قدري المكتوب دون ان اعلم(مكتمله)

33

سما : جنت افكر بكلام سارة ونوب مريم هم متريد سارة ودافكر سارة ليش هيج جان تكدر تسوي مشاكل وياي ليش هيج ويه مريم مستحيل مريم تحجي ع سارة دافكر جان علي يفتح الباب اجه كعد بصفي ع جربايه سألته ها علي شكو كال اجتي نجلاء تبات يمنه يومين عفتها جوة واجيت اكولج ترا كمت ادور بيت بس وين تيدين بلرمادي لو اهنا بلجزيرة بكيفج فكرت كلت ماريد ابعد عن ريحه بلال ف كلت بلجزيرة يكون احسن حسيته فرح من كلت هيج اتقربلي وكال كل هذا علمودج الله شاهد سألته

_ علي شبيك متغير وحته كلامك وصاير جرئ

_ يجي يوم وتعرفين

_ تدري علي جنت احسد لبنيه لتحبها ع حبك ووفاىك بس هسه اشوفك استسلمت للامر الواقع هااا

_ هههههههه ليش يابه تغارين من وحدة مشفتيها

_ لا والله مو غيرة بس حبيت حبك الهه حسيت صدك اكو شي اسمه حب واخلاص من صبرك

_ حلوووو تذكرين كلامج من كلتي تشهدين للبنيه الي احبها شكد صبرت وتحملت بفراكها عود لتنسيني غمزت وطلعت

سما: هذا شبي صاير يتمضحك هواي ويغمزلي والله شغلته مو خاليه نمنه كعدت بليل ع صوت حمودي ديبجي رضعته ومن تعبي نمت وخليته ع جربايه كعدت الصبح ع صوت علي يكعدني وحاضن حمودي يكولي شلون عفتي مخفتي يوكع من جربايه و و و وكمت سبحت ونزلت شفت السعلوة نجلاء تتمعلك وتتمضحك والله اني يالجنه البيت استحي وهيه حاطه شال فوك شعرها وطالع نصه صبحت لان عمتي جانت كاعدة ورحت للمطبخ شفت مريم صبحت عليها وساعدتها بلريوك تريكنه وكمنه ننظف خابرت زهراء تكولي ورة اسبوع النتائج وسالتها طلعت حامل ياي شكد فرحت الهه وهيه طايرة من لفرح وهيه تيد تسمي بنتها باسمي لان تعرفت ع مهند من جانت يمي صدفه جمعتهم ومهند يريد يسمي ابنه اذا طلع ولد ع اسم ابوة وفرحانين سديته كملنه شغل طبعا علي وسارة مداومين ثنينهم بالمستشفى ولعصر علي بلعيادة صعدت ارضع جهالي وشربتهم شوربه حته يتعودون ع الاكل عمرهم صار فوك السنه وماشاءالله حركيين لازم من يكعدون اظل منتبهه الهم دالعب وياهم سمعت صوت علي يسال مريم عني يعني اجوي من دوامهم شويه واجه علي بملابسه فات باسني من راسي واجه يلاعب ب علي لزغيرون وحمودي واباوع عليهم شوي وسمعنه هوسه نزلنه شفنه سارة ومريم مكافش ونجلاء ترزل وتحجي ع مريم ونوب تكول وسما الصبح تكولي متولين شعندج كاعدة اهنا هذا بيتي اني بس فاكه حلكي من الجذب مالتهه وصوتهم عالي سديت اذاني وعلي عاط بيهم وسكتو وطلع للعصر وعلي ماكو اتصلت ٣ مرات ماكو بالي ظل يمه رحت يم مريم وكايدة علاوي وشايله حمودي نزلت يمها ونحجي شوي واجه علي ردت اكوم شفت سارة كمزت وراحت تحظنه هوة وخرها باوعلي وصعد مريم رادتني اصعد كتلها معليه سارة حتلحكه عوفيني بضيم جذب نجلاء ونوب خطيه مريم تعبانه نفسيتها هالايام مناكرة ويه سارة صدك تعبنه مشاكل بمشاكل صعدت ع غرفتي لكيت علي مدد ع جربايه خليت جهالي يلعبون بالكاع وملاعيب يمهم ورحت يمه ..