طالع تخبل ألف هنيالي😚
غير طولك كلشي ما يحلالي💚
بين وجهك والكُمر بس اختلاف
هوة مال الناس ووجهك مالي😘
ـــــــــــــــــــــــــــــــــــ
سما بعد ما حضنت بلال همست اله: شد الخيط بسرعه
بلال : يا خيط
سما: البدله مالتي مبيهه سحاب بيهه خيط وانفتح
بسرعه عفيه ناس تباوع
بلال: يي هسه صار....ترا راح يفهمونه غلط وانتي متدرين
سما: باع شيحجي لك ممتونسه بحضنتي لك خلص بربك
بلال: ترا اطول مسوي ...هشش وو..
ام شاكر قاطعته: وليدي كافي عيب عدكم الليل كله يلا حتى تروحون للقاعه
بلال: يمه شلون بالله غير سماوي تيدني احضنهه
سما بخجل: كملت شديته ....عمه والله مو اني
ام شاكر: يمه شبيهه حتى لو ردتي مو زوجج يلا ناس تباوع عليكم.....هلهللن يبنيات
البنات: كلللللللوووووووووووش😀
بلال: مريم صيحي شاكر او اي احد يصعد سيارة بطرمه
)طبعا بدله سما صلوخ ومفتوحه من صدر شويه وتجنن طالعه سما فغار بلال وخلاها بطرمه تصعد حتى ميشوفهه احد)
بلال فتح باب السيارة: اتفضلي مدام 😁
سما: شعندك شاك الحلك بالكشرة ....اوووف والله ضوجني هالفستان ثكيل متحمله هفف
بلال: صعدي لتفضحينه ....ههه ليسمعج شيكول ع كلمه ثكيل متحمله ....هههه
اجوي سلمو عليهه اهلها قبل لا تطلع ويبجون حتى حنين وستار خالهه
سما: هسه اعنس مراضي اتزوج تبجون شنو هالنكد ....راح انتحر حتى دموعكم تنزل حلال
حنين: لج هاي دموع الفرحهه
بلال يضحك ع كلام سما: ههههه هاي بعيوني لتخافون يلا اتاخرنه
ام سما: وليدي دير بالك عليهه وطول بالك وياهه
وراحو للقاعه وصارت الحفله وبليل الكل رجع لبيته وام شاكر والعرسان والبنات رجعو بقه شاكر يخلص حساب ويه ابو القاعه ويرجع وابو شاكر هذا الاسبوع يم زوجته ثانيه ورة يومين يجي لام شاكر
البنات : الف مبروووك
بلال وسما: الله يبارك بيكم
بلال: يوم الكم واخلص 😁
ايلاف : لا عيني ع كلبك لازكين 😛
ام شاكر: هشش تركو العرسان يلا وليدي صعدو لغرفتكم هلهلوو يبنات
مريم وايات: كلللللووووووووش😄
سما تهمس لمريم: كافي طرشتي اذني
مريم: بلال موصيك لسانهه منريدة صبح نلكى ماكو لسان لسما مو تنسه وغمزت لسما 😉
بلال: ههههه ترا دتخجليهه معليج انتي بيهه
مريم: هيج صارت هسه
ام شاكر: كافي وليدي طلع مرتك للغرفه يالله وبعد شوي نجيب الكم العشه
وديصعدون وفجأه صوت ...هووووب
مريم وايلاف: هووووب هوووب وين هيج
بلال: شنو وين ...رايحين ننتحر ..طالعين لغرفتنه ولي ايلاف منا
مريم وايلاف: لا لا شيلهه
مريم: متعرف الرومانسيه ابد
سما: لا لا ميحتاج عندي رجلين وامشي عليهن😅
مريم: هشش شيلهااا شيلهاااا
سما : لج ميحتاااجج....فجأه شافت نفسهه بحضن بلال شايلهه
بلال: هش يلا ترا راح تلزك مريم ....
سما:: اني فستاني وحدة يرادلهه شيل نزلني عفيه وطبعا خجلانه 🙊
بلال: لخاطر ربج مو مال خجل ترا كوة متحمل
سما: مو كتلك ميحتاج تشيلني
بلال: وين مخج راح ليش مكدر اشيلج قصدي دتموتيني بخدودج الحمر جنهه طماطه مال اكل وتفكيري ووعدي لوعدتجياه مال اغبياء تندمت بس ورا ويش اوف
سما بضحكه: هههههه ليش متندم ترا هذا لخلاني اوافق بيك ف مو تخوفني من هسه امانه
مريم شافت ضحكه وسمعتهه جان تحجي لسما: خيه ع كيفج مو تفضحينه بهالصوت ليلعلع عود ورة متنسد الغرفه عيب صوتج يطلع ويلعلع 😉😄
سما بخجل : كله بسببك نزلني امشي
بلال: ههههه وصلنه يلا
فات بلال ونزل سما بالغرفه ووشغل ضوة
سما: الله حيل حلوة 😌
بلال: ادري ذوقي حلو لو مو حلو مختاريتج 😉
سما: اهووو بلش الغرور ....اكولك لنبدي وتذب كلامك وتخجلني عفيه
بلال : فديت ليخجل ......حممم الف مبروك سماوي 😁😘
سما: شكلت توني لتخجلني امانه ....
بلال كعد ع جربايه وسما واكفه يم المرايه وتباوع لبلال
سما: اريد ابدل شلوون 😢
بلال: شنو شلون بدلي
سما: يي اطلع برة حتى ابدل
بلال كام ويتقرب منهه : ليش اطلع ناس شتكول زوجتك طلعتك حتى تبدل
سما: شدتسوي لا تتقرب لا والله .....
بلال اقترب اكثر : يي شسوين
سما والدمعه حتنزل : انته وعدتني ومشيت ع وعدك
بلال : هاي شبيج لهدرجه ........هاي باب الحمام صبغته نفس الحايط مال الغرفه وفتحه كال الهه فوتي
سما وهي فاتت قبل متسد الباب: خباثه مو بيدك وسدت الباب
بلشت تفتح شعرهه وتذكرت مجايبه ملابس والبدله شادهه بلال 140 عكدة متكدر تفتحهه ورة عشر دقايق طلعت لكت بلال مبدل تراك وكاعد ع جربايه من شافهه ضحك
بلال بضحكه: محتاجه مساعدة 😉
سما: مماخذة ملابس وياي اجيت اخذهم وبعدين كتلك شد الخيط مكتلك اخنكني عاكدلياه ميه وارعين عكدة شلون افتحهه
بلال : ههه اني افتحه
سما : لا تحلم ووصلت يم الباب بس سمعت صوت بلال
بلال: وين رايحه
سما: اصيح وحدة من البنات تفتحلياه
بلال اقترب منهه بخطوتين بسرعه
بلال : دير بالج تيد تفضحينه ولزم ايدهه وانطاه ملابس نوم
سما: هاي شنو ملبس ذولي لو اموت 😳
بلال : سما هسه حيجيبون العشه وحيشوفوج شراح يكولون البسيهه بس ورة العشه بدليهه وهاي روب فوكاهه طويل عفيه لتعصبيني
سما اخذتهن ورة ما شافت عندة حق هم ميدرون باتفاقهم فلازم تمثل دور العروس وفتحت الباب ومحست غير شي لزمهه من خصرهه
سما: بلال شدتسوي
بلال ايد لزم خصرهه حتى يوكفهه وايد ديفتح بيهه الخيط : ههشش خليني افتح ال ميه واربعين عكدة حتى متزعلج غير
سما دتضحك
بلال حسيتهه تضحك: اخ كلبي يمسكين 😘
سما : خلصت ابو كًلب رهيف 😄
بلال : سما والله دتحركين اعصابي خفي من كلامج علي ترا بالكوة اجر النفس واني يمج والله احبج
سما : شكرا لانك فتحت العكدة لعكدتهه وسدت باب الحمام وبدلت ودتحجي ويه نفسهه: سما ديربالج تضعفين هوة مو جان رافض زواج خاف يكولي احبج لان رفضت اخلي يلمسني ...يي ماكو غيرهه ديربالج تضعفين سما ابقي قويه خلصت تبديل طلعت واني لافه روب بس بي فتحه لحد الركبه حيل ضوجتني
سما طلعت كهدعدت ع جربايه من طرف ومحس غير اتقرب بلال بنص جربايه وديحجي
بلال : سما ممكن طلب ؟؟؟
سما: تفضل
بلال : اريد باجر متظلين تطولين لسانج بس باجر بذات حتى يصدكونج عروسه طبعا تستحي ثاني يوم
سما: قصدك مااستحي اني
بلال: ليش تفهميني غلط يعني لتزوج عدنه ثاني يوم تظل خجلانه هذا لردت اوصلجياه لانهم ميعرفون اكو اتفاق ....
سما: ماشي وفجأه اندك الباب
مريم وام شاكر: يمه وليدي هذا العشه عافيات وعشي بنته سماوي ...
مريم: عمه وصي سما تعشي بلال مو العكس
سما ردت احجي بس باوعت ع بلال مرادني احجي عاد نزلت راسي ع اساس خجل بس اني اعصابي فارت 😡
مريم : يمه ع الخجلان فديته
ام شاكر: كافي مريومه
بلال: مشكورات
ام شاكر: يمه ورة متخلص صيحنه ناخذ صينيه
بلال: ميحتاج اني انزلهه
ام شاكر: يمه سماوي اتعشي مو تستحين
سما : يي عمه حاضر وطلعو مريم وام شاكر وسد بلال الباب
بلال : يلا تعاي اتعشي
سما: مااريد تعبانه جوعانه نوم مو اكل 🤭
بلال : بس لا صدك تستحين مني
سما : لا بس ممشتهيه
بلال: سما تكومين لو اسوي شي ميعجبج
سما خفت بس اتظاهرت مخاف: مو غصب ترا شنو لميعجبني
بلال : اجه شالهه وخلاه تكعد تتعشه
بلال: تتعشين لو اوكلج بيدي 🤔
سما : لا اتعشه بيدي شوف
بلال : متيجين اله بالعين الحمرة
سما : لا الخضرة هم ترهم😄
بلال: لج ماخذلي جاهل مو
سما: والله ترا حزعل شنو جاهل
بلال: تزعلين مني بصفه زوجتي لو صديقتي 😁
سما: مدام بالغرفه صديقتك لا تكول جاهل
بلال : اكلي ومكولهه نوب جاهل يلا
وورة ساعتين اجتي مريم تاخذ صينيه وتدكدك ع باب
بلال: مريومه مملاحظه كل شوي وجايه هنا ترا عرسان احنه
مريم: هاا بلال هاي ام لسان علمتك موبالله ع كيفك ....اجيت اخذ صينيه 😀
بلال : اتفضلي اخذي
مريم : ماشي بس سما اذا تيد تطلعين ترا ماكو شاكر اجه نام
بلال: وين تطلع
مريم : هدي يمعود خاف البنيه تروح للتواليت شبيك تلحك تشبع منهه
بلال: صرتي انتي ام لسان مو هيه ولتخافين مااشبع منهه ابد
سما خجلانه بس تضحك ع كلامهم
مريم: يي اضحكي ست سما خوش محامي
سما : اااا بلال
بلال : عيونه
سما : اريد اروح للتواليت مدام مريم اهنا تاخذني بس ابدل
مريم: لج هوة بس بلال شاكر نايم والجهال نايمه انزلي
بلال : هووب وين شدي الروب زين وحضنهه كدام مريم ونزلو وطبعا سما تهمس لبلال اتركني
وصلو المطبخ شافو البنات كاعدات جان مريم وصلت سما للتواليت وبقت تنتظرهه
طلعت سما وغسلت واجتي ع مطبخ ويه مريم لكت البنات يركصن وبلال يشجع بيهم
مريم: عززة هاي شنو
بلال : اني اروح للتواليت واجي سما ابقي هنا
ايلاف: اكيد تبقه هنا قابل تشرد
مريم : لا قصده متنحرف وتتمركص مثلج
بلال: عفيه مثل ما مريم كالت وطلع بلال للتواليت
البنات بطلن ركص وحجت ايلاف
ايلاف: ها عروسه شونه اخويه وياج وغمزت 😉
سما: لج متاكدة انتي ممتزوجه 😄
ايات : مبروك سماوي
سما: يباركلج حب ويوم الج
مريم : اكلج سماوي عمي ابو شاكر ع اساس ورة يومين يجي بس باجر راح يجي ...
وهوة عصبي ومو مال شقه من تسلمين علي
سما: يعني ابوسه من ايدة لو من راسه لو احطله تك رجل😁😁
ايلاف ماتت ضحك والكل طبعا
بلال ويه نفسه طلعت سمعت البنات حرجوهه من شلون اخويه وياج وبعدين من جابو طاري ابويه وجاوبت موتتني ضحك وفتت
بلال: احمم يلا سما نصعد
مريم: بلال الله عليك تعال اسمع حتموتنه ضحك والله لو ابوك يسمع كلامهه جان هسه هي الله يرحمهه
سما: ليش لهدرجه صعب وميتعامل ..ترا كمت اخاف
ايلاف: ترا ابويه زين وحباب مو بعبع تخافين بس احنه منخاف احنه ميتين خوف😁
ايات: الصمي فوفه ....حبي سماوي اصعدي ولتخافين بابا مو لهدرجه بس رجال من زلم قبل مو سبورتي لتخافين
مريم: لج سماوي شو وجهج انكلب الوان ...ترا نشاقه بلال اخذهه هسه يصير بيهه شي
وراحو حتى يصعدون جان ام شاكر همست لبلال عود الابيض اشوفه صبح
ووصعدو وبلال ضايج يفكر بكلام امه
سما: الووو هيه ياهوو من ارض سما الى ارض بلال هل تسمعني حول😌
بلال : ههه لج اعقلي خليني بضيمي
سما: اكدر اعرفك ضيمك شو ورة ما امك حجت وياك ضجت شكالت
بلال: خاف تخجلين واخاف ع كلبي الصغير لا يتحمل خجلج 😄
سما😳: كول مراح اخجل
بلال: احمممم حممم امي تيد تشوف الابيض الصبح
سما: وشنو يعني 🤭
بلال: انتي فهمتي شقصد الابيض مال زواج ليثبت انج مرتي
سما بخجل ووجهه صار احمر: شنسوي
بلال : خررب مو كتلج متحمل خجلج مو زين ع كلبير...اكو حل واحد تصيرين مرتي😁😘
سما بخوف: وعدك لا تنساه مو كل شوي اذكرك واكو حل
بلال: كولي يحلاله المشاكل 🤔
سما : اريد شي حاد وانطيني الابيض
بلال : شسوين
سما : انطيني شي من ادوات الحلاقه مالتك
فعلا كام جاب موس وممفكر راح تسوي هيج
سما: لزمت الموس وبيدي ثانيه الابيض وهوة يباوع جان صحت بصوت خفيف آخ لان جرحت زندي مال جهه اليسرى وحطيت الابيض ع دمي بس حيل وجعتني ايدي وجان اشوفه ضاج وهم كام بلال وجرح ايدة وخلاهه مثلي
بلال: شلون هيج تسوين
سما: حليت المشكله بعدين شلون تجرح ايدك انته همات
بلال: احنه اتفقنه سوة وانتي مو بس تضحين اثنينه لازم وكام عقم جرح سما وعقم جرحهه وكعدو ع جربايه
سما: اني حبدل تراك وبين ما اطلع شوف منو ينام ع جربايه اني لو انته🤭
بلال: بدلي وتعاي لان قررت
سما : كول
بلال: بدلي بالاول
راحت سما بدلت وطلعت كعدت ع جربايه من طارف
سما: هاا شقررت تنام وين بالكاع لو بجربايه🤔
بلال😎؛ لزم ايد سما وجرهه وكال ..انتي تنامين ع جربايه واني هم انام ع جربايه وانتهى
سما: شتكول شنو اللي انتهى مقبل طبعا
بلال: يبنت الناس مسويلج شي اني انخمد بهذا طرف وانتي بهذا ...اله اذا انتي تكاونين بنومتج 😀
سما😏: مدافر اني بس منام بنفس جربايه
بلال : لعندي كلته اهنا ننام اثنينه ويلا خلاها تمدد وغطاها وكال نامي مريد تحرش بيه وغمز الهه😉
سما: تحرش الحمدلله والشكر يا تحرش بس اني خايفه منك ومن تحرشك
بلال: اني مجايني نوم وانتي
سما تظاهرت نوم🤭: مممم ميته اريد انام ...
بلال بطرف عين : تصبحين على خير
سما : وانته من اهل الخير
ورة ربع ساعه بلال ممدد ع جربايه من طرف ويشوف سما كل شوي تتكلب معناه منامت
بلال: ترا مبيهه شي اذا كلتي مجايني نوم 😌
سما : لان غيرت فراشي مجايني نوم
بلال: شنو رأيج ندردش
سما: بشنو ندردش بالله😳
بلال: احجيلي عن نفسج شوي واحجيلج عن نفسي اول منبدي بالاكل هالليله انتي كولي لتحبي ولما تحبي واني اكولج لاحبه ولما حبه ...وكل ليله نتعرف واحد ع ثاني اكثر شكلتي 🤔
سما🙊: ماشي اني احب السمج والولمه.........ولما احبه باجه طرشي .....
بلال: صدك متحبين طرشي
سما: يي محبه ومحط ايدي بي 😄
بلال اني احب : كباب ........ولما احبه المركه الحمرة محبه بس الفاصوليا حتى لو حمرة
ظلو يحجون لما نامو
اجه صبح والكل كاعد بس العرسان ....بلال كعد قبل سما حب يخبث ويخجلهه لزم ايدهه خلاها ع ركًبته و ضحك سوة نفسه نايم
ورة شويه فزو ع صوت الباب يدك
سما كعدت بصدمه: 😳😳😳😳😳😳😳
■■■■■■■■■■■■■■■■■■■■■■■■■■■■■
شنو رأيكم واي شخصيه عجبتكم لحد الان 🤔
مو تنصون صوتو وشاركوها مع اصدقاءكم والمتابعه اكيد 😚
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
