قدري المكتوب دون ان اعلم(مكتمله)

30

اما بعد..
فلن احب احد بعدك..✋
اما قبل ..
فانا اساسا لم أعرف الحب الا بك..❤👉
__________________________

سما: جنت ابجي واحجي ويه المرحوم وحبيبي وتهسترت واجه علي يكومني فجأه انداريت لكيت وحدة ممتوقعتها ولا توقعت هيج يصير بيها ييي شفت بتول لجانت
صديقتي جايه تزور قبر امها وعرفت زوجها ربيع بينهم مشاكل مستمرة هسه واصله للطلاك والله حرمهم الذريه هيه كاعدة بيت اهلها اجتي تصيح سما سامحيني وتبجي كسرت كلبي لان امها توفت صار الهه سنه وزوجها راح يطلكهه وميخلفون ثنينهم وزوجها مستقر ببغداد وهيه بالانبار شلون ربي انتقم وجابلي حقي بس ما انكر بجيت من شفت حالتها بس مكدرت أخذها بحظني اني بشر مو نبي اتذكرت شلون طعنتني بظهر وشوهت سمعتي واخذت لرادني طلبت مني اسامحها ورة ما فكرت كلت الهه سامحتج الباقي انتي وربج ورحنه وصلني علي للسيارة ورجع لقبر اخو يحجي مرات يحجي بعصبيه حسيته ديشكيني ومرات يحجي ويضحك حسيته ديحجي لاخو الاشياء لفرحته وشويه واجه رجعنه للبيت والنفسيه كآبه محد حجه الكل بقه ساكت شويه وخابرت سارة ع علي ومرد ورجعت خابرت عليا رديت سلمت وحجت شويه وواستني وكالت علمود تجهيزات مال عرسها شلون بعد ٣ ايام ع العرس صحت علي لوحدنه وكعدت احجي وياه وراسي جوة للكاع اباوع ودموعي تجري عشرة عشرة تذكرت بلال اوووف ياربي انطيني التحمل والقوة كتله لراح راح وعرسك بقاله ٣ ايام مظل وكت نجهز.. العروسه شنو ذنبها هااا يلا كوم احجي وياهم ..رفع راسي وكال ليش الدموع دتعذبيني اني مو بس المرحوم حظني وكام يمسح ع راسي كتله مو بيدي والله كلما اتذكر شلون لو هسه عايش جان هسه يهوس ويركص بعرسك جان يظل يكول العب طوبه بعرس الغالي وهسه عرسك وهوة مموجود علي اعتذر والله واوعدك حصير اقوة واوكفلك الوكفه لرادها بلال لان بلحلم جان ميحجي وياي يلا يا بطل روح كول الهم العصر نجهز وخرت من حظنه ومسحت دموعي باسني من راسي وكال ترا زواجي من سارة لا علمود حب ولا حته استخطيتها بس مردت افشلج كدامها لانج وعدتيها تصرفين ف هسه اوعديني ماكو دموع اعرفج انتي قويه وام لسان اريدج ترجعين ام لسان الشقاوات ونزلنه وكال علي العصر يكملون التجهيزات بعد ما لحيت عليهم وفهمتهم سارة شنو ذنبها بلال اتوفه الحي اوله من الميت وسارة مريضه خلينه نفرحها وبقل هو الله أحد وافقو اتغدينه وبقو اهل زهراء يمنه العصر راحت زهراء وامها وخالتها يجهزون لاسراء ولازم سارة نجهزها لان عرسهم نفس اليوم وكلت لمريم او ايات تروح ويه عمتي وعلي يجهزون سارة بس علي كال كلنه نروح محد تبقه بلبيت واصر لازم نروح ورحنه وجهزناهم من كلشي وعلي اصر اشتري ملابس ولح حيل وافقت ومريم اشترت ع ذوقها الي بس مشفته بالي جان يم بلال وعذابي خلصو اخيرا ويه المغرب فتنه بمطعم وتعشينه وبهذلوني التوأم علي لزم حمودي وسكته وبقاه بحظنه وعلاوي نام بحظني وسند بقه يوكح بس حسيت سارة مثل لضاجت لان علي شال جهال او لان اصر ولح يشتريلي ملابس حسيت اكو غيرة برغم حاولت متلفت انتباهنه وبرغم اهل علي جانو حزنانين وعلي همات بس وافقو ورة ما اصريت لان سارة هم مريضه خطيه نكسر فرحتها شنو ذنبها خلصنه وراح كلمن لبيته (تسريع الاحداث) تجهزنه احنه البنات رحنه للصالون حف وتنظيف بشرة وزهراء رجعت للرمادي مناك راحت للصالون اني وايات ومريم وايلاف رحنه سوينه تنظيف بشرة وشعر سوينه سمكرة لتأهيل خلقتنه ع كوله ايلاف 😂 ورجعنه كملنه طبخ واكلنه وخلصنه وعلي باليومين الاخيرات مشوفه حيل بلعيادة لان مهند ديحضر لعرسه واحس علي محاسب نفسه عريس 😔 خابرو وعزمو الناس العرس حيكون بقاعه علي ومهند رادو هيج خابرو وعزمو وخابرو اهلي واهل مريم وطلبت من مريم تسوي اجواء عرس خطيه علمود علي بيوم الحنه رحنه لبيت سارة حناها وهوة ضايج شوي ورجعنه حته الولد يسوون لعلي ومهند حنه طبعا مهند اقترح الحنه تكون بيته مو بيت علي ومريم سوت اجواء وشغلت اغاني وكامت تركص هيه وجهالها بس ايات وايلاف ومنار وزوجه اثير اخوهم اسمها نور بقو بس صفكو كمت جريت ايلاف وايات واني نركص ويه مريم خطيه ليش ميفرحون لاخوهم وبدفرات والتوسل ركصو وركصنه وعمتي طلعت من غرفتها وهم بالتوسل اني ومريم وايات ركصناها شوي خليناها تفرح ل علي شوي واجوي الزلم ريسن كعدنه عاقلات😂😂 بس عمتي فشلتنه كالت كملن هز ليش وكفتن قصفتنه كدامهم جان علي وشاكر وابوة واثير واخوانه من ابوة واحمد زوج ايات وزوج منار راجعين من الحنه لصارت للولد بيت مهند .... الزلم طبيعين جهال شاكر بقو يردحون وشاكر يركص شوي لان فرحان لاخوة واخوت علي من ابوة ركصو وراهه كام علي باس راس امه وابوة وشاكر حب يلطف الجو وكال بوس راس خيك واخذ بركتي😂😂 وهم باس راس شاكر واثير فكال اثير عمي لتحمه باجر تتزوج واشبع بوس وفر طاقتك مجاي من الحج😁😁 ضحكنه ع كلامه وعلي كال بعنادك وبوس خواته والجهال ومريم انطاها بوسه طايرة كال براسج هاي 😁 وباسني براسي وجهالي باسهم وكعد صح يشاقه بس يصفن هواي صارت بلوحدة الكل راح ينام ورانه تعب الصبحيه نمنه وايات خابرهه غيث كال بقالي اسبوع ويخلص المؤتمر وارجع والله مشتاقلج يا ايات يحبي ترا مغلطت باسمج وصحيت ع روحي والله ........ وخلصو وسدو تلفوناتهم ونامو طبعا لليوم مشفت الفستان لمريم جابته ولا علي شافه صح دفع فلوسه بس مريم مخلتنه نشوفه صبح الصبح كعدنه نشاط بيهه عرس صبحت ع صورة بلال ووعدته ما اكلب العرس حزن وابجيهم واسويهه صدك حفله ايات تسمعني وتكول باع الحب الله يرحمك يابو علي والله ناقصه بدونك اليوم اني رديت عليهه لان وعدت نفسي مااقهرهم وابجيهم كتلهه اني اسد بمكانه وجهالي لخلف مامات ضحكنه وكمنه بتراكسودنه كلنه نخبث شويه كمنه لغرفه شاكر شفنه بس مريم ومروة نايمات وشاكر وجهاله نازلين جوة صوتهم يجيب التايه 😂 فززنه مريم ولطشت وجهنه بمخدة ضحكنه وصنفت ع نشاطي اني وايات رحنه لغرفه علي هم فززناه مريم كالت مبقيتو بي جهال😂🙊 كعد مستغرب نشاطنه كال شعندي مكعديني من الفجر قابل وراي لبخ😂 قصفنه 😔🙊
كلناله وراك ريوك وتوصل العروسه للصالون وتستقبل لناس لتيجي يلااا يلاااااا كام بين ما ينزل نزلنه هجوم ع ايلاف ومنار وبنات منار لانهم نايمات بغرفه البنات قبل لجانت لايلاف وايات رحنه هجوم وعلي دينزل فززناهم وضحكنه علت اصواتنه بالضحك طلعنه نروح نحضر ريوك سمعت صوت جهالي كمزت لغرفتي كَبل شفت علي يهز لحمودي وعلاوي كاعد عاقل بعد امه خذت حمودي وسكته وعلي لزم علاوي يكوله عفيه بابا طالع عليا عاقل وله حمودي مثل امه مصحصحين ونشطه وتفزز بلناس 😳 كتله غير فرحانه نزوجك ويصير عرس بلبيت اتقرب واني شايله حمودي انلطشت بلحايط اتقرب وكال ليش فرحانه بزواج زوجج هاا اول مرة اشوف هيج كتله لان راح تسعد وحدة مريضه ونوب انته حتزوج ويصير لك عرس وهم زهراء يعني فرحانه الكم كلكم يلا ننزل نتريك نزلنه وتريكنه وشقى خلصنه ولملمنه البيت وبلشت العالم تيجي علي اخذ ايات وراحو لسارة يودوهه للصالون واحنه كملنه هوسه لليباركون وراهه انتقلو للقاعه اهناك الغدة كملت جهالي تبديل نزلت انطيهم ل منار وعمتي لان كملو ومريم دتبدل لجهالهه وحته تبدل همات وايلاف تبدل نزلت دانطيهم واجه علي عمتي كالت العريس شو ممبدل ليهسه باوعلي وكال غير اوجب وين مريم وتشوف اني الي اوجب وشاكر ناصب نفسه يكول هوة العريس متنه ضحك😁😂 صعد يبدل ونزلت مريم مكمله تبديل وكالت الفاهيه مالتنه شو بعدهي كتلهه البركه بيج ممنطيتني الفستان ابدل مجلبه بي كالت ام لسان رجعتي كلللووووش رجع لسانج يهز البيت فستانج ع جربايتج كملي بسرعه حته اشوفج بي اول وحدة صعدت سبحت ولبست فستان يجنن مستور من فوك الردن تور ع طولهه وطويل ومخصر بس بي فتحه من كدام للركبه ولونه كريمي باطرافه موروني حطيت بودر خفيف وماسكارا وكحل ابيض داخل عيني بدون كحله سودة وحمرة حمرة خففتهه وهاي اول مرة احط مكياج ورة ما توفه الغالي وابو جهالي لا سما لتبجين انتي وعدتي نفسج كوني كد الوعد وسيطرت ع نفسي ماابجي .شعري شسورته وعفته مفلول لنص ظهري فاتت مريم تباوعلي من فوك لجوة وتصلي ع النبي 😍 وجان باب الغرفه مفتوح طلع علي من غرفته لابس القاط ورافع شعرة هم طالع حلو فات ويباوعلي من فوك لجوة