه ذولي الاثنين 😱
بلال مصدوم بس جاوب: واذا الله ميضرب بحجار اني صرت الج وانتي الي دتعاي نسلم ونفاجئهم وحتى ركص نركص بس مو حيل تركصين لان اذا شفت يمج احد اجنزة والله
سما : ماريد ....اريد ارجع
بلال: شبيج بعدج تحبين ربيع😡
سما: والله محبه بس صعب الموقف صديقتي مداستوعب ....
بلال: توثقين بي
سما: ييي
بلال: انطيني ايدج واضحكي وخلينه نسلم وشوفي شلون حينصدمون بعد اكثر من عدنه ولا تعبريهم ...انتي انسيهم شوفي لو مجنتي جايه هم سوو عرس وفرحو وعاشو حياتهم كزوجين وانتي منسيه عدهم ف مدام هيج صارت الله كاتب خير تعاي نسلم واسمعي كلامي لتنقهرين خاصه كدامهم مريد اشوفج ضعيفه يلا ومسح دموعهه
سما لزمت ايدة: يلااا
اتقدم بلال وسما من العرسان حتى يباركون
العرسان صدمه😱😱😱😱😱😱😱
سما ويد بلال بيدهه: مبروك الف مبروك بتوله مجنت اعرف صديقتي تطلع لرايدة زوجي
بتول صدمه: هاااااا ه هاا الله يباركلج منو هذا وياج
سما: معقوله متعرفين بلال لجان محاجي عليج شوفي الحظ من يلعبهه ويطلع زوجي اني
ربيع بصدمه: شنووووو 😔
سما: الف مبروك استاذ ربيع عرفت تختار لبيهه خير بصديقتهه بيه خير لزوجهه .....اعرفكم بلال زوجي واكيد بتول تعرفه زين
ربيع: مين تعرفين بتول
بتول: جان رايدني ...
بلال قاطع كلام بتول: لا انتي ردتيني مو تنسين ...ع العموم جاين نبارك وجانت احلى مفاجئه الكم الف مبروك منتعبكم راح نركص بعرسكم
ربيع: سما شديصير
بلال حظن سما: هييييي هاي زوجتي ديربالك لا انسفك متحجي وياهه فهمت عندك بتول
راحو سما وبلال يركصون ويه الناس بس تعابير ربيع اتغيرت وضاج وبنص ما يركصون جتي حنان اخت ربيع سلمت ع سما وسما سلمت عليهه وعرفته ع بلال زوجها .......وركص طبعا مريم وشاكر وام شاكر مستغربين ويشوفون سما تركص وتضحك وبلال فجأه شالهه كدام الناس ويلف بيهه بالهوا
الناس بصدمه ناس تكول عيب وناس تكول يريد يغور بتول وناس تكول عرسان بعدهم ..........
خلصو ركص ثلث ساعه رجعو سلمو ع العرسان وكالت سما
سما: مبروك صدك نسيت اكولج جان عندي اعز صديقه هم مثل اسمج بتول بس ماتت قبل اسبوعين من عرفت حقيقتهه
بتول بحزن: سما اوكفي افهمج
سما: يي ربيع تتهنى بيهه مو هاي المضغوطين لكلت عليهه تدرون اكولكم شي والله لخلق الكون مزعلانه لان الله عوضني بخت جنه العافيه يعني فرحانه وربي ....بس رجعت ابارك مرة ثانيه حتى اكولج صديقتي اتوفت ........وطلعو راحو بيت شاكر لبيتهم
بلال: شفت سما حيل ضاجت من رجعنه ضجت ع ضوجتهه معقوله تحب ربيع لا لا حلفت بس صدمه جانت جبيرة هم عليه يعني جان هسه هي لمتزوجه ربيع واني متزوج الحقيرة بتول لا اللهم لك الحمد عوضتني بسماوي باوعت الهه احنه كدام البيت
بلال: اذا ضايج حبيبي اطلعه تيد تطلعين نفتر ؟ 😍
سما: جنت منصدمه لجان بلال رايدهه تطلع صديقتي لطعنتني بظهري وشوهت سمعتي ....بس ارتاحيت من ظل يحجي وياي بلال ...ودافكر محسيت غير بلال يكولي نفتر اذا ضايجه جاوبته
سما: لا ميحتاج مين اضوج جنه بعرس وركصنه صدك طلعت تعرف تركص خوش تهز
بلال حاول يضحكهه: اعجبج ترا وغمز 😉
سما: اهووو بلش التواضع يلا فوت السيارة خل انزل
نزلو والبيت مصدوم ولحو حيل ...
سما: بتول هاي صديقتي اعرفهه قبل مااعرف بلال ..
ايلاف: شنو حجيتو وضاجو العرسان العريس عصب حيل ومن ركصتي انتي وبلال عيونه رادت تطلع عليكم
بلال: اهووو كافي كالتلج صديقته لتلحين يلا نفوت
مريم: بداعت غواليكم احجو العريس مين يعرفكم او يعرف سما من شافهه تركص عيونه صارت تطاير
سما: حتى ترتاحون هذا جان رايدني ومعرف بزواجي ومجان يدري اني اكون زوجه بلال لجان رايد بتول فهمتو كافي خل ابدل الكعب موتني
ايلاف: والله عبالك فلم لا لا ممصدكه لحد الان يربكم
سما: ووجع عبالي بيج شي ...وخر خل اذب الكعب مكدر اتحرك خطوة موتتني رجليه
ام شاكر: وليدي مريتك رجليهه صعدها
سما: لا خاله وعيونج هسه بس صبر لان خدرانه هسه اكوم واصعدي وحدي .....قاطعه شيله بلال
سما: نزلني ترا اكدر امشي
بلال: اخ ولج سكتي كلبي يدك دتسمعي دوم تك
سما صدكته وحطيت راسي ع صدرة واكوله هلكد ثكيله اني شو تلهث
بلال: شكَد فطيرة هاي كلبي يركص من قربج مينلج ثكيله وزنج هذا محسبه وزن اصلا شايل بنتي وماشي
سما: هههههههه عفيه بابا ديبلي مصيصه وجبس
بلال: لج بابا شنو هاز كاروكج
سما: هههههههههههههه هههههههههههههههههه
بلال: اشتعلو ضلع الدفاع المدني لج مو كَدج اعقلي
سما: شو مدنوصل طولت
بلال: هههه لان ممشيت لحد الان
سما: عززة نزلني عبالي وصلت الغرفه
بلال: يلا راح امشي
سما: تنزلني لو شلون
بلال: شلون😂
سما: يي لتكعد بحظن ابوهه ميهمه الوقت 😁😅
بلال: يي بنتي وحبيبتي وام بيتي وزعاطيطي وهم زعطوطتي وكلشي بحياتي ....اغووو غوووو يلا ضحكه
سما: ههههههه كافي موتتني ...اخيرا وصلت للغرفه
بلال: اذا بعدهي رجليج ابدلج عادي اعتبريني ..
سما قاطعته : لا لا اكدر ابدل
بلال: ترا مخليتيني اكمل حتى اكولج اعتبريني بابا وغمز😉😅
سما: لا والله معتبرك يلا يلا اطلع برة الغرفه
بلال: ليش بدلي بلحمام
سما: يي ابدل بلحمام بس انته صاير وكيح ......وفجأه حست نفسه بين ادين بلال ويبوسه منو💏
سما؛ شسويت
بلال: بستج
سما: براااا
بلال: مو مكدرت اتحمل نظرات لشافوج اليوم ونوب طالعه تموتين تفخخين كلوب الشباب واني محروم
سما:: محسسني محروم من حنان الام اطلع يلا
لزمه بلال وجرهه ع جربايه كعدهه بحظنه
بلال: سمعي يعمري طلعه مطلع بدلي بلحمام ...ولصار معتذر عنه ولو بيدي اسوي اكثر واكدر بس مريد شي غصبا عنج اريد برضاج وهسه تبدلين لو شلون عاجبج حظني
سما ويه نفسهه: مدري ليش حسيت احساس حلو من باسني ونوب جرني وكعدني بحظنهه ع جربايه ويحجيلي ويكولي اريد كلشي برضاج طمني .....بس محسيت بنفسي غير داحظنه
بلال: هههه ادري والله حظني يدوخ وتحبي
سما: شحاطلي مخدر حتى يدوخ....هيه تحجي وبحظنه وراسهه ع صدرة
بلال: اذا تيدين خلينه اليوم....وغمز😉
سما بعدت راسها: انته مو مال رومانسيه وخر مخك ريسن يبرمج غلط😏
بلال: هههههه تعاي مشبعتج منج بعد
سما: ابدل وانزل اسوي العشه عندك طلعه احسب حسابك تطلع
بلال: ع كلبج كاعد ....ولج اعشقج للموت
بدلو ونزلو راحت سما تسوي عشه ويه ايات لان المطبخ عليهم وحطو العشه وضحك وتقليد وخلصو نامو جهال شاكر ومريم
سما؛ مريومه اصعد مروة انومهه
ايات : واني اصعد عموري
مريم: ياريت والله بس خاف اتعبكم
سما: ازعل ترا والله هذا هم ابني
بلال: مين ابنج ابوة شاكر وامه مريم
سما: نفس ابني او ابن اختي مريوم اختي
ايلاف: اكو مصلحه مضمومه تطلع هسه شعندج سما ويه مريم
مريم: تعبال الناس كلها مثلج
سما عيبت لايلاف وطلعت لسان مثل طفل😛
وصعدو جهال مريم فوك ...
ايلاف راحت صبت جاي بلال كال مريد لتصبيلي
نزلت سما وايات واخذو جاي سما كعدت يم بلال اشرلها هوة اقترب منها وكال شربيني جاي وياج
سما: هسه اصبلك
بلال: لج كعدي مو تكولين عليه بلغرفه مو مال رومانسيه طلعتي هم انتي
سما: هههههههه
بلال: اذا مشربتيني ابوسج كدام اهلي وداعتج
سما : لا اشرب هاك
بلال: لا بقي بيدج مرة الج ومرة الي يلا حبيبي اسمع الكلام
سما : حاضر بابا
بلال: والله راح ابوسج لتكوليه وتستفزيني ...اريد اسمع حاضر حبيبي
سما: اشرب صار دورك
ايلاف: مريم باع كناري الحب حتى الجاي يتقاسموة مو مثلج انتي وشاكر طرتي ورة لان اخذ عضه من لفتج 😁😅
مريم: ايا جذابه مصار هيج شي بس خاف بعدين تسويهه بزوجج😁
سما وهي بحظن بلال لان حاظنهه: ههههه الوفه قصفت جبهتج مريومه ...امووواح👄 مريوم
بلال: ياريت تتكرمين ع العبد ليمج هم بوسه
الكل: هههههههههههههه
ام شاكر: راح انام تصبحون على خير
الكل وانتي من اهل الخير
بقو شويه طبعا الكلام ساعه بلعشرة بليل
مريم واني انام قبل لا سند يسويلي سهرايه ويكعد يلا شباب
الكل الله وياج
سما: ايلاف متنامين باجر دوام عندج
بلال: وانتي حبيبي هم دوام يلا كومي صعدي للغرفه
سما: هاا يي اصعد انته بس احجي سالفه ويه ايات واصعد
بلال: تؤ نو نو وياج
ايلاف : خاص لو ابقه لازكه
سما؛ ههه خاص يلزكه
وفجأه اندك تلفون سما .......
سما باوعت مو وكتك .....
بلال عصب: 😡😡😡😡😡
________________________________
اتفاعلو عفيه صوتو رايكم دزولي .....
بداعت كل عزيز وغالي عايش او ميت او ليقرا بصمت متستاهل دوس نجمه وتعبر لغير بارت او روايه حلفتكم .............اذا شفت التفاعل انزل بارت اقوى باجر 😳😊 تصبحون على خير
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
