~~ نور ~~ بقلم >> أميرة أميرة أبي (2015)

الفصل الأول

نور/ بقلم أميرة أبي

فمدخل طويل مفرش بزربية حمرة وحيوطو مزخرفة بأجمل النقوش ومزينة بلوحات فنية على كلتا الجانبين.. واقفة سيدة خمسينية جسمها هزيل وملامح وجهها ظاهر عليهم تعب السنين بلباس بسيط.. هازا فيديها خرقة وكتنظف الديكورات بإتقان تلفتات جهة الباب وما ان لمحاتو داخل يديه من ورا ظهرو وكرشو سابقاه ارتبكت وقربات لعندو بسرعة
عايشة : السي رضا ياك لباس
رضا بملامح غاضبة مااالكي كتفتفي اش كاين؟!
عايشة بتوتر اا لا والو والو غير ..
رضا قاطعها شششش صافي سيري وجدي ليا شي كأس ديال اتاي راسي ضارني
عايشة : ها و واخا نكمل هدشي ونصايبو
رضا بصوت عالي وااااش انا كنقول ليك راسي ضارني وانتي كتقولي بلاتي
عايشة رسمت ابتسامة بزز على شفافها واخا مايكون غير خاطرك متقلقش
رضا : يلا هو دابا (يلاه تحركت شوية وهو يوقفها ) اجي داك الزفتة دبنت خوك ليوم جايا ياكي
عايشة ميكات على كلامو وابتسمت بفرحة حتى لمعو عيونها اه ليوم جايا صباح صونات ليا فاش شدات الطريق متصورش شحال فرحانة أخيرا غادي يتجمع شملنا والمرحوم يرتاح فقبرو الحمد لله من قبلو تجلس معانا
رضا جمع غوباشتو اااه سمعي نقوليك انا قبلت بعدما اصريتي عليا وتوبحطتي ورغبتي وزاوكّتي نتمنى ما يجي من ديك الويلة حتى مشكل كون جات عليا مندخلهاش لداري ولا حتى نشوف جهتها
عائشة:حرااام عليك هي يتيمة مابقا ليها حد من غيري
رضا: بصوت عالي حرااام عليا ياااك الآلة تقادو الكتاف ااااا دويي هز يديه ورجع جمعها بعدما سمع طقطقة حدائها ولمحها كتتقدم جهتهم وهي فكامل اناقتها بجيب حد الركبة فالخزي وقاميجا فنفس لون وبدرجة افتح مع صباط عالي بيج شعرها الاسود مجموع كله على شكل كعكة راسها مهزوز رائحة عطرها سابقاها ونظرات الاستعلاء ماليا عينيها وقفت وتكلمات بحدة
الباتول : اشهاااد الصداااع !!
عائشة: ااا لالة غير اا
باتول: غير ااااش (شافت ف رضا) أنت أش كدير هنا نزلات عينيها لرجليه ولصباطو لي عامر تراب وهزاتهم فيه
اش هاد الحالة داخل بها شحال من مرة قلت ليك متعتبش هنا بلا اذن هااا !! مخلين شغلكم وجايين تجمعو ليا هنا زيدو للصالون حسن لا
رضا: سمحي لينا الالة آخر مرة
الباتول: تحرك لداك الجردة راه حالتها وانتي دوزي كملي شغالك (رمقاتهم بغضب وزادت وهي كتسب وتلعن )

وقف طوبيس قديم نزلات منه شابة فمقتبل العمر هازا فيديها باليزا حطاتها ودارت شافت فالكًريسون لي عونها فلخرى شكراتو وبعدات لجنب الطريق متبعة بعينيها الطوبيس لي اظطرت تنزل منه لانه هادي كانت اخر محطة ليه ولي لسوء حظها كانت كتبعد بمسافة كبيرة على البلاصة لي غاديا ليها تأففات وهزات يديها كترتب حجابها دورات راسها كتستكشف المكان والطريق لي كانت خاوية شافت فالورقة فيديها و فتحات صاكها خدات تلفونها لقاتو ديشارجا رداتو بلاصتو زفرات بقلة حيلة وزادت جارا بوالزها بجوج .. تمشات مسافة طويلة وكل مرة كتدور فمحاولة انها تلقى شي طاكسي ولا شي حد يوريها العنوان بالضبط فين كاين زادت بخطوات حتى لمحات فجهة التانية من الطريق سيارة خارج منها الدخان وواقف فجنبها شخص كيهضر فتلفون
فضولها خلاها تتحرك بخطوات سريعة وتقطع شانطي حتى وصلات قدامو وبلا ماتتردد نطقات
...: خويا ياك لباس واش واقعة ليك شي حاجة محتاج شي مساعدة ؟
دار ببطئ بعدما سمع صوت من وراه نهى المكالمة وركز عينيه عليها مطلعها من رجليها كيدقق فتفاصيلها ولبسها لي كان عبارة عن كسوة سامبل طويلة فالازرق مع جاكيط فالاسود وشال من نفس اللون حتى استقرو عينيه على وجهها هاز حاجبه مستفهم
....: ياكما طرات ليك شي حاجة ؟
دور وجه لجهة التانية ما ان لمح سيارة كتقرب منه زاد بلا ماينطق بحتى حرف متجاهلها كانها مكيناش شي لي خلاها تستغرب وتبعو بعينيها
....: هذا مالو واش صمك!
وقفات سيارة مرسيدس بنز سوداء نزل الشيفور كيتفتف راد البال معاه وبعد لجنب مخلي ليه الطريق من يدوز .. بالنفس النظرات الغاضبة مد ليه الكونطاكط ديال طموبيل لي خاسرة
....: هضرت مع ديباناج شوية ويكونو هنا
شيفور: واخا سيدي
مع بغا يركب سمع الغوات ادار لقى نفس البنت واقفة مصدومة من بعد ما داز واحد بالموطور خطف ليها الصاك
ركب فطموبيلتو وزاد مخلي العجاج من وراه...