شيصير لو كلبك يحن ولكَلبي ترحم حاله
شيصير لو بيدك تمس نبضه وتشوف شماله💔😍
يا ناس هم شفتو قبل بالحب مثل هالحاله😳
المذبوح يرضى بالكتل ويتوسل بكتاله☺️❤
______________________________
مريم : عمه هاي ام عمر تكول ورة يومين عرس بنتهم ويأكدون علينه
الكل: مصدوم😱😱😱
بلال: هههه😂😂 يي شكو بيه نروح واليوم العصر ناخذكم تشترون ملابس واتكشخو شكو بيهه
ام شاكر: يمه صدك تحجي تروح ويانه
بلال: نروح اني وسماوي يي ناس عزمونه ولحو مرتين شكو بيهه
ام شاكر: بس انته تعرف شيقصدون ؟
بلال: ورويحتج راح هم يتكطعون ورقينه راح ننحسد
ايلاف: حلوو راح نلعب لعب بيهم اريد فستان قصير اني
مريم: ههههههه مدام ايلاف عمرت السالفه لعد 🙄
ايات: سما عرفتي منو ذولي
سنا: يي بنتهم لجان محاجي عليهه لبلال ...صح
بلال: صح بس نصيبي وياج وبس
مريم: سماوي باعراسنه نلبس شاطي باطي بس من نصير بقاعه بس من نطلع جبه او رداء فوك لبسنه انتو شون اعراسكم
سما: مثلكم همات ....
خلصو غدة وشربو جاي طبعا المواعين ع سما وايات بس سما تموت ع جاي ف لازم تشرب
ايلاف جابت جاي وقدمته وشربو
ام شاكر: بنتي سماوي خففي من جاي مو زين بعدين خاف حامل
بلال: حجيه بعدنه تونه يا حمل مشبعت منهه 😍 خليهه تشرب ومن تصير حامل تبطل وغمز لسما😉
بلال بخجل: يلا ايوته راح اغسل المواعين
ايات: يي يلا نكوم
بلال: اخ كلبي ع الخجل ...وضحك وراهه حط راسه نام ع القنفه بصاله كدام المطبخ علمود سما 💚
ايلاف: يمه راح اروح بلمطبخ يم سما وايات مريم نايمه وانتي راح تنامين وبلال نايم حتى زعاطيط ومجايني نوم ظهر
ام شاكر: من تروحين صوتكم يطلع وبعدج ممكمله دراستج واعرفج زين
ايلاف: محجي بس امعد يمهم نامي ومن يخلصون حتى يبدلون ونكمز للسوك.......راحت ايلاف يم البنات بلمطبخ اول مفاتت فززت سما
سما: عاااااااا
ايات: وجع ايلاف شبيج مو نايمين فززتي البنيه
ايلاف: هي خوافه شسويت بعدين انفتحت جبستها اكيد 😂
سما: ولج والله لو ما يكعدون جان مجنزتج جوة ايدي بس بسيطه اردهه الج تدللين
ايات: شعندج اجيتي المطبخ مو عليج اليوم
ايلاف: حسيتكم ضايجين كلت اونسكم
سما: والله جنه نغني ع كيفنه ......بس خربت وناستنه من شرفتي
ايلاف: الله عليج سما غني لج صوتج حلوو مو زين لكينه بيج شي حلو
سما: هاا يعني مبيه شي حلو مو
ايلاف: لا حبابه انتي تموتين غني الله بركبتج اغنيه
" حبيتك حب ع الفطرة حب جاهل حب بزغرة" بداعتج غوالي كلبج غني
سما تباوع لايات
ايات هزت راسه بمعنى غني
سما بلشت تغني ...حبيتك حب علفطرة
حب جاهل حب بزغرة ..ويريد بحضنك يغفى ما يصحى لاخر عمرة .........
فجأه اسمع صفكات وبلال يصوفر وزعاطيط مريم يهوسون
مريم: متكولين بشر منخمد هسه بلال واجه يمج بلبيت عليش تخلين الواحد يكعد وطبعا دتفرك بعيونهه
سما: هاا ولج مو اني والله ايلاف لحت ورادتهه
بلال شاف سما خجلت من كلام مريم اتقربلهه حط ايدة ع ركبتهه وحظنهه وكال
بلال: مريومه يانوم بربج دنيا عصر مو ليل
مريم: غير جهال اخوج هوسه بكل وكت حتى ليل مشبع نوم
بلال: يأشر ع سما هاي الروح مالتي تغني باي وكت لج صوتها يموت خوما صوتج جنج شاكر من ينادي ع العامل لعندة 😁
مريم: خوش بلال هيج اني صرت
ايلاف: يمعودين اني طلبت منهه وهسه كملو شغل نروح نبدل حتى نطلع للسوك
بلال: بكيف سماوي 😚
سما: يي اطلعو بس لحد يحسب حسابي عندي ملابس ومريد اطلع
بلال : الكل يبدل واذا سما مراحت ماكو روحه وطلع للصاله
ايلاف: شبيجسما الله عليج روحي
سما: الوفه رجليه توجعني افهمي ...وعندي ملابس مال جهاز محد شافني بيهن
ايات: باعي سما بلال سوة طلعه كلها علمودج حتى تتكشخين ويغورهم بيج لانهم من عزمونه رادو يشوفونه زوج بنتهم احنه هم لازم نشوفهم زوجه اخويه
ايلاف: يي والله لازم نغورهم نشعل صفحه الخلفهم
مريم : يي سماوي روحي يلا اطلعي كولي لبلال راح ابدل وفرفري شوي ترا قصد بيت ابو عمر واضح
سما: انتي هم روحي بدلي
مريم: لا خيتي وين ابني يرضع مو مال اتركه اخذي مروة اذا تيدين وياكم ومحمد يبقى يمنه اني وعمتي
سما: هاي شمو لا انتي ولا عمه .....لعد شلون بالله
مريم: لازم احد يبقه بلبيت وبعدين بلال راح يشتري النه بس لبسي هالمرة اريدة ع ذوقج اوك سماوي يلا طلعي لرجلج
سما هزت راسها بمعنى يي وطلعت كعدت يم بلال ع القنفه بصاله وهمست
سما: يلا ابدل لو غيرت رأيك
بلال: اذا مجبورة ع الطلعه اتركي منروح
سما: لا ممجبورة .....بس ليش لاوي بوزك
بلال التفت الهه: لج ليش تهيجين شياطين الانس والجن عليج عقابج ع هالكلمه بعدين يلا طيري بدلي
سما: يا كلمه بالله
بلال: لاوي بوزك
سما: ترا مبيهه شي والله
بلال: تروحين تبدلين لو ابلش عقاب
سما طارت تبدل وهوة ضحك لان عرفهه عرفت العقاب ☺️
طلعو ولفو واشترو وجابو عشه وياهم وجابو لمريم وامه وجهال شاكر بلال اشترى ملابس بس خله سما تختارهم اله لان هوة اختار فستان سما 💏
ورة يومين صار عرس بيت ابو عمر والكل هوسه يمهم لانهم بجزيرة
بيت ابو شاكر اتكشخو كلهم وشاكر وبلال راح يروحون همات فات بلال ع الغرفه لكى سما تحط عطر وطالعه شنو تموت فستان قصير للركبه ذهبي ونص ردن ودلعته من ظهر اكثر وشعرها كيرلي لجوة الكتف اتقرب منهه اخ كلبي ولج رحمي بحالي رحمه لاهلج شلون طالعه ابطل منروح العرس
سما التفت علي: علمودي متروح لو لان عرس بتوله وغمزت😉
بلال حظنهه: لج اشتعلو تغمزيلي ...وج والله اذا شفت احد يمج راح احترك وبوس لتبوسين نسوان حتى مياكلوج هم يبوسن واني منشعل جد جدي
سما : وخر خل اطلع العبايه (دراء) وحطت شال فوك راسهه وطلعو والكل متكشخ طبعا راحو بسيارتين سيارةة بلال وشاكر وراحو لبيت ابو عمر وطبو وسلمو طبعا بيتهم جبير ف البنات فاتو بغرفه ذبو عباياتهم وشالاتهم ولمسلتهم الاخيرة وطلعو ع الحديقه لانهه جبيرة سوو العرس بيهه بعد اهل العريس مجاين ياخذون العروس والعروس بعدهي بصالون .....
النسوان باركو لام شاكر ع جنتهه الجديدة مرت بلال ومدحو من جمالهه وصلو العرسان لبيت ام عمر وسما رادت تتخربط بس بلال لزمه
بلال: شبيج روحي
سما : 😱😱😱😱😱😱😱😱😱😱😱
______________________________
ان شاء الله باجر انزل بارت جديد واطول من هذا واذا لكيت تفاعل انزل بليل صوتو مو تنسووون 😂😉
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
