تركتٌ لرحمه الرحمن نفسي
فمالي دون رحمته رجاء😭
_________________________
سما باوعت ع تلفون: مو وكتك
بلال عصب: 😡😡😡 ردي شوفي شيريد
سما اترخصت من البنات وحطت ايدها بايد بلال وصعدو لغرفتهم .
بلال: كولي شيريد هذا ميكول متزوجه رجلهه يمهه عيب بهالوكت اتصل
سما: بس هدي واسمع ترا هذا متربين سوة ولو جنت باله جان حجى زكال ومجان وافق اصير لغيرة بس هذا اخويه
بلال: لج لتكولين اخويه انتي تحسبي اخوج بس اني مشوف بعيونه الج اي نظرات اخوة نظراته ممريحتني
سما: شتكول لك هذا غيث مو بس ابن خالي وميانه هذا اخ
بلال: شرايد هالاخ بهيج وكت
سما: رايد شغله من عندي وميريد احد يدري
بلال😡: اني مو احد اني زوجج وكولي لا وحق الله اتخبل صدك
سما راحت قفلت الباب وسحبت المفتاح بجيب بجامتهه وراحت لزمت ايد بلال
سما: بس اكعد احجيلك بس بدون متشعوط وتنطي ردات فعل تندمني كتلك
بلال : تيد تخبليني احجي شرايد صخام
سما ويه نفسهه: خفت من عصبيته حيل وقفلت الباب خاف يطلع يضرب ايات او يروح لبيت غيث ولزمت ايدة وهوة لزم ايدي حيل من عصبيته وبقيت خايفه وجان احظنه واكوله
سما: بلال الله عليك مو تسوي مشاكل هسه اكولك
بلال: يلا كولي وهوة طبعا حاظنهه
سما: غيث يريدني احجي ويه ايات موافقه بي لان يحبهه ويريد يتزوجهه
بلال: مين شافهه حتى حبهه
سما: اهووو قصه طويله
بلال ويه نفسه: جنت مفول وضجت من غيث بس من كالت يريد ايات ارتاحيت وانتبهت هيه بحظني وخطيه من الخوف بقت حاظنتني وتحجي استغليت الموقف حتى تحجي ومتبعد عني لاني اموت بيهه اعشقهه بس هيه حسيته بيهه خوف بقيت اسال بيهه شلون ووين
سما: من سويت الحادث واخذوك للمستشفى جان تروح امك وايات وهناك من شافهه تخبل اجه الليل وظل يحجيلي عنهه مجنت لا شايفتهه ولا اعرفهه ومن اجوي اهلك للخطوبه هوة شافهه ومن سمع يريدون نتناسب كمز من الفرحه ورة الزواج بقى يا يتصل يا من يشوفني يكولي احجي وياها وكل ماريد احجي ويه ايوته تصير سالفه ومكدر احاجيها هسه محتاجه مساعدتك شكلت انته
بلال: اخ كلبي ......يي اذا ايات موافقه بالخير واذا مموافقه ميتصل بيج بعد ....اغير والله صدك انتي الي فهمتي لبلال وبس
سما ويه نفسهه: شفته عصبي خفت وخرطت كلشي بنظرة منه عيونه جانت شرار غضب حظنته حتى محس اريد ابجي من الخوف اشو حظنته وزعت كلشي بطني فضحت لغيث😅 ونوب شو هوة بقه حاظني ويسأل اخر شي حسيت ع نفسي واني جنت دايخه من العصر من رحنه للعرس وركص وكعب اذة رجليه جان ابتعد واكول
سما: مدامك عرفت هسه اريد انام رحت مددت ع طرف الجربايه وهوة هم مدد واغمض عيوني محسيت غير ادين حاوطتني وهمس
بلال: تصبحين ع بلال 😊
سما: شبيك وخر لا تلطش
بلال: مو تدورين رومانسيه ....منا ورايح اتعودي ع نومتج هيج ( قصده تنام بحظنه)
سما: بلال عفيه مو وكت شقه تعبانه والله واريد انام
بلال سحبهه بحظنه حيل: وربج مداشاقه هاي نومتج اتعوديهه وهسه نامي وصيري عاقله .....
سما باستسلام: تصبح على خير
بلال: لا نو نو تصبح ع سما كولي................
سما: تصبح بجهرتي خليني انخمد
بلال: والله هسه مدري شسوي لج اصير رومانسي تصيريلي حميد المطيرجي
سما: هسه غير يكعد راحه ليحشش 😅😁
بلال: راح تجنين ع نفسج ....باسهه براسه وظل يلعب براسهه لما نامو 😴😴😴😴😴😴😴😴
اجه الصبح تقريبا بلسته ونص دك منبه بلال
بلال بنعسه: حبي كعدي يلا دوامج اتاخرتي علي
سما ؛ 😴😴😴😴😴😴😴😴
بلال: اعرفج كاعدة واجه باسهه بخده وكام يشوف ايلاف اذا كاع.ة تسوي ريوك بس وصل لباب الغرفه وعرفه مقفول من لمن سما قفلته وحطت المفتاح بجيبهه اجه حاول يطلع المفتاح من جيب سما بس فتحت عيونه وصاحت
سما: عاااااااااا بصياح
بلال: هششش وحط ايدة ع حلكهه ..
سما: شتسوي
بلال: حضرتج حطيتي المفتاح بجيبج ونمتي وحابستني بلغرفه اجيت اطلعه 😍
سما😲: يي نسيته والله هاك ...
بلال: حرااامات وهز راسه
سما: ع شنو حرامات
بلال: ردت اطلعه اني😁
سما: هههه متضحك ....والله ملي واهس اكعد محاظراتي المهمه ورة ال ١١ شعندي من هسه خلي زهراء تدزهن الي واغلس مداوم
بلال: لعد نامي واني اوديج ورة العشرة للكليه
سما: لا لا راح اكوم اغسل وابدل ...انته تعبان من دوامك اجيك اني شلاع كلب ليش
بلال حط ايدة ع حلكهه: اشششش ولا نفس نامي واني اوصلج يريت كل التعب لبي مثل تعبج جنت هسه اني بلجنه .....
سما: لا يانوم طارت خل اكوم
بلال رجع مدد عجربايه وحاوطهه بيدة وكال: هسه راح تخدرين وتنامين متكدرين بدوني
سما: صبحنه بغرورك ....لا لا اروح احسل......محست غير هيه بحظنه وايد بلال ع حلك سما: نامي حبي
ورة ساعتين ونص اجت مريم كسرت الباب
فزو اثنينهم سحبت المفتاح سما وراحت فتحت الباب
سما: شكو شكو
مريم: صباح الخير
سما: خليتي بيهه خير شعندج هيج فززتينه
مريم: ادري تعبتوني اصيحلكم ماكو اجيت دكيته
بلال: لا قصدج جفلتينه ..لج حتى الخلفه منعتيهه من عندي😂
مريم: هههههه شلون مكرفصين لا ونوب الخوافه لتفز تاركه دوامهه
سما: عززة بيش ساعه
مريم: بتسعه ونص
بلال: اني اوصلج نتريك وبدلي واوصلج
تريكو وبدلو وطلعو ...بلسيارة
سما دتقرا شوي
بلال: ترا حتى من الكتاب اغار مو حيل تهتمين بي
سما: هههههههه حباب اكعد عاقل خل اشوف شراح يثولنه دكتور
بلال: متأكدة تحبين الدراسه هههه محسيتج متفاعله غير ويه نوم تنبل نوم
سما: ليش وكيح انته
بلال: والله لوما طريق علمتج بس بليل اعلمج شلون وكيح ....وصلها وكال يلا
سما ردت افتح باب السيارة وايدة لزمت ايدي: شكو
بلال: اشر ع خدة بوسه 👄 يلا
سما: مال شنو
بلال: مال توصيله يلا هسه الاستعلانات يوكفنه يعباله اتحرش 😚😁
سما : كتله ذاك غيث جان يباوع للجهه ثانيه بسته بسرعه ونزلت شفته ضحك وهز براسه بسيطه وكال اني الج ودز بوسه طيارة بلهوا وفتت للكليه
مر اسبوع واني انام كل ليله بحظنه وانعجب باسلوبه مدللني ويحبني احس بشي غريب بس ماريد استعجل
اليوم جان موعد جيه عمو ابو شاكر لاحظت ممهتمين لجيته بس مثل متسوي مريم من يجي شالات ع راسنه بنفس اليوم الي اجه بليل هوة والحجيه راحو نامو بتسعه ونص بليل وشاكر وبلال بصاله والبنات ع موبايل ومريم يم سند طفلهه واني سويت جاي وحطيتلهم وطبعا اني وبلال نشرب بكوب واحد💏
جان ايلاف تكول : نلعب دومنه والله ضوجه وباجر جمعه
الكل: ييي بلال مقابيل شاكر واني قريبه من حظن بلال ومريم نفس حركتي يم شاكر وريا وسكينه(ايات وايلاف) وحد مقابيل لخ لعبنه احنه البنات والولد كلمن يشجع بمرته طبعا لعبنه بغرفه ايات وايلاف لان جوة وشال اني ومريم ذبيناه لان عمو نايم بس شالي يم ركبتي وم يم مدري وين مطيرة شالهه ...المهم دنلعب وعلا صوت الولد جان بلال يكولي خليني اكمل عنج هم حمى شاكر 😁 ولعب عن مريم ويه ايات وايلاف همه فريق وشاكر وبلال فريق حمو الجماعه اجه صوت عمي محسيت غير بلال سحبني بحظنه وخله شال فوك وجهي كله لان مجنت لابسته ومريم حاصت اخر شي سوت نفسهه نايمه ورة شاكر اكو مخدة دتتلمس لكت شال بقت مسويه نفسهه نايمه فات عمو
ابو شاكر: هاي شسوين كاعدين لهسه متكولون اوادم نايمه وليدي بلال شبيه مرتك مو عدكم غرفه وروحو بيهه
بلال: يابه نامت محاسه ع نفسهه هسه راح اخليهه تكعد تنام ...داحجي ويه ابويه واحس بحركه وجهه ع صدري تضحك كلبي هم رجف من ضحكته فجأه رفعت راسه ضبطت شالهه
سما: ها عمو والله معليه كتلهم لتلعبون مسمعو الكلام باوعت ع البنات وهذولي لوسوسونه اني وبلال اجينه بس نباوع
مريم حطت شال فوك راسهه : يي عمو مثل مسما كالت احنه معلينه بس كله من ريا وسكينه تاشر ع ايلاف وايات١😁
ايلاف: والله مو صدك انتن هم جنتن تلعبن اسال ازواجهم
سما: عمو من رخصتك دايخه اجيت حتى مكسر بخاطر البنات وحتى مريومه عافت ابنهه واجتي بس مدام الوفه نكرت شحجي 😅
ابو شاكر: يي بنتي مرخوصه هاي طايح حظهه متنعدل واشر ع ايلاف
فلتو الاربعه .....وبقو ايات وايلاف بلغرفه اترزلو ع الخفيف وطلع الحجي ورة نص ساعه طلعو البنات للحديقه اتفاجأو سما مقابيل بلال ومسوين فريق وشاكر مقابيل مريم مسوين فريق ويمهم كرزات وقهوة ويلعبون
ايلاف: هسه اذا اصيح بابا مو اخليكم يسوي بيكم لسواة بينه
ايات: صدك بنات متوقعته مريم وسما ينطن بينه
سما ومريم: هههههههههه
ايلاف: عقاب الجن متلعبن اني وتوته نكمل بدالجن يلا وخرتهن وبلال وشاكر يضحكون بصاير بخواتهم ولعبو الاخوان الاربعه بس مريم وسما وحدة تغمز للخ وفجأه مريم بطنهه اوجعته رادت تروح للتواليت جان سما تكول اوصلج خةف توكعين ثواني واختفت مريم وسما وفجأه
الكل قصدي الاخوة الاربعه: 😱😱😱😱😱😱😱😳
____________________________ اتفاعلو وكولو شنو رأيكم شنو لصار ........تصويت يجماعه الخير حتى انزل يوميه بارت
تصويت راح اسوي مثل الاذكار
استغفر الله العظيم واتوب اليه _____تصويت🤧
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
