هيام

الحلقه الرابعه

_قررت اخذ هيام واطلع وحدي افضل
_يمه تخبلت انت
_اني لو انتوا حاطين كوركم وكور مرتي
_لك عادددل تصيح علينا هاي تربيتنا الك ياحسافه
_بويه
_انجب لك ماسمعلك كلمه فاهم او لا
_ماشي بويه
_ها وهسه تاخذ هدومك وهدوم مرتك والله ومحمد وياكم
_عمي والله ممسويه شي ويا عمه
_انجبي لج بت الفكر من يوم دخلتج لهذا اليوم بس مشاكل
_هيام سمعتي شكال يلا لملمي غراضنه
_هياااااامممممم بسرعه عاد
_يييي علكيفك ليكعد احمد

شكد صعبه من تشوف امك وابوك يتخلون عنك وبذاك الوكت الي مابي امان والحصار الموجود بس شسوي مابيدي غير حل ان اخذ هيام واطلع افضل بهواي

_عادل حبيبي خل نبقى وين راح نروح متكلي
_ نروح مالج علاقه كاع الله شكدهه شكبره
_انت من تعاند محد يحلكك
_هيام لمي الملابس وبدون دردمه

اعتبر هذا اليوم صعب عليه ان اهل زوجي صاروا ضذ زوجي بسببي وخاصتا راح نطلع وحيدنا ليش هيج دائما حضي ويا الكل مو زين معقوله صدك اني بت فكر ؟

_يلا ابو احمد كملت الملابس
_يلا امشينا

ننزل من الدرج اني وزوجي وابني اباوع لعمتي منتصره انتصار عظيم ولاكأنه الي راح يطلع ابنهه اما عمي الي كام على حيله اني كلت بكلبي راح يرجعنا

_درب السلامه بويه درب السلامه

اباوع لعادل يباوع لابو وبنظراته كلمات واعتاب ويكله بعيونه ليش هيج بويه ليش وضل الموقف صعب على عادل خله ومشى هو وساكت ونمشي بلشارع منتظرين نعرف بيتنا شنو وين راح نعيش نكعد

_عادل حبيبي لتضل حاير اني وياك واحمد ابنك وياك والله وياك لتحس ان خلاص بعد ماكو حياة وخلص كلشي
_اشكرج حبيبتي هيومه ماعرف شلون انسى هذا موقفج
_لا ابو احمد مامقبول منك هلكلام واحد سند للثاني وهسه نروح لبيت ايجار بين منرتب وضعنا
_اي هم صدك امشينا لعد على بيت صديقي عده بيت للايجار

طبعا نمشي لبيت صديقه الى ان وصلنا واتفق هو ويا والحمدلله من حصلنا مشتمل صغيروني

_يلا هلهلي صار عدنه مشتمل
_كللللششششششششش
_خرب يومج شنو هلهلوله ماطور ويشتغل
_له له اسكت اسكت وهاك احمد واكعد هناك خل ابلش انظف
_هلا هلا بحمودي البطل
_عيفه ليكعد ويبجي
_اضاهر رايدله اخ اخت ويا
_عاددددددددلللللللل
_عيونه بس كولي
_ اسكت اسكت
_ صار

ماعرف شلون اشكر الله ع هاي النعمه رزقني بولد ومره دره مال الله اتمنى بنات الدنيا كلهه نفس عروستي

مرت سنه وسنتين بحربنا حرب ايران لو مشاكل اهل زوجي الي متخلص حتى ومن طلعنا منهم ومع هذا كبر ابني احمد الي هو قطعه من روحي وصار بلمدرسه ويعرف يحسب من واحد للعشره

_يمه يمه بويه
_ها بويه تعال بلغرفه احنا
_ بويه الشوارع مكلوبه كلاب بره علساس انتهت الحرب ومدري شنو
_هياااام شغلي التلفزون بسرعه
_الان من احد المراسلين لدينا ينقل اخر الاخبار ان حرب الايران العراقيه انتهت ...