فتحت باب الغرفه نصدمت لكيت كدامي شلون راس الجلب يروح ويجي منا رجعت ليوره واني
اردد بسم الله الرحمن الرحيم خايفه من المنظر الكدامي وجوه قبيحه الى ابعد درجه ماعتقد
الحيوان راح يكدر يتقبلهه اعاين على اجزاء الجسم بنضرات مملوئه قلق ورعب وخوف اجزاء
جسمه مثل اجزاء الانسان لكن الاختلاف في الوجه بدلا ميكون الوجه وجه انسان كان وجه
حيوان وبشع وقبيح ومائل للشيطان او بالاحرى هو الشيطان بحد ذاته ارجع للخلف واردد سورة
اية الكرسي بكل هدوء والاشكال مستمره بالضهور فززتني رقيه من اجتي "شبيج زهره متفوتين جوه
لحدلان ماداخله شو وخري " كتله
" رقيه اكو احد بالغرفه ثقي باالله شلون الحيوانات " كالت
" احد بالغرفه وشلون الحيوانات شلون صايره شبيج زهره بعدج ماخرفتي كولي يالله "
فسحت المجال الهه تدخل علكيفهه وفعلا دخلت بدون تردد ودخلت وراهه عاينت على كل جهه
شفت بيهه الوجوه القبيحه بس مكان لهم اي ضهور حتى شكيت بنفسي ان اني كاعده اتوهم
بالنظر او ربما هاي الاحداث الكاعده تصير ويايه كاعد يصير عندي حالة ارق وتعب اكثر من
السابق .. توجهت للكنتور نزعت ملابسي لبست ملابس النوم الكان قماشهن يختلف يكون خفيف
علمود متتكون دهون في منطقة الضهر وبعد نتيجة هاي الدهون تضهر حبوب باللون الاحمر
وخرت هاي الافكار من راسي وتوجهت لجربايتي نكثت اللحاف حسب بيبي ام بابا تكول نكثو
جراجف جربايتكم وحتى اللحف علمود الشيطان يعوفهن وفعلا كمت كلما انام انكثهن قابل ناقصه
شياطين البيه مكفيني صعدت رجلي اليمنى على الجربايه على الطارف جنب الحايط وبعدهه ذبيت
ثكل جسمي على الجربايه وسحبة اللحاف ومديته على طول جسمي مثل الميت من يذبون
عليه تراب بالطول والعرض مراقبين الجوانب خاف اكو فتحه معينه ينفذ منهه قاطع من احد
القواطع .. حطيت راسي على الجهه اليمنى وغمضت عيوني مع تنهيده بسيطه تحمل هموم
اليوم الرافقتني بكل دقيقه وثانيه وساعه ,حسيت احد كاعد يتقرب عليه بشكل
بطيئ غمضت عيوني بالزايد علمود اتفادى الامر او بالاحرى الخوف يمنعني ان افتح عيوني
واشوف شنو الكاعد يمشي كدامي لكن حسيت احد يدغني من جهة الضهر معقوله فعلا اكو احد
أنت تقرأ
هيام
ChickLitدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
