يي عشكَتك ي الضحكتك تارسه كلبي ترس😚😍
___________________________
فجأه سمعو صوت سما لحكو يمعودين
الكل اربعتهم الاخوة: 😱😱😱😱شكو ...بلال فز اول واحد وراح يم سما
سما: لحكو مريم دتمشي وفجأه وكعت مدري شصار بيهه
شاكر: مريم مريم كام يضرب ع وجه مرته خفيف حتى تكعد وبعدين صحصحت
سما: شبيج مريومه كومي نوديج للمستشفى
مريم: لا مبيه شي بس حسيت بدوخه ومدري فجأه وكعت هسه احسن
ايات: كومي لعد اسويلج عصير ليمون
سما: يلا بنات ساعدوني ...اجتي ايات وشاكر سندو مريم وطببوة جوة بالصاله
سما: ايات سويلهه عصير ليمون
مريم: لا لا ممشتهيه نفسي تلعب من اي اكل
ايلاف: الله عاقبج ع سويتي بينه بقت سما متعاقبت 😅
شاكر: بس لا حامل
مريم: فال الله ولا فالك ...سند ومشيبني نوب اصير حامل .....
سما: الصبح لازم تروحين للدكتور ويشوف شبيج بس هسه لازم تاكلين او تشربين شي ميصير تبقين هيج خاف جان عندج هبوط
ايات: وين جمعه باجر والصبح ماكو اطباء ....اني اكول اكلي شوي وارتاحي روحي نامي
سما : يي نامي واذا تيدين خلي سند يمي ينام اليوم
بلال: 😡😡😡😡😡😡😡😡
ايات: لا حبي خلي سند يمي انتي بعدج عروس
ايلاف: ترا اسمع عن العروس تستحي مو تسوي بينه دكه مثل مسوته كدام ابوي احنه منلعب عمو
شاكر: انفتحت هالايلاف شيسد حلكهه...كومي مريم نامي يلا وصعدت تنام والكل راح ينام
بغرفه سما وبلال ......
بلال ع جربايه وسما هم ع جربايه بس لازم كتاب تقرأ وفجأه بلال سحبهه بحظنه ووخر الكتاب خلاه ع الميز
بلال: شتسوين
سما: اقرا بعد كم يوم عندي امتحان وكلت اقرا مدام معندي شي
بلال: يي اقري باجر هسه اريد انام
سما: يي نام اقرا بدون صوت
بلال جرهه لحظنه: لا لا انام وانتي بحظني ولا تلحين بعد منسيت لسويتي كدام ابويه 😊
سما: شسويت قابل
بلال: اخ ولج لتحسسيني اني اتهمج
سما: يلا مو تيد تنام
بلال: ترا لوت السالفه بكيفي ...وله جنت ناوي ع غير نيه
سما: ترا اني نمت ...شكد متكرك اوويي
بلال حظنهه حيل: لج عليمن اويي
سما: راح اختنك بلال وخر ...مو عليك
بلال: لا مرتاح هيج (قصدة حاظنهه حيل)
نامو .....واصبح صباح نهار جديد
ام شاكر سمعت من البنات لصار لمريم وفرحت
ام شاكر: هاي حامل
مريم: صباح الخير عمه بس لا تفاولين عليه
ايات : صباح النور شون صرتي
مريم : احسن
ايلاف جتي ركض: يمه الحكي بابا مفول من العصبيه وشكله صايرة مشكله بلبيت ثاني
ام شاكر: سترك يارب وخري اشوف شصار
سما وبلال نزلو من غرفتهم .وكالو صباح الخير
مريم وايات: صباح النور
سما: شكو شصاير عمه تركض
ايلاف: صايرة مصيبه الظاهر
بلال: ياستار من وجهج يلبومه
ابو شاكر لام شاكر: راح اروح اليوم اكو مشكله صايرة بين الولد اشوف شنو وارجع
ام شاكر: براحتك بس طمنه
شاكر: يابه جاي وياك
ابو شاكر: لا مو اريدك اكولك خل افهم السالفه واكوللكم يلا فمالله
ام شاكر وشاكر: الله وياك
اهنا البيت دخل انذار شنو صاير وخلا ابو شاكر يطلع صار الغدة اتغدو وكالعادة بلال وسما شربو الجاي بكوب واحد وراهه بلال طلب منهه تدرس ساعه اقل شي علمود امتحانهه ...راحت درست والعصر اجه ايات بقت بلمطبخ تنظف وايلاف بطرمه تنظف وسما ع البيت تنظف جانت لابسه تراك لان شاكر طالع ومريم متشتغل لان تعبانه ...وفجأه سمعو ايلاف ترحب وتكول هلا بيكم
سما كعدت بلال لان جان نايم بصاله وطبو الخطار بلأل اتأفف
سما: هلا هلا بيكم اتفضلو وسلمت عليهم
بلال يعرف سما ع الخطار هاي خالتي ام فهد وهاي بنته نجلاء وهاي حفيدتهه نور
بلال: لعد منو جابكم خاله
ام فهد: وصلنه جويسم وراح بشغله وبليل ياخذنه لعد وين امك ماكو ولا مريم وايات
بلال: عدهم شغل هسه يجون
نجلاء: اذا خاله حليمه(ام شاكر) تشتغل لعد عليش جايبين جناين وتباوع ع سما
بلال حظن سما كدامهم وكال: امي تصلي ومريم بغرفتهه ولي ديشتغل سما والبنات ومو انتي لتكولين منو ليشتغل فهمتي ست نجلاء
نجلاء: شكلنه حتى تكب
بلال : صاح ايات تسلم وبقاهه واخذ سما وصعد
سما: منو هاي وليش هيج تحجي
بلال: عوفج منهه خل تولي لا تنزلين ابقي ادرسي اهنا
سما: لا لا مريم تعبانه انزل اساعدهم وورة العشه اغسل المواعين واصعد ادرس ساعه
بلال: راح تسمعين كلام مو حلو لان هاي جكمه طلابه مشاكل
سما: شنو شبيهه
بلال: تحبني ومن عرفت اتزوجت وهي اجتي تطلعهه بيج
سما: شنووو 😳
بلال: ههههه شنو غرتي علي
سما: لا لعد ليش مااخذتهه
بلال: البنيه الخفيفه وعدها لسان محبه وهي مو هاي الي اريدة
سما تتخوصر: لعد ليش خذتني اني هم ام لسان
بلال حظنهه: اخ من لسانج لج لسان وكلب فطير فارغ مو مثلهه وهسه بدلي تراكج اذا تنزلين وحاولي متحتكين وياهه
بدلت ونزلت هيه وبلال
نجلاء: يي الخطار يجي وناس تنهزم متستقبلهم ع شنو شايفين نفسهم
بلال راد يرد وسما منعته
سما: بلولي تعال ساعدني منوط اخذ غراض طبخ تعال حباب ودخلو المطبخ لكو مريم كاعدة ع الكرسي
سما: بلال توك تكولي معليه بيهه انته هظات اطلع اخذلك فرة واني راح ابقه هنا ومعليه بيهه
مريم: يي عفيه بلال عوفهه خل تولي هي هيج سوت من شافتك نزلت ويه سما اطلع وعوفهه وسماوي تبقى هنا بلمطبخ يمي
بلال: ماشي اطلع شويه وارجع وباس راس سما وطلع
سما ومريم بلمطبخ
سما: شون صرتي مريومه
مريم: زينه بس بعد عندي لعبان نفس وخفت لا اصير حامل كلت لشاكر يجيبلي اختبار حمل وياه وحيل خايفه
سما: انتي ليش متريدين طفل ترا رزق من الله
مريم: مو هيج سالفه بس بفترة حملي اتعب مبيه حيل اشتغل ونوب سند بعدله اقل من شهر يصيرله سنه متحمل تعب ثاني
سما: الكاتبه الله بي خير توكلي ع الله ...فجأه سمعو صوت نجلاء
نجلاء: يي طفل رزق ومن عادت زلمنه تخلف بساع شو بلال راح يصير شهرين وماصار عندة اكيد الخلل معروف وتباوع ع سما
سما مهتمت وراحت تشتغل ومريم تسكت بنجلاء واجت ايات تشتغل تساعد سما بطبخ وهم معجبهه تصرف نجلاء
اخر شي سما كالت لنجلاء
سما: شوفي اتملتج هواي بس خل اكولج شغله بلال جان رافض زواج ومن شافني حبني ومن تزوجني مدللني وحتى لو العيب مني ميتركني تدرين ليش لان احنه واحد يحب ثاني ف بردي ع كلبج كل حجيج فات من هالاذن وطلع من ثانيه .......باوعت شافت بلال واكف كدام الباب ويضحك جان تموت خجل سما اتقرب بلال يمهه وكال
بلال: يأشر ع سما هاي العشق والروح ويأشر ع كلبه وهاي كلبي لمركب هنا باسهه بخدة كدام نجلاء وهمس طلعتي مو سهله تحبيني ومتحجين 😉
سما: عمتي تصيح هااا عمه جيتج
الكل: هههههه بس نجلاء😤😬
راحت صدك كعدت يم ام شاكر وام فهد
ام فهد: بنيتي مصار عندج شي قصدهه سما
ام شاكر: لا والله بعد بعدين بعدهي دتدرس تلحك ع الجهال
سما: يي والله مثل ما كالت عمه بعد وكت
بلال: خاله اني مداشبع منهه نوب يجيني طفل ويشاركني بيهه غير املخه تملخ😂
ام فهد😏: يي ع الخير يمه
صار العشه اتعشو وطبعا سما كاعدة يم بلال وكام يوكلهه بيدة حتى يحرك نجلاء وامهه وهي سما الفطيرة بس تضحك 😊
بلال همس: وج انتي شكد فطيرة سوي حركات غوريهه
سما: هههههه شسوي والله ماعرف
بلال: اشتعلو لج كافي حركتي دمي اني مو نجلاء 😍
شربو جاي ونجلاء شافتهم يشربون بكوب واحد لو طكت فزت كالت لامها يلا نروح ...فعلا راحو ...شاكر اجه ومريم سوت الاختبار وطلعت حامل وهي😤😱
الكل هدة مريم وهاي رزق وكلي امرج ل الله
صارت بلعشرة سما شافت بلال طلع برة راحت يم ايات دتحجي بموضوع غيث ويريد يخطب ويتزوج ايات وجان ............👆
_______________
توقعاتكم صوتو مو تنسون
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
