قدري المكتوب دون ان اعلم(مكتمله)

22

يمك عشت لحظات
ما تنسي هيهات
تركن جرح واهات
لي هسه بيه.......
عالبال ابد ماجان ...
قصه محب ولهان ..
تخلص دمع واحزان ......😰😭
_______________________________________
سما: جانت ايام العدة اصعب شي بحياتي كلش اتأذيت حسيت كبرت 20سنه حسيت المسؤوليه كبرت وتعقدت جنت بوحدي وحايرة بنفسي دخل بلال حياتي كلب كياني حبيته حبيت الحب بسببه شلون يتركني يارب شنو حكمتك من خليتنه نفترك اني وبلال طبعا البجي مبطلته كل شوي تنزل دموعي صار يومين من خلصت العدة وتعبو اهل بلال كلش وياي واكثر شي ايلاف وعلي بقو يم التوم ويسهرون اني جنت مو بوعيي الزم قمصان بلال البسهن واخذ واحد اشمه ويتبلل بسبب دموعي عدت اليومين وطلعت من العدة وياريتني مطالعه اجتي صدمات ركَع فوك الراس جانت دنيا ليل وحلمت حلم يخوف وشفت بلال بعد عني فزيت اصيح وابجي محس غير انفتح الباب علي حظني ويسكت بيه وايلاف تنطيني مي واني ابجي حته مشربت مي عرفوني جنت احلم محسيت بشي غير ثاني يوم كعدت غسلت وجهي واقنع بروحي اصير قويه علمود جهالي طلعت من الغرفه لابسه دشداشه سودة وحاطه شال ع شعري سمعت صوت فتت لغرفه علي لكيت ايلاف ع جربايه وبحظنهه احمد وعلي بلكاع وبحظنهه علي الزغيرون جان علي لودزغيرون بجه رحت اشيله بدون ميكعدون خطيه سحبته بلكوة لان علي جبير لازمه قوي وطلعت رجعت لغرفتي د ارضعه جانت ساعه ب 8اله ربع ورة خمس دقايق واحس صوت علي نازل درج يدردم ورة مخلصت رضاعه علاوي وبدلتله رحت اخذ حمودي ارضعه لان جانو عايشين ع حليب الاصطناعي رضعته وبدللتله كعدو اهل البيت وتفاجأو بكعدتي من صبح مريم وايلاف حيل فرحو صبحو عليه وكالت مريم علي وشاكر طالعين لشغلهم واني لبست تراك اسود وعريض لان دشداشه احسه تعرقلني بالصعدة ومن اشيل طفل احس راح اوكع كلت للظهر وابدل نزلت جوة صبحت ع عمتي بس جانت متغيرة عليه من ورة خشمهه تحجي تفاجات طلبت مني الجهال انطيتهم اياهه ورحت اساعد مريم اني نظفت المطبخ وطبخت خلصت ب 12اله ربع تركت جهال جوة يم مريم وايلاف لان عمتي راح تتوضا صعدت بدلت وهم لبست دشداشه سودة  وشال ونزلت اتوضا بس حمودي جان يبجي رحت ارضعه وسند ابن شاكر ومريم عمرة ٣ سنوات طبعا كل شوي عمه اريد اصادقهم والعب وياهم راح اجيبلهم سيارات داضحك ع كلامه سمعت صوتهم عرفت علي وشاكر اجمي كملتهم وصحت ايلاف تنتبهلهم بين ما اصلي صليت بغرفه عمتي اني وداصلي انفتح الباب علي يدور ع جهال شافني اصلي فات اخذ احمد وطلع بقت ايلاف يم علي كالت نايم علاوي اروح اصلي خلصت صلاه وهم بجيت اتذكر لو هسه هوة ويه اخوانه جان شبعني غزل ودلعني مسحت دموعي اخذت علاوي وطلعت شفتهم بصاله سلمت وجان هاي اول مرة اشوف علي بدون مااتخربط😰 كام مد ايدة وسلم مديت ايد وسحبتهه باوعت علي شفت بلال دموعي نزلت بسرعه كال اتمنيت اشوفج بظروف احسن بس الكاتبه الله البقاءلله وعزاني وهم شاكر عزاني لان معزوني من الفاتحه جنت اتخربط وشاكر اخذ حمودي يلاعبه وعلي اخذ علاوي يلاعبه رحت للمطبخ ساعدت البنات صبينه الغدة اتغدينه بس بلكوة مختنكه هاي اول لمه بدونه ويه اهله شيصبر كلبي بقيت الجهال بكاروكهم وتغدينه خلصنه لمينه المواعين اني ومريم بسرعه كملناهن وصبيت جاي اني ووديته دنشرب بجاي وتحجي عمتي الصاعقه كدام الكل
عمتي: عندي حجايتين اريدكم تسمعوهه بدون اعتراض وهاي مصلحه للكل
شاكر: خيرج حجيه ..اتدللي
عمتي: وضع سما ورة مخلصت العدة مو راهم تبقه ويانه ومنقبل تروح لاهله اشوف علي يتزوج سما وتبقه ويانه ونخلص من كلام الناس بعد جهال اخوة وهوة اوله بتربيتهم من الغريب والاسبوع جاي عقدهم
سما: اني بصدمه ابوع ع الكل ودموع تنزل مطر جنت اشرب بجاي وشركت اجه علي ومريم ركض يمي مريم كامت تطبطبلي وعلي انطاني مي اشرب اباوعلهم وابجي اختنكت متحملت كمت ع حيلي وحجيت عمه انتي شتكولين ابنج تربته بعدهي خضرة وخايفه من كلام ناس اني متركت هذا البيت لان بي بلال ومترك غرفه بلال وع تربيه جهالي اعرف اربي وراح نبقه هنا يمكم حته الغريب ميربيهم بس مال زواج حيل تظلمينه كامت تهوس واني لعندي حجيته ومن يحجون لكبار الزغار تسكت جان اتعصب واكوللهه لتعيدين ماضيج جبروج انتي وشفتي وين وصل بيج الحال ليش تجبرينه هااا شنو ذنبي اكعد من صدمه انام بصدمه شسويت اني بعد غياب بلال ممتعودة علي نوب اتزوج لا ونوب منو علي تعرفين شجان علي لبلال من كد حبهم جنت اغار ع بلال من اخوة واكوله هاي ضرتي ...شتحجين لخاطر الله اخذت احمد وعلي ايلاف ساعدتني وشالت واحد وصعدنه انحمست بعد صار كلشي يغوش عندي ظليت ابجي ساعه وايلاف حايصه بجهال متمددة ع جربايه وفجأه اندك الباب علي وشاكر ومريم طلب شاكر من ايلاف تاخذ الجهال بغرفه علي اني عدلت كعدتي اجمي كعدو مريم يمي وشاكر بطرف جربايه وعلي بقى واكف يحجون واني ابجي ....شاكر كال امي كلامه صح يا سماوي بلال امنه عليج وانتي لازم متطلعين بس هم مراهمه ترا يعني لو ماكو علي جان عقدت اني عليج مو قصه اخوفج بس هاي تقاليد وعادات وهذا علي كدامج يريد يحجي وياج كام يحجي علي واحس صوته مبحوح كال سما اني صدك معرفتج وانتي تدرين شكد علاقتي بالمرحوم يعني مو بس صعبه عليج هم عليه اصعب بس انتو صرتو من عدنه حته نخلص من هالتقاليد لازم اعقد عليج لان اذا رفضتي ورة سنتين ناخذهم منج لان بقائج هنا مو راهم اني اعقد عليج وكلمن يبقه بغرفته اني رديت كلت وانته شنو ذنبك من حقك تزوج وتعيش حياتك خوما نظل حمل وثكل بركبتك كال هششش مريدج تعيديهه اني رافض فكرة زواج بس هسه الوضع اختلف بس ع راحتج اعقد وكلمن يبقه بغرفته وع راحته وتريحين امي وناس متحجي ومريم هم بقت تقنع بيه وشاكر ظلو يكركون حسيت راسي انفصخ من جسمي محسيت بشي بعد انغمه عليه محسيت للعصر والكاهم بامستشفى وكالولي فقر دم ديأثر عليه طلعنه وجابو اكل وعصاير عنب اكثر شي ورجعنه للبيت طلبو مني مريم وايلاف مااحبس نفسي بغرفتي وانزل حته تتغير نفسيتي صعدت بدلت وتذكرت كلام عمتي كمت ابجي محس غير انفتح الباب والكه علي يطبطب عليه ويكولي كلشي براضج والله وهاي محنه وتعدي اذا تحبين بلال مرة وصارلج سنتين وياه لعد شكول اني صارلي 32سنه و٣٠ سنه بوجهه وسنتين بس اتصالات يعني اني تعبان اكثر منج مسحت دموعي بس مدنكه كالي ليش مترفعين راسج وتباوعيلي كتله مكدر كال ليش كتله كل مااباوعلك يجي بالي كلام بلال واتخايله كدامي لان جان يحبك حيل مسحت دموعي وكال اني من هاللحظه سندج وكلشي الج بدنيا اخوج ابوج ....وسكت كالي صدك شنو لكلتي لامي متيدين تصيرين نفسهه ومتظلمج كتله رجاءا مو وكته هسه بعدين كال ماشي وكال انزلي وانتي قويه جان من اسمع عنج تخيلتج بعظامه سور الصين شو طلعتي كلب عصفور جان ابتسم خفيف كال يي هاي لنريدة ترا بدموعج تعذبي بس صيري قويه لخاطر جهالج وشتحتاجين اني بس اشمري المخدة توصلني قصدة لان غرفته قريبه يسمع بس اصيحه وطلع ورة ساعه من البجي طبعا بدلت ونزلت ويه البنات عرفت ايات راح تيجي ع العشه ومريم وايلاف ديسون العشه رحت خليت جهال بصاله بالكاروك وكمت انظف البيت وخلصت اجوي واتعشو وانفتح موضوع زواجنه وانصدمت ايات وغيث بس ايات كالت ماكو احسن من علي يخاف ع ولد المرحوم وراح يصيرون عبالك جهاله متأكدة اني ورة العشرة راحو وكلمن صعد لغرفته اجه  الصبح اني طبعا ليل انام ويمي علاوي الزغير يبجي حمودي ارجع علاوي بالكاروك وارضع حمودي واخلي يمي ونمت كعدت صبح بتسعه لكيت الكل كاعد لبست تراك اسود ونزلت شفت مريم وايلاف ممتريكات تريكت وياهم وخلصنه شغل لان الغدة اليوم جاهز من برة ع حساب شاكر ف مطبخنه ب11ونص كاعدات كلنه بصاله عمتي بغرفتهه لازم فوني محسيت غير انسحب مني ابواع هاي مروة بنت مريم طلعت مريم مأشرتلهه حته يطلعوني من الضوجه لان جنت ابوع بصور بلال 😭 وكمت اركض وراهه ايلاف تكولي استحي ولج عيب مريم تكولي فنج تلزميهه داباوع لمريم واركض اكوللهه والله اني الج اله اسوي بيج احسن من هيج انطخيت اباوع هذا علي ومفرعه اني ملابسه شال باوعت اتاذت كصتي حيل اباوع حلكه مدمي من الطخه خررب نسيت شلابسه كعدت اعتذر سويتله اسعافات اوليه هوة يكولي مصار شي انطيته ثلج يحط ع شفته لانه مدميه محس غير هذا يباوعلي ويكول روحي بدلي ملابسج شاكر ع جيه طلعت وصارت بوجهي مريم وتضحك كتلهه اني الج انتي وبنتج هاي تشاقون وياي سويتو اصابه ودم لعد لو تضوجون شسويتو اسمع ضحكهم كلهم صعدت بدلت وهم لبست اسود ونزلت عرفت انو علي دكتور ومعندة مراجعين اليوم هوايه ف اجه من وكت بقت تصنف ست مريم علي اخذ حمودي طبعا من يجي علي جبير عمتي تطلع تكعد ويانه وعمتي لازمه علاوي ورحت اصلي .......
________________________
ام شاكر: والله ممصدكه ابني خذ حيلي شايلته بطلني ٩ شهور ولحظه لحظه يكبر كدام عيني يروح بلحظه يارب ماكو اعتراض ع حكمك بس ابني ملحك يشبع من جهاله اخ كلبي شكد اشيل قهر نوب مو كافي ترملت وعندي طفل نوب اتزوجت وخلفت واربي واتعب سنين وينخذ من كدام عيني اوووف يالقهر كل يوم شمعه من عمري يطفيهه القهر ويوازيني ع شغلات مرايدتهه اتوفه المرحوم وبقت مرته ممصدكه انه مات تتخربط كل شوي حسيت بخوف علي ع مرت اخوة وعبالك  يعرفهه   كلت يم علاوي اطمن عليهم واعرفه شلون جانت علاقته بالمرحوم مراح يفهمون لسويته بمصلحتهم لما يكبرون لان جربت هالاختبار وجنت مثلهم وهذا لمصلحتهم مضامنه عمري امن ولد المرحوم يم علاوي وهم سما بكد علاوي راح يتفاهمون ويفهمون ليش سويت هيجي ادري ضايجين من هالقرار بس يفهمون بمرور الوكت حته من توفه المرحوم تغيرت معاملتي ويه الكل صار جفاف بيني وبينهم عبالك هم لكتلو بس يصبرني جهاله اظل اشم بيهم ريحه الغالي