قدري المكتوب دون ان اعلم(مكتمله)

23

طفاچ آلَقَدُر يا شّـمِعَتي ...
خلاني اجر بحسرتي😔
شلي بهالعمر يا دنيتي
محسود ع حظي وقسمتي،،،،😥😳💛
___________________________________
سما: عدت فترة شهرين ورة ما خلصت العدة مالتي وخلال هاي شهرين عمتي ام شاكر مخلت شي مسمعتنياه تهديد وياخذون جهالي اذا اتزوج ولازم ناس ميحجون علي لان موجودة عدهم لازم اتزوج علي اخو المرحوم بس شنو تحجي هذا الكلام ورة ما شاكر وعلي يروحون لشغلهم .........ومريم ميعجبهه تصرفات عمتي وياي وكلامهه الجارح بس بالاخير اجتي حجت وياي
مريم: ولج ام علاوي انتي من يوم لفتي بهذا البيت جنه واني حسبتج حسبه اخت مو سلفتي وهسه الي احجي وياج اريدج تفهمي بدون بجي عمتي مراح تجوز ولا تفك عنج اله تزوجين من علي لان راح يخافون الايام تتغير وتزوجين او تاخذين اطفالج لان هم مترهم تبقين هيج عايشه بيت عيالج وزوجج متوفي وعندج حماج يعني ناس مترحم واعرف هذا شي مو بارادتج بس صدكي علي راح يسعدج وميتركج لانج زوجه الغالي وام جهالهه ومتلكين احد يحن ع جهالج كد علي خيتي ترا شما حاولتي تتقوين وتبينين قوتج تبقين بحاجه سند ومتلكين احسن من علي ...يي ها خاف خايفه هوة كلج بس نعقد وتصيرين مرتي حته ناس متحجي ع كعدتج وابقي انتي بغرفتج هاي وهوة بغرفته وارضي عمتي وهم تبقين اهنا معززة محد يحجي عنج ....
سما: ام حمودي شلون ...صدك زوجه اخوة بس مفكرتو علي ليش ممتزوج ليهسه خاف يحب وحدة او شي اكون اني فوك مااني بلوة وحمل قكيل تنهدم حياته
مريم: لا سماوي علاوي قبل كم سنه حب وحدة من الرمادي مو من الجزيرة وعرف انهه مخطوبه متحمل وترك العراق وكمل حياته بامريكا ...ومن بعد هاي سالفه ميتزوج ابد يعني زواجكم اجباري بس صدكي ميجبرج ع شي وخلي كلشي للظروف وانتي بعدج صغيرة ونفس عمر علي يعني راح تتفاهمون والي حبهه قبل جانت مخطوبه يعني من سنين وهسه شوفي كم طفل صار عدهه يعني نساهه ....وافقي وكل واحد بغرفه حته تخلصين من كلام عمتي
سما: اخ بصياح ولج شلون واني كل مااباوع لعلي اتذكر بلال ومن يحجي ع اخوة اغار وكم مرة اكول لعلي انته ضرتي شلون ...ياربي امتحانك صعب وديصعب موتني وخلني ارتاح
مريم حظنتهه: اسم الله يالخبله شبيج هوة كلمن بغرفته ....بس تخلصين من كلام ناس علمودج اني رايدة راحتج والله
سما: ورة يومين طبعا هاليومين شفت علي مرة لان احاول اتحيشه شوفته ومااشوفه بحجه ابقه يم جهالي وحته من يريد يشوفهم يدز ايلاف عليهم حس اني مقابلته بس عرفت بهاليومين امه ظلت تكرك براسه يزوجني وبعد الحاح ورة اسبوع صار عقد محكمه ومقبلو اروح لبيت اهلي ف اجتي ماما وخواتي قبل بيومين بقو يمي واجواء البيت ولا كانه عرس او شي لا كعدة طبيعيه شقه شويه حزن شويه ابو حمودي شاكر حجه وياي وكالي هاي لمصلحتج ام علاوي والله ودموعج ترا دتعذب بالمرحوم وعلي راح يصونج انتي وجهالج وراح تبقون معززين وطبعا اجوي خواتهم واخوانهم كعدة عائليه بس والبقيه وصلنالهم خبر بتلفون سما هفففف سما اتزوجت علي بلحظه رحت المحكمه اووووف هالدموع صب متوكف ومن سالنه القاضيه بودي اصرخ صرخه وجع واطلع قهري عقدنه ومن طلعت هلهلت بس عمتي لخاطر علي سمع كلامهه بس هيه هم مبين عليهه الحزن ورجعنه بس من رجعنه خلوني اصعد بسيارة علي مو سيارة شاكر وطول طريق دموعي تصب بهدوء حسيت عبالك احد لازمني وخنكني ومكدر اصرخ واصيح وصلنه واني حظنتني مريم بحزن باركت وايلاف وايات ومنار وصعدت لزمت قميص بلال وابجي واناشغ ورة ربع ساعه انفتح الباب لكيت علي فات وعيونه محمرة شكله جان يبجي يحجي  كلي مو بس عليج هم عليه صعبه بس مثل ما كتلج الي براحتج يجرالج وكلمن يبقه بغرفته بس رحمه للمرحوم كافي بجي دتعذبينه ثنينه تيدين هم تترملين مرة ثانيه دتموتيني بدموعج وسكت شويه وطلع اني بقيت ابجي ورة ربع ساعه اجتي مريم هدتني وفتت سبحت وطلعت صليت ظهر واسمعهم يصيحولي نزلت لكيت حمودي عالكهه بس يبجي اخذته وبدلتله ورضعته وظليت اطبطب على ظهرة ارتاح كعدت ع جربايه وحطيت مخدة فوك رجليه وكعدت اهزة شوي شوي مرة اغنيه يلا تنام يلا تنام واهديلك طير الحمام روح يا حمام لا تسدء بغنيلو حته ينام ورة شويه اقرا سورة الانشراح صدك حسيت بمسؤوليه ويراد احد يمي اذا بجه علي بنفس اللحظه لبجه بيهه احمد اني احس راح تطلع روحي ثنين يبجون ادوخ من اسمع بجيهمبس هالمرة لا بس احمد بجه وراهه خليته ع رجليه فوك جربايه وهزيتله نام بعدني ممنزلته من رجليه سمعت دكه الباب كلت فوت فات علي وشايل علاوي الزغيرون كتلهبدونوعي بس لا يبجي هذا ثاني كالي لا بس شكله يرادله تغيرين ملابسه لان ريحته كلت سهله نزلته لحمودي ع كيفه من رجليه وبقه علي يمه اخاف يكعد او يوكع من جربايه واخذت علي الزغير للحمام بدللتله وطلعو جهالي فديتهم لازم اغنيلهم وظليت ادندن واكوله خش علاوي خش اسبح مو تحت دوش راح تسبح بطشت بعدك زغيرون وهوة يضحكلي كملته ونشفته وصحت لان نسيت مطفيت البنكه ولا سبلت صحت علي جبير علي علي رد عليه كتله بلا زحمه طفيلي البنكه والسبلت لان نسيتهم طفاهم وبين منشفته صحيح لابني طلعت اني مبدللتله بس مو تبديل كامل حطيته ع جهه من جربايه لان جهه ثانيه علي كاعد ويلعب بموبايله وحمودي نايم بدلتله واناغي ويضحك سمعت علي جبير يكول يي يابه اضحك ولعلع واني ادغدغ بيك ما وراك تكشر بجهرتي هم عندك ذوق تضحك المن اني ابتسمت ومجادلت وكملته كتله علي(الجبير طبعا) راح انزل واخذ علاوي انته تبقه اهنا لو لا كال ليش كتله اذا تبقه ابقه حمودي ع جربايه اذا متبقه اخلي بكاروكه واوقت جهاز من يبجي اسمعه واصعدله كلي خلي بكتروكه أمن خاف اخذلي نومه وراح ابقه هوة شال علاوي الزغيروني بين ما انوم حمودي بكاروكه نومته وموعيت ع الي حجيته كتله حبي بلال شوف شلون نايم دفراته تشبهني جان اسمعه يكول يي غير طالع ع امه بس اني مو بلال انتبهت وغوركت دموعي بس مبجيت رحت حته اخذ علي الزغيرون جان يكولي لتبجين تتعودين وكل ما تذكري اترحميله فدوة لتنزلين باجيه هسه يعبالهم بجيتج كلتله يعرفوك مو هيج ويعرفوني ام دميعه مسحت دموعي طبعا لابسه شال ودشداشه مخصرة حته مااوكع كم درج مو مخصرة بمعنى ضيقه لا بس زينهع طولي وخذت علوش ابني ونزلت شفت عمتي محجيت وياهه صاحتني كلتلي لسويته بمصلحتج وو...قاطعتهه وتذكرت بلال كتلهه عمه تمونين ع ركبه وهسه راح اكمل شغل خلي علوش يمج اتعجبت كتلهه مو ابنج ابني علوش ضحكت وكالت ةثنينهم علايش كلبي انطيتهه علاوي ورحت لكيت ايلاف تخابر ويه خطيبهه ومريم خطيه حاطه راسهه ع ميز طعام بلمطبخ ولازمه خيار تسوي زلاطه ونايمه وجهالهه حمودي (محمد) ومروة توم سجلوهم روضه حته يخلصون من هوستهم عمرهم ٦ سنوات وسند حبيبي ٣ سنوات هذا وحدة يرادلهه ٥ نسوان طلعت لكيته جان فايت بلحديقه ونعاله كله طين يلعب بلمي وفات للصاله وكله طين ملوص ومخبص وساعه١٢ وشويه الحمدلله جنت مصليه الظهر ونظفت جهالي خل ابلش بلبيت وبسند لزمته نزعته نعاله ووخرت حبل جان لازم نصه بايد وثاني فوك ركبته مخلي شلته هوة وطينه سديت الحنفيهوفتت جوة شفت ايلاف كتلهه كملي زلاطه بدون متكعدين مريم راح اصعد اخذ ملابسه من غرفه مريم واسبحهه بغرفتي وراهه اجي اخلص امسح صاله وانظف طرمه بين ميجي شاكر وعمي نصب الغدة عمتي  طبعا شافتني رادت تحجي كتلهه عمه خطيه نايمه مريومه اني راح انظفه لنسوي صوت بين ميجون ونكعدهه هزت راسهه بمعنى يي صعدت خذتله ملابس من غرفه امه واني بقيت شايلته مكدر انزله يدمر كلشي وفتت ع طرف اصابعي بغرفتي شفت علي نايم ومكحز كاروك حمودي يمه حيل ونايمين كلت لسند بمعنى اش فتت ع كيفي للحمام سبحته وادندنله بدلتله مشطت شعره طلعنه بس مشايلته لان اني صرت موسخه طين مو هوة😳😁 نزلنه ع كيفنه خليته يكعد يم عمتي انطيته فاكهه وايباد يلعب بي محد ماكو رفعت دشداشتي وجبت سطل ووصله مسحت صاله وغرفه عمتي والمطبخ وياي وطلعت ع طرمه الحديقه مفتت بيهه لانها صايرة طين كلت من تنشف عزلتهه وبسرعه وخرت طين لان المي قوي ونشفتهه قبل مافوت اجوي شاكر ومحمد ومروة من دوامهم سلم وفات شاكر كلت لمريم ومحمد حبايبي ماما نايمه بدون صوت اصعدو بدلو وغسلو وانزلو طبعا حمودي عاقل بس مروة وسند خبيثين وكتلهه مرواتي بدون خباثه حته نطلع نفتر وصعدو فتت لكيت شاكر كاعد ع قنفه بصاله يم عمتي وبيدهه علي لزغير وعلي جبير كاعد وبيدة حمودي ايلاف تصنف عليه كدامهم ادري انتي جاهل تلعبين بطين شوفي حته سند يعرف دنيا حارة ومطلع شعندج تلعبين بالطين بظهريه ضحكو الكل وعمتي كلت الهه احسن منج ملازمه الموبايل خلصت ولدهه شافت مريم نايمه ............لما فتت بمنظر طين بملابسي باوع شاكر بتك حاجب ع سند ادري بابا شبيك تحوص لو امك شالع كلبهه لو عمتك باوع لعلي جبير وغمزله علاوي مو تضربون ابر للمايسمع الكلام عود جيب وياك ابرة نضرب سند وطبعا سند صدك كام وهوة خاف مسويهه بابا نوب والله اجه راد يحظني كتله اوكف موسخه راح تدمر طبطبت ع كتفه وبسته وكتله روح اعتذر من بابا وكوله ما اسويهه بهاللحظه كعدت مريم واجتي كالت شكو تفاجت ابنهه نظيف😳 راد يصير بيه شي لان كل متبدله يروح يطين نفسه كتلهه فاتج فلم بس حقج نوم ميتعوض  وهيه وتثاوب كالت لشاكر الله يساعدك بو حمودي ضحك الكل ع منظرهه جانت ملابسه حجاب وهاي عادي مدام ماموجود عمي ابو شاكر وشعرهه مكفش كلت مو بس سند يراد ابرة هم امه ع هالشعر خوفتيني ضحكت ورحت صعدت بدلت .......ومشه عادي اليوم وكالعادة مدام عندي عطله يبي صدك طلعت ناجحه عرفت ورة ما خلصت عده  بقيت هيج الحياه ورة شهرين بلشت عمتي تدور جهال تيد تشوف جهال علي اني بقيت ساكته كلت خاف يزوجو مجنت اعرف اني المقصودة كالت كدام علي شوكت نفرح بجهالكم واشرت عليه اني كمت ع حيلي وكتلهه شتقصدين كالت خاوي علي واحمد نوب كتلهه لهنا وكافي متفقنه ع هيج وهذا علي كدامج ليريدهه يتزوجه بس مني لا تحلمين عمه ترا صدك راح الحك المرحوم بسالفتج هاي .............

______________________

شاكر : ورة زواج علي وسما بقت حياتنه طبيعيه وسما اتاقلمت ويانه بس مو ويه علي يعني حجيهه ويه علي بس من يسألهه ع جهال او محتاجه شي ونعرف اتفقو كلمن بوحدة وبغرفته ورة ما عقدو حته يخلصون من كلام ناس وكلام الحجيه بس شكل الحجيه مناويه تجيبهه البر وجانت حبابه ويه مريم وجهالي بس ورة فترة يمكن شهرين جنت جاي من الشغل وداسمع عياط امي وسما عرفت امي طلبت من سما وعلي يخلفون يعني امي شكد تقسه ع البنيه فتت وصحت بيهم يوم كافي تجبريهه مو زغار همه يقررون بعد كافي جان تقاطعني سما وتكول مو بس كافي زوجي مصارلهه سنه مطلعت من توفه وزوجتوني اخوة وقبلت رغم جبرتونه وعلي كلمه حق ممقصر والله تعبناه نوب جهالي مملحكه عليهم وبعد دوام مبلش نوب تيديني اخلف هسه شنو هم راح تلكين حجتج ناس انعل ابو الناس لحاسبين حسابهم ومحاسبين حسابنه احنه لي دنتعذب مو راح تيتمين جهالي لا ام ولا اب بحجيج هذا راح تموتيني قهر والحك المرحوم طبعا علي بقه ساكت مدري عجبه الوضع مدري شاف سما وشاكر وحجيهم بحركه ع لسان شاكر يوم لخاطر المرحوك كافي البنيه هديتي حيلهه اكثر من وفاه المرحوم عوفيهم بحالهم طبعا حجه هذا الكلام وسما جانت تاركتهم وصعدت فوك لغرفتهه شفت علي طلع ولازم موبايله يحجي ورة شويه كعد يلاعب بعلاوي الزغيرون وصاح ايلاف كال الهه من اصيحج صعديلي غدة فوك الي ولسما وين حمودي اخذ حمودي وعلاوي الزغيرون شالهم بحدة وكال لحد يلحكنه وصعد لغرفه سما اني صحت مريم كتلهه ماريد زقنبوت وراح انام لتكعديني الله يهدي امي دتعبنه كلنه بسوالفهه بس استغربت علي شديسوي هذا .....
________________________
سما: مشت حياتي طبيعيه ورة ماتزوجت علي لان خلاني براحتي وكلمن بغرفته ومشت ايامنه عاديه مااحتك لا بعلي الجبير ولا بعمتي بس ويه الكل احجي عادي واتشاقه مرات علمودهم بس ورة زواجنه اني وعلي بشهرين كامت عمتي تذب بكلامهه فورت دمي كمت احجي وشاكر وياي بصفي ونحجي بحركه عفتهم وصعدت بس الغريب علي ما حجه صعدت ابجي واني اسمع صوت شاكر يصيح ويكول لامه تركيها بحالهه كافي............ورة شويه ثلث ساعه صعد علي وياه جهالي بوحدة شايلهم فات وطبك الباب برجله انطاني حمودي وبقه علاوي بحظنه كعد مقابيلي جان يمسح دموعي اني اريد احجي حسيت صوتي مديطلع اشرتلهه بمعني اريد مي شو هذا نزل علاوي ع كيفه ع جربايه ونزل بسرعه جاب مي واجه شربت وارش ع وجهي حسيته يطلع حرارة وجان يكولي...........😳😱

______________________________________

فدوة صوتو رجاءا من اللي يقرا الروايه وياي يعني كل ماانزل بارت او يقراها ورة فترة اكون مكمله كتابتهه صوتو بليز لخاطر كل غالي صوتو فدوة لهاي روايه وصدك نزلت البارت الاول من روايتي ثالثه " واخبرهم اني فصليه " بقلم سماح.......صوتو للثنين عفيه وصدك القصه راح تعجبكم اريد تصويت حته اكمل تفاعل قبل لا نبلش دوام يا حلوين
صوتوووووووووووووووووووووووو عوود🙊🤨