تباوع سما بصدمه: 😳😳😳انته
بلال : شونج سما
سما بخجل : تمام وانته
حنين : هههه فديت لتخجل ...وين غيث وزينب
سما: مدري اجيت عبالي غيث وياج وو.. بسبب ابنج انحرجت وخري خل اروح للبيت
حنين: لج انتظري بلال يريد يحجي وياج يالفطيرة
سما😡: لا تكًوليها هالكلمه ماما تستفزني ليش تطلع منج وهاي اني احبج
بلال ويه نفسه: صح حبيت من تكرفص بشعري بس ضجت من تخيلت غيث وموب خجلت من شافتني ...والمصيبه حمر وجهه طماطه من الغضب لان كالولها فطيرة طلعت متحب هالكلمه
سما: خاله فوتي جوة رحمه لوالديج
حنين: يمه لتزعلين بس تصرفاتج بطليهه ...اني اذا افوت وين تروحين انتي
سما بعصبيه وتأشر ع بلال: مو الاستاذ يريد يحجي وياي خلينه هسه
حنين: اوف منج يم راس يابس راح انتظرج هناك نرجع سويه
سما: ميحتاج مو جاهل اعرف البيت
بلال: يي تسلمين ام غيث انتظريهه
راحت حنين وزعلت لان ضوجت سما وهيه تعرف سما متحب كلمه فطيرة ونوب كًدام بلال
سما: اتفضل احجي
بلال: هدي شبيج ...ترا حتى لو كلمه تعصبج ماالمفروض تتصرفين وياهه هيج عيب
سما: اهووو بس لا صدكت نفسك ترا بينه اتفاق وهذا مخليني ساكته واسمع بس مو تنصحني والشمس مصخمه راسي حر ترا فولت كول شتريد
بلال: استغفر الله العظيم..يابت الحلال اني زوجج شرعا هسه وحتى اذا اتفقت متقربلج مو معناهه منصحج ...المهم اترجاج لخاطر كل غالي وغاليه ع كًلبج لا تزعليها لج جانت توصي بيج وخايفه عليج حيل هيج تجازيهه
سما بقهر😢: كول بلال لخاطر ربك ترا عندي حساسيه من الشمس بعيوني وراح تدمع فضها احجي عفيه
بلال: باجر انروح نجيب الذهب
سما: اكولك خل ناجل العرس
بلال ويه نفسه: لك هاي عصبيه وخاف من اجل تطك عدهه حتى زواج متزوج
بلال: لا عيني خلينه نخلص ترا مبقى شي ع دوامج واني ماخذ 3 اسابيع اجازة بالكوة حتى اكمل تجهيزات وعرس
سما: بعدك ع وعدك
بلال بقله حيله: اهوو والله وعدتج شبيج كتلج الله شاهد
سما: زين عكًب باجر نرجع لبيتنه ترا
بلال: لا بربج ...زين اني اوصلكم حتى اعرف بيتكم
سما : بكيفك ...بس منريد نسوي زحمه غيث يوصلنه
بلال بعصبيه: سما كافي تكًولين غيث حتى لو ميانه او تعتبري اخوج لازم تفهمين هالشي ......منا ورايح اني اوديج مفهوم
دك موبايل سما وردت
سما: من رخصتك .....فتحت الموبايل
سما: الووو
رنا اخت سما: شبيج يعروسه معصبه ترا زعل مو زين
سما: ولخلقج والسواج مناقصتج شنو اليوم كلمن يحاجيني يطربني بنصايحه والنصايح تركًع مطر فوكايه
بلال: عرفت اختهه من حجت هيج واكيد كالت شي عن العرس وعصبت حبيبه كلبي العنوديه ...بس ضحكت لان قصدتني بنصايح
سما: حبي رناوي للمرة ال مليون تخابرين وتباركين تراا خلفت بسببج
بلال: طك ضحك هههههههه😂
سما انتبهت بلال يمهه خجلت: 😳🙊 ولي منا خليتيني اجفص
رنا: ليش اكو احد يمج
سما: يي ولي يلا
رنا: بداعتي منو منو الحب يمج😊🙊
سما: بلال يسلم عليج يلا باي
رنا: بوسيلياه لما اشوفه 😚🙊
سما😳: والله مستهترة انكلعي ...سدت تلفون وانتبهت بلال يضحك
سما: خيوو انته خلصت حجيك ع شنو تضحك حجيت نكته
بلال حاول يخجلهه: لا بس طلعتي مو امينه موصلتيلي لاختج كالت علي ....اخ مو امينه ترا امنتج لازم تسويهه 😉
سما: ليش تخلي شياطين الانس والجن يركبوني ...امشي الله يخليك ...عافتهه ودتمشي وايد جرتهه
سما: شبيك اترك ايدي
بلال: اوكفي اذا مرت خالج مو هنا اوصلج اني ومثل مكتلج راضيهه وباجر نروح علمود ذهب واخذ موبايلها
سما: تيد الموبايل اخذهه وخليني اروح
بلال: افتحي خل اسجلج رقمي ترا مخطوبين ورقمج معندي عيب
سما: شلك برقمي ترا محب هيج ومو احنه زواج ورق شنو لزومهه هالفيكه
بلال: لزوم الفيكه يامرتي العصبيه هوة راح ترجعين لبيتكم واحتاج انطيج خبر شوكت نجي عليكم شوكت نطلع نكمل جهاز عرفتي ست سما خانم
سما: سجل يمك ٠٧٨.........
بلال: راح اكتب علي الفطيرة
سما😡: بلال امك خوش مريه ومريد ابجيها عليك وخر من وجهي
بلال: لتعصبين هههه كافي لتعصبين حسميها حياتي سماوي
سما: اهوو انته شبيك شتريد تسمي سمي
بلال: شراح تسميني بجهازج
سما: شكًد بطران يربك
بلال: بطران ترا اكبر منج ..هاي من اصلج
سما: اهوو مقصدت ازعلك اعتذر
بلال: اعتذارج مقبول اذا كلتي شسميني
سما: اسميك ...ممممم..بلال الزعلان
بلال: لا كتبي زوجي حبيبي😁
سما🤨: تراك لحيت اكتب بلال وافضهه خيو روح لبيتكم تراك عطلتني
بلال : عن شنو عطلتج بالله
سما: مخبثت ع احد بسببك ونازل بي نصايح وزعل ....هسه اروح الكاهم مسوين مقلب بيه وحضرتك السبب مخبثت
بلال: ادري فرق العمر 10 سنوات بينه بس كبري عقلج عيني ماشي اتصرفي كمخطوبه ولتلحين بشقاج ويه ولد وخصوصا غيث وترا كفشي محلقته هيج شعري احبه محبه عالي
سما: راح اروح اذا كملت محاضرتك العظيمه واذا كدرت اكمل مشي احترك جد جدي بهالشمس
بلال: لتخافين بالبخ قصدي مكياج تطلعين حلوة
سما: ترا حلوة وادري بنفسي بس عيوني احتركت ومحس غير دموعي نزلن من الشمس
بلال: شوف مغرورة عليج ما شاءالله ..هاي شبيج تبجين
سما: لك انصمطت وخر خل اروح مو كتلك عندي حساسيه
بلال: صخام بوجه ليكرهج تعاي اوصلج يلا
سما: ميحتاج هسه اشوف حنونه
بلال: يلا بدون عناد واذا لحيتي اشيلج والله واوصلج للبيت
سما: اهووو شلون لزكًه هذا
بلال مشى وجر ايد سما : يلا شوفي ماكو احد
سما : دامشي حسيته لازم ايدي بس لزمتهه قوي بعد محس بشي غير صياح يكولي سما سما وبعد مدري شصار
بلال: لزمت ايدها ودنمشي وزادت لزمتهه قوي عبالي تحبني ومصدكت من الفرحه محس غير سما راح توكًع واصيحلها : سما سما سما كعدي سما شبيج
بلال: جان اشيلهه واوديهه لبيت خالهه وحطيناها ع قنفه
ام سما: وليدي شصار بيهه
بلال: خاله جنت احجي وياهه ومدري عدها حساسيه كامت تدمع وبعدههي دتمشي وتخربطت
حنين: هاي اكيد اخذت ضربه شمس هسه احطلها كمادات باردة واحاول اكعدهه
بلال: جيبو عطر او بخاخ ارش ع وجهه حتى تكعد
الكل: سما سما يمه سما
سما: فتحت عييوني واحس شي ورة راسي طلعت بحظن بلال ديكعد بيه والكل ملتم وحاسه دنيا تفتر بيه ووجهي من الحر صار طماطه
بلال: شهكت من فتحت عيونهه ونوب ابوع لوجهه طماطه صار مال اكل اويلي شسويتي بيه ...جان اكوللهه انتي زينه بيج شي حمدلله ع سلامتج
سما: الله يسلمك
ام سما: يمه بيج شي ليش صار بيج هيج
سما: لا ماما زينه صرت ....بس اريد انام بالغرفه لما وجع راسي يروح
طبعا هاجر وندى صعدوهه للغرفه وطول مهمه يصعدون بلال عينه ع سما
حنين: ابني تعبناك فوت غسل وهسه نصب الغدة
بلال: لا خاله تسلمين راح اروح بس من تكعد طمنوني عنهه
ام سما: وليدي مشكور .....مثل مكالت ام ليث فوت غسل واتغدة
بلال: لا تسلمون قابل اني جاي اجربكم
حنين: وليدي هاي اول طلب اطلبه ابقى لما تكعد سما ترا بيتك هنا معندك شي حتى ميظل بالك يم سماوي
بلال ويه نفسه: هسه شبيك مجلب تسلمون ابقى واطمن عليهه من تكعد لا تعاند شنو انعديت من هالسماوي
بلال: هاهيه خاله لتردو ...راح ابقة ...بس اريد اغسل حتى اصلي ظهر
ام سما: يي وليدي حياك اتفضل منا .. ........
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
