~~ نور ~~ بقلم >> أميرة أميرة أبي (2015)

الفصل العاشر

نور / بقلم أميرة أبي

فرق قبلتهم وحط جبهتو على جبهتها مخليها تاخد نفسها خدا يدها ودارها على قلبو لي كان كينبض بسرعة..
عدنان : كان لازم نبعد تيقي بيا بلي كنت كنتعدب بالضوبل وانا بعيد عليك ولكن كان ضروري نعطيك ونعطي لنفسي وقت كنت كنحس براسي كنضغط عليك بغيت نخلي ليك فرصة تفكري فيها على راحتك بلا مانضغط عليك سمحيلي احياتي سمحيلي عدبتك..
حطات يديها على شفافو مقاطعة كلامه سدات عينيها وخدات نفس طويل وعاود حلاتهم بلعات ريقها بتوتر ونطقات
نور: كنبغيك...
خدا الامر منه لحضات باش قدر يستوعب شنو قالت قربها وضمها لحضنو مامصدقش انها اعترفات ليه بعدها عليه  كيشوف فعينيها وكانه كيبحت على التأكيد للكلام للسمع مدة وهو كيتأملها غارق فيها ولغة العيون كانت كافية تشرح شنو هاز قلب كل واحد منهم مرة اخرى اختلطو أنفاسهم بقبلة لي تبعوها قبلات متتالية هزها بين يديه وخداها حطها بشوية على الفراش وهي مستسلمة ليه بكل جوارحها نزل كيقبلها بكل شغف وحب.. بعد كيتأملها وعاود رجع كيوزع قبلاتو الحنان على  أنحاء وجهها وفكل مرة كيتوقف يتأمل عينيها لي لأول مرة كيشوفهم عن قرب كانو كيلمعو فحال حبات لؤلؤ  مازال مامتيقش انها بين يديه وبلي حتى هي كتبادلو نفس المشاعر كلمة كنبغيك مزال كتردد فودنيه مد يديه حيد ليها الشال حتى بان شعرها الكستنائي الناعم دوز يديه عليه وخدا خصلات شمها وسد عينيه كيستنشقها..
كانت مستسلمة ليه داك الجهد لي كان فيها تسالا مع الاعتراف ومع قبلاته ولماساته لي خدراتها وخلاتها مرفوعة هدوئها واستسلامها ليه كان بمثابة إشارة رجع غرق فعسل ثغرها كيقبلها بشغف هز راسه شافها كيفاش مغمضة عينيها قرب من وذنها وهمس بصوت بورشها واخترق قلبها قبل مساميعها
عدنان: كنبغيييييك ومن ليوم بغيتك تكوني مرتي وحبيبتي وكولشي فحياتي بغيتك ا نور بغيتك كلك ليا بغيت نكونو جسد واحد  ماتصوريش شحال من مرة منعت راسي نقرب ليك ولكن صافي صبري سالا محتاااجك بزاااف محتاج نغرق فيك ونعيش معك الحب بكل اساليبه وطرقه موافقة تكوني حبيبتي ومرتي خدا يديها ودارها على قلبو لي كينبض بجنون غير حسات بدقاتو فتحات عينيها لي كانو كيلمعو بقات مدة كتتامل عينيه لي باين فيهم الحب والرغبة وهو مترقب جوابها على نار، نظراتها وابتسامتها كانو هما الجواب كأنها بداك الابتسامة عطاتو الضوء الاخضر طبع قبلة قوية على جبينها ومن بعدو باسها ف عينيها خدودها شفافها لي بطعم الشهد شابك يديه بيديها ونزل كيوزع قبلاتو على رقبتها ببطئ مميت وهو كيستنشق ريحتها المميزة لي زادت على مابيه.. بالرغم من الخجل والخوف لي سيطرو عليها كانت رغبة قوية من اعماقها مخلياها تستسلم ليه... غرقو فبحر اللذة روى عطشو منها وسقاها من كاس المتعة حتى لتاحمو اجسادهم وصبحو جسد واحد وروح واحدة....
التازي بعدما وصل لدارو بقى غادي جاي كيضرب اخماس ف اسداس
التازي :هادي هي لي ماكنتش ضارب ليها الحساب
جيجي: انت مالك بيها تدبر راسها تزوج ولا تجلس
التازي: انتي ماعارفة والو غير سكتي حسن
انس جا وهو كيعرج داير عكاكز كيعاون بيهم مالكم ياك لباس
التازي: مصيبة مصيبة
انس جلس ومد رجليه اش وقع تاني
التازي؛ نور
انس بضجر مالها 
التازي: تزوجات
انس: خبار قديمة هدي
التازي: هه لا جديدة لانه تزوجت بشي حد لي ماكنتش نتوقعو حنى يشوف جهتها
انس باستغراب شكون
التازي: عدنان الادريسي
انس بصدمة شنوو واش مأكد
التازي: ليوم كانو بجوجهم فالحفل
انس: اها قولي على هكا كان محروق وجا يضرب فيا كان حاط عينه عليها
التازي: هدشي لي هامك اصلا تهورك وقلت عقلك هي لوصلاتنا لهدشي (وناض خلاهم وزاد)
جيجي: لاش كيخطط تاني
انس: سوليه
جيجي قربات منه ومدت يديها كتدوز على وجه حبيبي مقلق مني
انس نتر يديها **** هاد الساعة ماعنديش الخاطر ليك
جيجي مرضاتش ياك واخا اسيدي (خدات صاكها وزادت)
وهو بقى جالس ساهي ونظراتو تحولات لنظرات شيطانية ....