كاله الشرطي بصوت عصبي:
_انجب انت يلا
_ صيحلي بسرعه امير باقر، كرار باقر، غسان احمد، احمد كاظم
الكل يتفضل ويايه بسرعه
الصراخ والعياط كان ما اله اي حدود يصيحون باعلى صوت
عدهم راجين من الشرطه ان يتركوهم، بس كانت ارادة الشرطه
اقوى واخذوهم بالقوه واستخدموا وياهم عودان ثخينه اقل ثخن من التوثيه
والي ميجي بسهوله ويضل يكمز منا ومنا يحصل نتله بسيطه تخلي يسكت
طبكت سياره يم الباب انفتحت باب الخلف بالبدايه نزل من عدهه
على الكاع حذاء جوزي بعدين نزلت رجليه بنطلون اسود
بعدين طلع من السياره كلهه لابس بلوز جوزي،نظارات سوده
دائريه اعاين على كل شيئ يسوي هذا الولد اعاين بكل تفاصيله شلون
يمشي شلون يتصرف، فركت عيوني زين علمود اتاكد هذا زياد
وفعلا طلع زياد كسر هذا التفكير نزلت ماما من السياره وهي تركض باتجاهنا
وتصيح " يمه يمه بنياتي " رحنا ركض وعسريع بدون منفكر
شبكناهه بكل قوه نمتلكه حضن دافي، حنين هذا هو منريد بعد شي
عاينت على جهه اليمنى لكيت عباس جاي يركض يصيح " يمه يمه
بعدنا عنهه بهدوء راحت لعباس شبكته حيل وبوسته تقربت من زياد
باوعلي بنظرة ممزوجه بعصبيه كال:
_شبي وجهج؟
_شنو شبي؟
_منو ضاربج منو الي مد ايده عليج
_معليك ومروتك لتسوي مشاكل
_من احجي وياج احجي عدل تره وحق الله احركهه للدنيا
_هوب هوب ابن عمي ضربني
_منو بيهم
_هسه انت قابل تعرفه
_ احجي منو
_امير هو الي ضربني لان صيحت عليه
_بسيطه ددوري وجهج خل اصور زين
_شصور
_معليج ياعيني ذني كلهن نقاط ضدهم
_ يمعود زياد لتسوي شي تره ذوله يخوفون
_اشش روحي يلا جيبي غراضكم وتعاي
رحنا اني ورقيه فتحنا الباب كامن على حيلهن بيبي وعمه
" اي هسه ارتاحيتن انتن وامجن الساقطه سجنتن زلمنا
ردنا نجاوبه دخلت امي بكل قوته كالت بصوت عالي موجهته لبيبي
أنت تقرأ
هيام
ChickLitدخلني للغرفه شمرني على الجربايه تفل عليه وجر حزامه وبكل قوته يضرب بيه وعيوني تتبع الحزام وين يتوجه واحط ايدي علمود ميوجعني، مو عادل هذا غير شخص مو انسان حيوان كل ضربه يضربه اليه اموت اشوف الموت واني عايشه اسمع عمتي وحماتي يضربون بزهره وعباس بحجة...
