هو اوكسجيني الخاص
ولن اسمح لأحد استنشاقه!!🖐💔
__________________________
سما جانت من صدمتهه بالخبر لسمعته طبعا بلال بس يحاول يفهم اللي يصير وشكو شنو لبجاهه ....سما جانت بغرفتهه ومحاسبه ببلال يمهه تبجي ونزعت شال وفتحت دكم القميص ونزعته بلال بصدمه ويهدي بيهه طبعا سما جانت واكفه كدام باب الكنتور المفتوح وبلال ع جربايه بس كام يمهه يهديها وفجأه اندك الباب
بلال: فوت
ايات: شبيهه معرفت
بلال: لا والله هي منطيتني مجال ودموعها صب
ايات: زين تنزلون تتغدون
بلال: رحمه لوالديج هيه بياحال ...لا انزلي مننزل احنه
ايات: حاضر
بلال رجع التفت لسما ولزمهه وكعدهه ع جربايه
بلال: وحق الله لما حجيتي سبب بجيج راح اعلكًها يلا كولي خليتيني نار بدموعج
سما: هئ😭
بلال: لخاطر ربج احجي مو كطعتي كلبي
سما: ......😭
بلال: والله جبتي اخرج لا بهاللحظه اخليج مرتي صدك وانسه اي اتفاق لو تحجين
سما شهكت دموع وتحجي: هئ هئ ب ..ب ببلال
بلال: عيونه يا عيني صمطتي كلبي فضيها احجي شعلتيني شصار
سما: اليوم هئ هئ سمعت لماردت اسمعه ريت متت وبقت مداومت ولا اسمع هيج
بلال: تحجين هسه لو شلون داسحب الكلمه مبقه بيه حيل وعيونج
سما: صديقتي لجنت مغشوشه بيهه لا غزر بيهه عشرة ولا ملح غدرت بيهه جنت مأمنه بيهه حد العمى مصادقت غيرهه فضلته ع بنات المدرسه بس للاسف طلعت خاينه مطمر بيهه اخلاق ولا عشرة ولا صداقه هئ هئ هئ نوب جانت مصادقتني علمود تنجح بس هئ هئ طاح حظك يكلبي تصدك بسرعه امدا العمى لجنت بي عايشه
بلال: شلون خانتج منو هاي شسوت بيج
سما: هئ هئ كول لمسوته صادقتني مصلحه ونجحت وتركتني محسيت ليش بعدت عني حتى بعرسي مجتي ونوب هئ هئ
بلال: شصار
سما: هئ طلعت هيه البنيه الي لفت ع ربيع
بلال: منو ربيع نوب😒
سما: لجان رايدني هئ هئ لجان راد يخطبني وتغير فجأه لك جان يدعيلي كدامهه ويتغزل كدامهه شلون هان عليهه تاخذة مو صوجهه صوج الخبله لجنت مخدوعه بيهم ساعه السودة لعرفتهه يرب لا ترد ساعته ونسينياها
بلال: شسوت هي وربيع
سما: هئ اني شكًد انغش بلناس صوج كلبي يصدك بسرعه لو صوجهم ..راح تزوج ربيع هالشهر وو ..هئ هئ
بلال: يي كملي
سما: ومطلعه علي كلام طاح حظهه مشوهه سمعتي وع اساس اني جنت اركض ورة خطيبهه لجان رايدني ..هئ والله لوما اعرف ربيع ويه غير ابنيه جان سامحته بس هسه والله ممسامحتهم اثنينهم ليوم الدين ....وفجأه حظنت بلال وزاد البجي 😭😭😭
بلال يطبطب عليهه: هششش همزين عرفتي بس منو كالج خاف تريد توكع بينكم
سما: شتحجي اني هم مصدكت بس زهراء جانت وياي بلمدرسه وتكول جانت تحبني وتحب اخلاقي بس بتول مجانت توصلي كلام عنهه زين دائما تذم منهه واجتي تباركلي ع زواج وانطتني صدمات وشوفتني محادثاتهه ويه بتول وشلون تطعن بظهري وماخذة راحتهه ويه زهراء حتى صورت ويه ربيع ودازتهه للبنات وتكولهم اختارني وسما جانت تزحفله شنو من حقارة هيه اكثر وحدة جانت تكولي سمعي كلمه حلوة ليش هيج تسوي ....يربي شسويت بدنيتي كل الي احبهم يا ماتو يا غدرو بيه وجنت مامنه بيهم بس جنت معميه
بلال: هشش كافي يعمري انتي اني يمج متركج ومخليج وغلات عيونج لعذبني لا تبجين مين جايبه هالدمع موكف
سما: والله لو بيدي اعميهن لهالعيون لخدعتني ...
بلال: ليش هالبجي ع ربيع ..تحبي انتي
سما: ع صديقتي لطعنتني بسمعتي وجنت مخدوعه بيهه ونوب خلصو ولد العالم معجبهه بس لجان رايدني طاح حظهم وحظ الساعه السودة لظهرو بحياتي
بلال: انتي تحبين ربيع ؟ 😒😔
سما: والله مجنت احبه بس احترمه بس هسه احب العمى ولا اطيق اسمع اسمهم ليش هيج يسوون لو تكولي تحبين بتول اكولك هاي اكثر من روحي ..طاح حظ روحي لنخدعت
بلال: سكتي يعيني الحمدلله عرفتي طينتهم الوصخه ...ميستاهلون دموعج هاي لتنزليهه ع رخيصين عفيه امسحيهن لا اني امسحهن ورفع راسهه
سما: شوكت راح يجي يوم وتطعني انتي همات ؟
بلال: شتكولين يول اني اسويهه جان متت قبل لا افكر اصلا
سما: همه هم سمعوني كلام حلو بدايتهه
بلال: يعمري وروحي لماعندي غيرهه اني احبج ومتركج للموت ....واصابع ايدج مو سوة لا تخربطين عاذرج لان بصدمه ومسح دموعهه
سما: لتكول لاحد باللي صار عفيه محد يدري
بلال: لج خبله انتي شكول ...بس مريد اشوف دموعج هاي وداعتي ...يلا اضحكي
سما: 😔😒
بلال كام يدغدهه: يمه فدوة راحت عشيرتي وعشيرة لخانوج لهالضحكه
سما: ههه وخر امانه كافي
بلال: يوميه قابل اسوي هيج هسه خلي ضحكتج تلعلع مثل مدموعج علكت البيت ورجع يدغدغ
سما: هههههه كافي بداعتي ويلا كوم ابدل
بلال اتقرب منهه: لا بالله ليش انتي منتبه لنفسج شلابسه انتي ردتي تصلخين لوما تلاحكتج يمعودة مو زين اتحملت
سما تباوع ع نفسهه: عزة شسويت اني ووخر صد راسك هيج يلا 😒
بلال😳😚: هدي ترا زوجج وصار ساعه حاظنج محسيتي اله هسه
سما اتقربت منه وحظنته ودتحجي بس قاطعهه بلال
بلال: توج وخر وصد هيج هسه حظنتيني خوما تيدين هسه😅😉
سما: تكدر تسكووت
بلال : اذا اسكت تبقين فاكيد اسكت
سما: اسكت
طبعا بقت بحظن بلال ربع ساعه وساكتين ورة شويه رفعت راسهه وحجت ويه بلال
سما: مدري ليش حسيت من حجيتلك ارتاحيت بس
بلال؛ بس شنو
سما: مريدك تفهمني غلط حظنتك لان جنت محتاجه حظن ابجي بي ...بس مو تفهم راح احن واحب بعد هالصدمات راح تتغير هوايه اشياء بيه
بلال: تراج حميتي حبيبي هاي لانج معصبه اني اشوفج براءة الطفوله بوجهج متتغيرين بس تهدين ترجعين الفرفوشه مالتي
سما: هسه اني مو الفرفوشه مالتك يعني
بلال حظنه ودغدغهه خفيف وكال: احلى فرفوشه واحلى شي بدنيتي انتي سعادتي ولصار ترا قضاء وقدر والقدر جمعنه سوة هيج فكري اكيد الله ضاملنه شي احلى وجمعنه لان يعرف احنه واحد يكمل الثاني
سما استحت من قربه وكلامه حاولت متبين : اهوو شكًد تكرك وصارلك ساعه تبجي وخر دوختني
بلال: هههه يي حقج يعمري دوختج اني مو
سما: يي ووخر يلا اطلع
بلال اتقرب منهه وشالهه ووصلهه للحمام لان الحمام بنص الغرفه وفتح الباب وكال
بلال: وغلاتج مريد ازعلج وله شيطان ركبني وانتي بين اديه كبل اسبحي وتعاي ...حتى يوخر بين متفوتين تسبحين
سما: يي اتعوذ منه وخر خل اجيب ملابس
بلال: لا فوتي اني اجيبلج هسه
سما: شنوو لا بالله متشتهي اني اجيب طبعا
بلال: ترا منصحج تعاندين بهاللحظه انتي بين اديه
سما فاتت ع الحمام ركض وسدت الباب وفعلا حضرلهه ملابس ودك الباب وكال هاي الملابس اخذيهه
سما: علكهه ع الباب ووخر بداعت امك
بلال: شكًد خوافه وخرت راح اكًعد عجربايه
خلصت سما سبح وسحبت الملابس واتفاجأت
برمودا قصيرة وبيهه ضيق
سما بصياح: بلال شجايب بربك عود صدكتك
بلال: حبي طلعي امي تيد تشوفج
سما بدلت وطلعت وفتحت الباب وشافت بلال يضحك وشالهه
سما: مو صوجك صوجي بعدني اصدك بسرعه نزلني وين امك بالله
بلال: لو موجودة جان شفتيها اعرفج متطلعين اله بهيج ....ولج شطالعه يربج هسه صدك مو جنتي تبجين راح ابجي اني بدالج
سما وهي بحظنه وشايلهه: ليش تبجي انته
بلال: لج هالكمر لبحظني ومكدر المسه ولا يصير حلالي اخ اخ اخ منك يلساني تتفق اتفاقات توديك ورة شمس هسه اله اكولج نصير اصدقاء اخ زله لسان مكررها
سما: ليش تيد تزوج نوب ومتكول هذا الاتفاق
بلال: ههههه هيه وحدة وشعلت كلبي يا زواج نوب غيرج ماكو لو اعيش العمر كله متعذب
سما: نزلني هسه شايلني ويكولي محروم نزل يالمحروم
بلال: مو كتلج متتغيرين وهذا لسانج زايدج حلاه دينزل بيهه ع جربايه واجتي امه ومريم .يدكون الباب
بلال: فوتي ايوته
ام شاكر: هاي اني وليدي
بلال: حياج يالغاليه
ام شاكر: صلوات سماوي ع هالضحكه ....يمه شبيج اجيتي عالكتهه بجي والله حركتي كلبي شبيج
مريم: عمه شوفيهه تضحك ظاهر بلال مفعوله قوي ونوب شلابسه هاي دتتحرش بابنج يعميمه
بلال: يي والله كلام ام حمودي صح هيه تتحارش بي 😁
سما: 😒😳
بلال: اشاقه يابه عبست وجهه اني اتحرش بيهه😍
ام شاكر: يمه شبيج تبجين منو مأذيج وقاهرج
سما تباوع لبلال وبلال يباوعلهه جان يحجي
بلال: يمه جانت تبجي لان ..............
__________________________________
شنو رأيكم بالبارت 😁
دوسو نجمه ومشكورييين كومه من كل كلبي
دعمكم يساعدني 😍
توقعاتكم شنو حيجاوب بلال ؟؟؟؟🤔 توقعاتكم ممكن تغير افكاري مو تنسون صوتو* ⭐ ترا مجرد تدوسون هالنجمه لبخيلين بيهه😁😂
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
