~~ نور ~~ بقلم >> أميرة أميرة أبي (2015)

الفصل الخامس

نور / بقلم أميرة أبي

غير خرجو من الباب دارت شافت فيه ويلاه غادي تحل فمها عنقها وزاد بها لطموبيل وهو كيحاول يرسم الضحكة على وجه وكيهضر من تحت سنانه
اسامة: ششش غادي تفضحينا غير نفوتو هاد البلاصة وديري لي بغيتي
شافت فيه بغضب تنترت منه وزادت ركبات طلع حتى هو ديمارا وزاد غير فات الفيلا بشوية دارت لعندو عاقدة حواجبها
نور: وااااش ممكن تفهمني شنو داااكشي لي قلتي لهيه!!
اسامة وقف لسيارة جنب ودار شاف لعندها عفاك انور بلا عصاب وغير بالعقل انا نشرح ليك (تنهد ) خالك باين ناوي على شي حاجة انا مارتحتش ليه و .. قطعاتو
نور: صااافي مرتحتيش تنوض تكدب داك الكدبة
اسامة بانفعال وشنو كنتي باغاني نسكت وهو كيطلب يديك لداك الحيوان ديال ولد لي من جلس مانزلش عينيه من عليك بداك شوفات ديال الدياب قولي الحمد لله مانضتش خليت دار بوه ونعلم الحمااار لي ولدو كيييفاش يجمع عينيه
نور: انا مالي به ولا بعينووو واش الحل هو تورطني بكدبة وعاد زايدها كتقول ليه اخر الاسبوووووع واش حماقيتي
اسامة: كن مادرتش هكا كان غادي يبقى لاسقك اللهم هاد الكدبة
نور: لا لا اسامة لاااا ماشي هكا كنت نقول ليه لا واش غادي يزوجني بزز
اسامة: كان غادي يبقى حتى يقنعك وبديك تسهويك ديالو كان غادي يوصل لغارادو باينة
نور: واش انا درية صغيرة غادي يدوخني بهضرتو ويزوجني لواحد بزز
اسامة: نور فهميني انا من خوفي عليك درت هكا
نور: تسرعتي ا اسامة الكدوب حبلهم قصير
اسامة: ماكنش عندي حل اخر بغيت نسد الطريق عليه من الاول
نور مسحت على وجهها لا حول ولا قوة الا بالله (سكتت شحال وشافت فيه) ودابا من غادي نجيبو هاد الخطيب
اسامة: يلا دابا لدار ويكون خير
ديمارا وزاد وكل واحد فيهم كيفكر فهاد الحريرة وكيف غادي يخرجو منها..
الشخص: كاينة سيارة اخرى مراقباها من غيرنا
.......:كيفاش !! وعرفتي شكون
شخص: احم لا
.......: وشنو كتستنى بغيت غدا نعرف شكون غيرنا مراقبها وعينك متغفاش عليها
الشخص: واخا
.......: واش لاحظو بلي انت مراقبها
الشخص: لا
....... : اوكي اي حاجة توصلني ورد البال مزيان مايحتاجش نوصيك..
وصلو وطلعو للدار وهما ساكتين دخلو لقاو سامية جالسة على نار فإنتظارهم
سامية : على سلامتكم (شافت فوجههم لي ماكتفسرش) مالكم ياك لباس نور بنتي واش دارو ليك شي حاجة
نور: لا لا غير عيانة وبغيت ننعس تصبحو على خير وزادت لبيتها
سامية : مال ختك شنو طرا انا قولتها ليكم قلبي مكانش مرتاح لهاد العشا دوي مالكم
اسامة : ماملناش مولشي داز بخير غير تهناي رته غير عيانة
سامية : ياربي خرج العواقب بخير
نور من بعد مادخلت لبيتها بدلات حوايجها توضات ولبسات الاسدال طلقت سجادة وكبرات وبدات صلاتهة بخشوع وفكل سجدة كتطول وتدعي الله يفك هاد المشكلة لي طاحت فيها كملات صلاتها وربعات فوق سجادة هزات يديها كتدعي بصوت خافت {يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين لا إله إلا انت الحليم الكريم لا إله إلا انت العلي العظيم لا إله إلا انت رب السماوات السبع ورب العرش العظيم }
بقات كتدعي ورافعا كفوفها للسماء مدة طويلة عاد ناضت حيدات الاسدال تخشات فبلاصتها كتحاول تنعس ومتزيدش تفكر فالموضوع
حالو ماكانش حسن منها غير دخل لبيتو جلس بتعب على فراشو كيفكر فهدشي لي دار هو من خوفو هضر بلا مايفكر زيادة على أنه كان معصب ومتوتر وهو كيشوف داك الحيوان ديال انس كيفاش كيشوف فيها فحال الصياد من كيشوف الفريسة لحضت غضب وخوف على ختو خلاتو يتهور ويقول داك الكلام تنهد بصوت مسموع وناض دخل الحمام يدوش على الله الماء يبردو شوية من هاد العافية لي شاعلة فيه...
صباح جديد من بعد ليلة طويلة لي دوزاتها وهي كتتقلب مراقبة عقارب الساعة رمات الغطا وناضت بتثاقل متوجهة للحمام وماهي الا دقائق خرجات وهي كتنشف فوجهها ويديها لبسات لي جا قدامها صلات صلاتها خدات صاكها وخرجات
سامية: بنتي صباح الخير
نور: صباح الخير
سامية: مال وجهك ماعجبنيش واش مريضة
نور: لا غير عيانة شوية
سامية: دوزي تفطري
نور: لا مفياش والله وتعطلت على الخدمة يلا هاني مشيت
اسامة: فين غادا
نور بلا ماتدور جوباتو للخدمة
اسامة عارفها مقلقة منه ستناي نوصلك
نور: لا بلاش غير ... قاطعها
اسامة: زيدي زيدي بلا هضرة بزاف
سامية: وفطرو بعدا
اسامة: معندها منين تدوز
نور: حتى انا مافياش اماما
باستها وزادو خرجو نزلو وركبو فسيارة وطول الطريق الصمت كان سيد الموقف حتى وصلو قدام الباب وقف فتحات الباب باش تنزل وجبدها من يديها
اسامة: شوفي فيا
نور شافت فيه بعينين متعوبين
اسامة: مابغيتكش تقلقي كما حطيتك فهدشي غادي نخرجك منه تيقي فيا عارف راسي تسرعت ومافمرتش فالعواقب ولكن خوفي عليك هو لي خلاني ندير هدشي انا عمري نفكر نأديك ولا نضرك انور
نور ابتسمت فوجهو عارفة لي كاين
قربها لعندو وباس راسها لهلا يحرمني من هاد الضحكة
نور: وانا لهلا يحرمني منك .. توادعو ونزلت وتوجهات مباشرة لبيت ريم ...