_تفضلي خاله رايده منو؟
_ام عادل موجوده، ومنو انت؟
_ اني عباس ابن عادل
كمزت عليه وتصيح:
يمه عباس يبوو يمه عبوسي صاير رجال
ابتعدت خطوات قليله كتلهه واني مستغرب:
_يممممه هيام
جاوبتني وهي فرحانه وضحكته مثل شروق الشمس ماليه وجهه:
_اي يعباس اي اني امك يايمه تعال لحضني يابعد روحي
رحتله على سريع حضنته واني ابجي بكل قوه اكلهه:
_يمه شلون شلون عفتينه يمه مامصدك
_معقوله هاي انتي يمه، يمه شفنه الضيم
_يمه حمودي راح من عدنا يمه
بعدت عنهه نزلت بالكاع ابوس رجلهه جرته مني كالت:
_لا يبعد امك كوم استغفرالله، شنو ماتضيف امك
_شلون ماضيفه تعاي يمه تعاي اخواتي كابه عدهن اليوم
_ليش شكو شصاير
_ يمه اليوم قرينه رسالتج وعرفنا شصار وياج يمه اخذينا وياج مانريد نبقى
_ليش ماخذتينا وياج يمه ليش عفتينا هنا يم ذوله الناس المترحم
_يمه حمودي راح بدون ميشوفج
_يمه عباس الحجي هواي وطويل مو طول ملتهين هسه الكل بالفاتحه
روح جيب زهره ورقيه خل نطلع منا بسرعه
_يمه لتخافين بعد اني وياج وسندج بالحياة
مدت ايدهه تمسح بوجهي واطبطب على اكتافي اخذتهه لحضني
حضن ودفوا لا يوصف فعلا الام مايجي مثلهه، بعدت عنهه بهدوء
لزمت ايده بكل قوه ودخلت جوه اريد ابشر رقيه وزهره بس احس رجليه ثكلن
تعوذت من الشيطان واني اباوعلهه مبتسم متأمل ان حياتنا راح تصير بخير
دخلت جوه صحت بصوت عالي فزن وعاينن عليه:
_كافي شنو هذا الصياح زهره رقيه يلا لمو ملابسكم رايحين احنا
تقربت عليه عمتي سميره والوجع مبين عليه كالت
_وين تاخذهن ورايح تكعد هنا وتسكت
ردت اجاوبه بس امي صاحت بصوت:
_ عباس يلا يمه ماعدنا وكت لمو غراضكم
عمتي وبيبي شهكن بصوت عالي كالن بصوت واحد
_ هيام
_ اي هيام العذبتوهه والمردتوهه هي وعايشه هيام الدستي بطنهه هيام الزمتيهه من شعرهه ودك بلميز
أنت تقرأ
هيام
Genç Kız Edebiyatıدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
