سما: ورة ما نجلاء نزلت وهيه محروكَه ومشعوطه لان علي باسني والله حته اني اتفاجأت من سوه هالحركه ..توني دفعته ووخر عني بعدني محجيت شي واباوع هاي رنا اختي جان متابعه الفلم مالتنه بس تتمضحك وتشمر كلامها ونوب علي يأيدها يحجي وياها ويغمزلي ضجت منهم عفتهم ونزلت يربي علي ليش يسوي هيج راح يخبلني اني مو محذرته ميتقربلي د احجي ويه نفسي فزيت ع صوت ماما تكول راح نروح ودعتهم وبلشو الناس تروح اخر شي راحو بيت سارة وانجمعنه بالصاله كلنه علي وسارة ومريم وشاكر وعمتي وعمي واني والجهال يسولفون عادي بس اتفاجأنه علي يكول لسارة من باجر ايدج وياهن بالتنظيف بعد صرتي جنه حالج حالهن سارة بقت صافنه ومو ع بعضها تباوع بوجهنه كلنه واخر شي ترخصت وراحت تنام لان صارت دنيا ليل والكل راح ينام وعلي يم سارة ومن باجر يمي يوم يمي يوم يمها نمنه ...
صار الصبح والكل كعد اني اسمع صوت التلفون مالتي مسكت بس مابيه احرك جسمي احسه مكسر مدري ليش محس غير الباب انفتح وعلي اجه يكولي متسمعين التلفون مو حركو راسي باوعلي شافني ارجف ومبيه حيل احرك جسمي اجه ركض طفر ع جربايه ولزم كصتي شاف حرارتي مرتفعه بهالاثناء دخلت مريم وشافت علي مخبوص كالها راح افوت اسبحها عينج ع جهال اني مبيه حيل انطق كلمه وجسمي مصخن حيل بس احس برجفه برودة فات وسد الباب خلاني جوة الدوش بملابسي ويفرك براسي ويمسح بوجهي والمي بارد حط ايدة ع سحاب مال تراك تيشيرت يريد يفتحه لزمت ايدة بالكوة جان يكولي انتي بيا حال هيه مال مستحه بالله ورجع ايدي ونزعني الملابس بقيت بالداخليات وجسمي يرجف من المي البارد شوي ولفلفني بمنشفه ولبسني البرنص وطلعني ع جربايه رادو مني ابدل علي راد يبدلي ومريم واني بالكوة احجي اخر شي كال راح اجيب الهه ابرة تضربها حته تصير زينه راح يحضر بالابرة وصحت لمريم تصيح سارة تضربني وعلي سمع هالسالفه طفر فوك راسي ويهمس يعني بلحمام اشوفج وهنا لا عمي اخذج للحمام اضربج يحجي بعصبيه واني من فطارتي ضحكت ع كلامه جان يكولي ادري تتحارشين بيا شسوي امري لله مريم يابه صدي هيج لما اضرب البرنسيسه ابرة وضربني وبقيت متلفلفه بالفراش وبالبرنص نمت بعد مدري شصار ورة وين كعدت لكيت الساعه 04:30 العصر هاي شكد نايمه اني كعدت صح بجسمي خدر بس احسن من الصبح اكدر احرك نفسي باوعت ماكو جهالي اكيد اخذهم علي شوي وكمت من الفراش وعلي فات للغرفه كلي ها كعدتي شلون صرتي
كتله الحمدلله احسن راح افوت اسبح لزم كصتي كال لا احسن صرتي هوة مقابيلي غمزلي وكال افوت اسبحج اني لان من سبحتج الصبح صرتي زينه 😉 خزرته واخذت ملابسي وفتت سبحت وقفلت باب الحمام لان مدري علي صاير يخوف يفوت بدون ميدك الباب ..
ورة ساعتين احنه كاعدين بالصاله ومنجمعين جان يدك فوني باوعت هاي زهراء مخابرتني ١٥ مرة رديت عليها
سما: الووو ها حبي
زهراء: ولج خليتي بيها حبي صمطتيني ادك وماكو متكولين اشوف هالخبله لتدك من الصبح وترجع ورة عايفتني بدون جواب وينج يالفطيرة
أنت تقرأ
قدري المكتوب دون ان اعلم(مكتمله)
Romanceهي قصه عراقيه يمكن العنوان طويل لم تكن اختيار كنت قدري المكتوب دون ان اعلم غدرت بهِ حبيبته لجان معتقدها هيج وهي الزمن صدمها بواحد جانت تحبه ... قررو ميحبون وميتزوجون بس سلطه الاهل وخوفهم من كلام الناس اتزوجو زواج تقليدي وبيوم الرؤيه الشرعيه الهم...
